Library·Ṛgveda Saṃhitā·2·2.14
अध्वर्यवो भरतेन्द्राय सोमम् आमत्रेभिः सिञ्चता मद्यम् अन्धः । कामी हि वीरः सदम् अस्य पीतिं जुहोत वृष्णे तद् इद् एष वष्टि ॥
adhvaryavo bharatendrāya somam āmatrebhiḥ siñcatā madyam andhaḥ | kāmī hi vīraḥ sadam asya pītiṃ juhota vṛṣṇe tad id eṣa vaṣṭi ||
Ministers, bring the Soma juice for Indra, pour forth the gladdening liquor with the beakers. To drink of this the Hero longeth ever; offer it to the Bull, for this he willeth.
Translated by Ralph T. H. Griffith (1896)
अध्वर्यवो यो अपो वव्रिवांसं वृत्रं जघानाशन्येव वृक्षम् । तस्मा एतम् भरत तद्वशायं एष इन्द्रो अर्हति पीतिम् अस्य ॥
adhvaryavo yo apo vavrivāṃsaṃ vṛtraṃ jaghānāśanyeva vṛkṣam | tasmā etam bharata tadvaśāyaṃ eṣa indro arhati pītim asya ||
Ye ministers, to him who with the lightning smote, like a tree, the rain-withholding Vṛitra— Bring it to him, him who is fain to taste it, a draught of this which Indra here deserveth.
Translated by Ralph T. H. Griffith (1896)
अध्वर्यवो यो दृभीकं जघान यो गा उदाजद् अप हि वलं वः । तस्मा एतम् अन्तरिक्षे न वातम् इन्द्रं सोमैर् ओर्णुत जूर् न वस्त्रैः ॥
adhvaryavo yo dṛbhīkaṃ jaghāna yo gā udājad apa hi valaṃ vaḥ | tasmā etam antarikṣe na vātam indraṃ somair orṇuta jūr na vastraiḥ ||
Ye ministers, to him who smote Dṛibhîka, who drove the kine forth, and discovered Vala, Offer this draught, like Vâta in the region: clothe him with Soma even as steeds with trappings.
Translated by Ralph T. H. Griffith (1896)
अध्वर्यवो य उरणं जघान नव चख्वांसं नवतिं च बाहून् । यो अर्बुदम् अव नीचा बबाधे तम् इन्द्रं सोमस्य भृथे हिनोत ॥
adhvaryavo ya uraṇaṃ jaghāna nava cakhvāṃsaṃ navatiṃ ca bāhūn | yo arbudam ava nīcā babādhe tam indraṃ somasya bhṛthe hinota ||
Him who did Uraṇa to death, Adhvaryus! though showing arms ninety-and-nine in number; Who cast down headlong Arbuda and slew him,—speed ye that Indra to our offered Soma.
Translated by Ralph T. H. Griffith (1896)
अध्वर्यवो यः स्व् अश्नं जघान यः शुष्णम् अशुषं यो व्यंसम् । यः पिप्रुं नमुचिं यो रुधिक्रां तस्मा इन्द्रायान्धसो जुहोत ॥
adhvaryavo yaḥ sv aśnaṃ jaghāna yaḥ śuṣṇam aśuṣaṃ yo vyaṃsam | yaḥ pipruṃ namuciṃ yo rudhikrāṃ tasmā indrāyāndhaso juhota ||
Ye ministers, to him who struck down Svaṣna, and did to death Vyansa and greedy Ṣushṇa, And Rudhikrâs and Namuchi and Pipru,—to him, to Indra, pour ye forth libation.
Translated by Ralph T. H. Griffith (1896)
अध्वर्यवो यः शतं शम्बरस्य पुरो बिभेदाश्मनेव पूर्वीः । यो वर्चिनः शतम् इन्द्रः सहस्रम् अपावपद् भरता सोमम् अस्मै ॥
adhvaryavo yaḥ śataṃ śambarasya puro bibhedāśmaneva pūrvīḥ | yo varcinaḥ śatam indraḥ sahasram apāvapad bharatā somam asmai ||
Ye ministers, to him who, as with thunder, demolished Ṣambara's hundred ancient castles; Who cast down Varchin's sons, a hundred thousand,—to him, to Indra, offer ye the Soma.
