Library·Ṛgveda Saṃhitā·2·2.27
इमा गिर आदित्येभ्यो घृतस्नूः सनाद् राजभ्यो जुह्वा जुहोमि । शृणोतु मित्रो अर्यमा भगो नस् तुविजातो वरुणो दक्षो अंशः ॥
imā gira ādityebhyo ghṛtasnūḥ sanād rājabhyo juhvā juhomi | śṛṇotu mitro aryamā bhago nas tuvijāto varuṇo dakṣo aṃśaḥ ||
These hymns that drop down fatness, with the ladle I ever offer to the Kings Adityas. May Mitra, Aryaman, and Bhaga hear us, the mighty Varuna Daksa, and Amsa.
Translated by Ralph T. H. Griffith (1896)
इमं स्तोमं सक्रतवो मे अद्य मित्रो अर्यमा वरुणो जुषन्त । आदित्यासः शुचयो धारपूता अवृजिना अनवद्या अरिष्टाः ॥
imaṃ stomaṃ sakratavo me adya mitro aryamā varuṇo juṣanta | ādityāsaḥ śucayo dhārapūtā avṛjinā anavadyā ariṣṭāḥ ||
With one accord may Aryaman and Mitra and Varuna this day accept this praise-song- Adityas bright and pure as streams of water, free from all guile and falsehood, blameless, perfect.
Translated by Ralph T. H. Griffith (1896)
त आदित्यास उरवो गभीरा अदब्धासो दिप्सन्तो भूर्यक्षाः । अन्तः पश्यन्ति वृजिनोत साधु सर्वं राजभ्यः परमा चिद् अन्ति ॥
ta ādityāsa uravo gabhīrā adabdhāso dipsanto bhūryakṣāḥ | antaḥ paśyanti vṛjinota sādhu sarvaṃ rājabhyaḥ paramā cid anti ||
These Gods, Adityas, vast, profound, and faithful, with many eyes, fain to deceive the wicked, Looking within behold the good and evil near to the Kings is even the thing most distant.
Translated by Ralph T. H. Griffith (1896)
धारयन्त आदित्यासो जगत् स्था देवा विश्वस्य भुवनस्य गोपाः । दीर्घाधियो रक्षमाणा असुर्यम् ऋतावानश् चयमाना ऋणानि ॥
dhārayanta ādityāso jagat sthā devā viśvasya bhuvanasya gopāḥ | dīrghādhiyo rakṣamāṇā asuryam ṛtāvānaś cayamānā ṛṇāni ||
Upholding that which moves and that which moves not, Adityas, Gods, protectors of all being, Provident, guarding well the world of spirits, true to eternal Law, the debt-exactors.
Translated by Ralph T. H. Griffith (1896)
विद्याम् आदित्या अवसो वो अस्य यद् अर्यमन् भय आ चिन् मयोभु । युष्माकम् मित्रावरुणा प्रणीतौ परि श्वभ्रेव दुरितानि वृज्याम् ॥
vidyām ādityā avaso vo asya yad aryaman bhaya ā cin mayobhu | yuṣmākam mitrāvaruṇā praṇītau pari śvabhreva duritāni vṛjyām ||
May I, Adityas, share me this your favour which, Aryaman, brings profit e'en in danger. Under your guidance, Varuna and Mitra, round troubles may I pass, like rugged places.
Translated by Ralph T. H. Griffith (1896)
सुगो हि वो अर्यमन् मित्र पन्था अनृक्षरो वरुण साधुर् अस्ति । तेनादित्या अधि वोचता नो यच्छता नो दुष्परिहन्तु शर्म ॥
sugo hi vo aryaman mitra panthā anṛkṣaro varuṇa sādhur asti | tenādityā adhi vocatā no yacchatā no duṣparihantu śarma ||
Smooth is your path, O Aryaman and Mitra; excellent is it, Varuna, and thornless. Thereon, Adityas, send us down your blessing: grant us a shelter hard to be demolished.
Translated by Ralph T. H. Griffith (1896)
पिपर्तु नो अदिती राजपुत्राति द्वेषांस्य् अर्यमा सुगेभिः । बृहन् मित्रस्य वरुणस्य शर्मोप स्याम पुरुवीरा अरिष्टाः ॥
pipartu no aditī rājaputrāti dveṣāṃsy aryamā sugebhiḥ | bṛhan mitrasya varuṇasya śarmopa syāma puruvīrā ariṣṭāḥ ||
Mother of Kings, may Aditi transport us, by fair paths Aryaman, beyond all hatred. May we uninjured, girt by many heroes, win Varuna's and Mitra's high protection.
Translated by Ralph T. H. Griffith (1896)
तिस्रो भूमीर् धारयन् त्रींर् उत द्यून् त्रीणि व्रता विदथे अन्तर् एषाम् । ऋतेनादित्या महि वो महित्वं तद् अर्यमन् वरुण मित्र चारु ॥
tisro bhūmīr dhārayan trīṃr uta dyūn trīṇi vratā vidathe antar eṣām | ṛtenādityā mahi vo mahitvaṃ tad aryaman varuṇa mitra cāru ||
With their support they stay three earths, three heavens; three are their functions in the Gods' assembly. Mighty through Law, Adityas, is your greatness; fair is it, Aryaman, Varuna, and Mitra.
Translated by Ralph T. H. Griffith (1896)
त्री रोचना दिव्या धारयन्त हिरण्ययाः शुचयो धारपूताः । अस्वप्नजो अनिमिषा अदब्धा उरुशंसा ऋजवे मर्त्याय ॥
trī rocanā divyā dhārayanta hiraṇyayāḥ śucayo dhārapūtāḥ | asvapnajo animiṣā adabdhā uruśaṃsā ṛjave martyāya ||
Golden and splendid, pure like streams of water, they hold aloft the three bright heavenly regions. Ne'er do they slumber, never close their eyelids, faithful, far-ruling for the righteous mortal.