Translated by Ralph T. H. Griffith (1896)
अध्वर्यवो यः शतम् आ सहस्रम् भूम्या उपस्थे ऽवपज् जघन्वान् । कुत्सस्यायोर् अतिथिग्वस्य वीरान् न्य् आवृणग् भरता सोमम् अस्मै ॥
adhvaryavo yaḥ śatam ā sahasram bhūmyā upasthe 'vapaj jaghanvān | kutsasyāyor atithigvasya vīrān ny āvṛṇag bharatā somam asmai ||
Ye ministers, to him who slew a hundred thousand, and cast them down upon earth's bosom; Who quelled the valiant men of Atithigva, Kutsa, and Âyu,—bring to him the Soma.
Translated by Ralph T. H. Griffith (1896)
अध्वर्यवो यन् नरः कामयाध्वे श्रुष्टी वहन्तो नशथा तद् इन्द्रे । गभस्तिपूतम् भरत श्रुतायेन्द्राय सोमं यज्यवो जुहोत ॥
adhvaryavo yan naraḥ kāmayādhve śruṣṭī vahanto naśathā tad indre | gabhastipūtam bharata śrutāyendrāya somaṃ yajyavo juhota ||
Ministers, men, whatever thing ye long for obtain ye quickly bringing gifts to Indra. Bring to the Glorious One what hands have cleansèd; to Indra bring, ye pious ones, the Soma.
Translated by Ralph T. H. Griffith (1896)
अध्वर्यवः कर्तना श्रुष्टिम् अस्मै वने निपूतं वन उन् नयध्वम् । जुषाणो हस्त्यम् अभि वावशे व इन्द्राय सोमम् मदिरं जुहोत ॥
adhvaryavaḥ kartanā śruṣṭim asmai vane nipūtaṃ vana un nayadhvam | juṣāṇo hastyam abhi vāvaśe va indrāya somam madiraṃ juhota ||
Do ye, O ministers, obey his order: that, purified in wood, in wood uplift ye. Well pleased he longs for what your hands have tended: offer the gladdening Soma juice to Indra.
Translated by Ralph T. H. Griffith (1896)
अध्वर्यवः पयसोधर् यथा गोः सोमेभिर् ईम् पृणता भोजम् इन्द्रम् । वेदाहम् अस्य निभृतम् म एतद् दित्सन्तम् भूयो यजतश् चिकेत ॥
adhvaryavaḥ payasodhar yathā goḥ somebhir īm pṛṇatā bhojam indram | vedāham asya nibhṛtam ma etad ditsantam bhūyo yajataś ciketa ||
As the cow's udder teems with milk, Adhvaryus, so fill with Soma Indra, liberal giver. I know him: I am sure of this, the Holy knows that I fain would give to him more largely.
Translated by Ralph T. H. Griffith (1896)
अध्वर्यवो यो दिव्यस्य वस्वो यः पार्थिवस्य क्षम्यस्य राजा । तम् ऊर्दरं न पृणता यवेनेन्द्रं सोमेभिस् तद् अपो वो अस्तु ॥
adhvaryavo yo divyasya vasvo yaḥ pārthivasya kṣamyasya rājā | tam ūrdaraṃ na pṛṇatā yavenendraṃ somebhis tad apo vo astu ||
Him, ministers, the Lord of heavenly treasure and all terrestrial wealth that earth possesses, Him, Indra, fill with Soma as a garner is filled with barley full: be this your labour.
Translated by Ralph T. H. Griffith (1896)
अस्मभ्यं तद् वसो दानाय राधः सम् अर्थयस्व बहु ते वसव्यम् । इन्द्र यच् चित्रं श्रवस्या अनु द्यून् बृहद् वदेम विदथे सुवीराः ॥
asmabhyaṃ tad vaso dānāya rādhaḥ sam arthayasva bahu te vasavyam | indra yac citraṃ śravasyā anu dyūn bṛhad vadema vidathe suvīrāḥ ||
Prepare thyself to grant us that great booty, O Vasu, for abundant is thy treasure. Gather up wondrous wealth, O Indra, daily. Loud may we speak, with heroes, in assembly.
Translated by Ralph T. H. Griffith (1896)