Translated by Ralph T. H. Griffith (1896)
त्वं विश्वेषां वरुणासि राजा ये च देवा असुर ये च मर्ताः । शतं नो रास्व शरदो विचक्षे ऽश्यामायूंषि सुधितानि पूर्वा ॥
tvaṃ viśveṣāṃ varuṇāsi rājā ye ca devā asura ye ca martāḥ | śataṃ no rāsva śarado vicakṣe 'śyāmāyūṃṣi sudhitāni pūrvā ||
Thou over all, O Varuna, art Sovran, be they Gods, Asura! or be they mortals. Grant unto us to see a hundred autumns ours be the blest long lives of our forefathers.
Translated by Ralph T. H. Griffith (1896)
न दक्षिणा वि चिकिते न सव्या न प्राचीनम् आदित्या नोत पश्चा । पाक्या चिद् वसवो धीर्या चिद् युष्मानीतो अभयं ज्योतिर् अश्याम् ॥
na dakṣiṇā vi cikite na savyā na prācīnam ādityā nota paścā | pākyā cid vasavo dhīryā cid yuṣmānīto abhayaṃ jyotir aśyām ||
Neither the right nor left do I distinguish, neither the east nor yet the west, Adityas. Simple and guided by your wisdom, Vasus! may I attain the light that brings no danger.
Translated by Ralph T. H. Griffith (1896)
यो राजभ्य ऋतनिभ्यो ददाश यं वर्धयन्ति पुष्टयश् च नित्याः । स रेवान् याति प्रथमो रथेन वसुदावा विदथेषु प्रशस्तः ॥
yo rājabhya ṛtanibhyo dadāśa yaṃ vardhayanti puṣṭayaś ca nityāḥ | sa revān yāti prathamo rathena vasudāvā vidatheṣu praśastaḥ ||
He who bears gifts unto the Kings, true Leaders, he whom their everlasting blessings prosper, Moves with his chariot first in rank and wealthy, munificent and lauded in assemblies.
Translated by Ralph T. H. Griffith (1896)
शुचिर् अपः सूयवसा अदब्ध उप क्षेति वृद्धवयाः सुवीरः । नकिष् टं घ्नन्त्य् अन्तितो न दूराद् य आदित्यानाम् भवति प्रणीतौ ॥
śucir apaḥ sūyavasā adabdha upa kṣeti vṛddhavayāḥ suvīraḥ | nakiṣ ṭaṃ ghnanty antito na dūrād ya ādityānām bhavati praṇītau ||
Pure, faithful, very strong, with heroes round him, he dwells beside the waters rich with pasture. None slays, from near at hand or from a distance, him who is under the Adityas' guidance.
Translated by Ralph T. H. Griffith (1896)
अदिते मित्र वरुणोत मृळ यद् वो वयं चकृमा कच् चिद् आगः । उर्व् अश्याम् अभयं ज्योतिर् इन्द्र मा नो दीर्घा अभि नशन् तमिस्राः ॥
adite mitra varuṇota mṛḷa yad vo vayaṃ cakṛmā kac cid āgaḥ | urv aśyām abhayaṃ jyotir indra mā no dīrghā abhi naśan tamisrāḥ ||
Aditi, Mitra, Varuna, forgive us however we have erred and sinned against you. May I obtain the broad light free from peril: O Indra, let not during darkness seize us.
Translated by Ralph T. H. Griffith (1896)
उभे अस्मै पीपयतः समीची दिवो वृष्टिं सुभगो नाम पुष्यन् । उभा क्षयाव् आजयन् याति पृत्सूभाव् अर्धौ भवतः साधू अस्मै ॥
ubhe asmai pīpayataḥ samīcī divo vṛṣṭiṃ subhago nāma puṣyan | ubhā kṣayāv ājayan yāti pṛtsūbhāv ardhau bhavataḥ sādhū asmai ||
For him the Twain united pour their fulness, the rain from heaven: he thrives most highly favoured. He goes to war mastering both the mansions: to him both portions of the world are gracious.
Translated by Ralph T. H. Griffith (1896)
या वो माया अभिद्रुहे यजत्राः पाशा आदित्या रिपवे विचृत्ताः । अश्वीव तां अति येषं रथेनारिष्टा उराव् आ शर्मन् स्याम ॥
yā vo māyā abhidruhe yajatrāḥ pāśā ādityā ripave vicṛttāḥ | aśvīva tāṃ ati yeṣaṃ rathenāriṣṭā urāv ā śarman syāma ||
Your guiles, ye Holy Ones, to quell oppressors, your snares spread out against the foe, Adityas, May I car-borne pass like a skillful horseman: uninjured may we dwell in spacious shelter.
Translated by Ralph T. H. Griffith (1896)
माहम् मघोनो वरुण प्रियस्य भूरिदाव्न आ विदं शूनम् आपेः । मा रायो राजन् सुयमाद् अव स्थाम् बृहद् वदेम विदथे सुवीराः ॥
māham maghono varuṇa priyasya bhūridāvna ā vidaṃ śūnam āpeḥ | mā rāyo rājan suyamād ava sthām bṛhad vadema vidathe suvīrāḥ ||
May not live, O Varuna, to witness my wealthy, liberal, dear friend's destitution. King, may never lack well-ordered riches. Loud may we speak, with heroes, in assembly.
Translated by Ralph T. H. Griffith (1896)