Library·Ṛgveda Saṃhitā·2·2.32
अस्य मे द्यावापृथिवी ऋतायतो भूतम् अवित्री वचसः सिषासतः । ययोर् आयुः प्रतरं ते इदम् पुर उपस्तुते वसूयुर् वाम् महो दधे ॥
asya me dyāvāpṛthivī ṛtāyato bhūtam avitrī vacasaḥ siṣāsataḥ | yayor āyuḥ prataraṃ te idam pura upastute vasūyur vām maho dadhe ||
Graciously further, O ye Heaven and Earth, this speech striving to win reward, of me your worshipper. First rank I give to you, Immortal, high extolled! I, fain to win me wealth, to you the migbty Pair.
Translated by Ralph T. H. Griffith (1896)
मा नो गुह्या रिप आयोर् अहन् दभन् मा न आभ्यो रीरधो दुच्छुनाभ्यः । मा नो वि यौः सख्या विद्धि तस्य नः सुम्नायता मनसा तत् त्वेमहे ॥
mā no guhyā ripa āyor ahan dabhan mā na ābhyo rīradho ducchunābhyaḥ | mā no vi yauḥ sakhyā viddhi tasya naḥ sumnāyatā manasā tat tvemahe ||
Let not man's guile annoy us, secret or by day: give not us up a prey to these calamities. Sever not thou our friendship: think thereon for us. This, with a heart that longs for bliss, we seek from thee.
Translated by Ralph T. H. Griffith (1896)
अहेळता मनसा श्रुष्टिम् आ वह दुहानां धेनुम् पिप्युषीम् असश्चतम् । पद्याभिर् आशुं वचसा च वाजिनं त्वां हिनोमि पुरुहूत विश्वहा ॥
aheḷatā manasā śruṣṭim ā vaha duhānāṃ dhenum pipyuṣīm asaścatam | padyābhir āśuṃ vacasā ca vājinaṃ tvāṃ hinomi puruhūta viśvahā ||
Bring hither with benignant mind the willing Cow teeming with plenteous milk, full, inexhaustible. O thou invoked by many, day by day I urge thee with my word, a charger rapid in his tread.
Translated by Ralph T. H. Griffith (1896)
राकाम् अहं सुहवां सुष्टुती हुवे शृणोतु नः सुभगा बोधतु त्मना । सीव्यत्व् अपः सूच्याच्छिद्यमानया ददातु वीरं शतदायम् उक्थ्यम् ॥
rākām ahaṃ suhavāṃ suṣṭutī huve śṛṇotu naḥ subhagā bodhatu tmanā | sīvyatv apaḥ sūcyācchidyamānayā dadātu vīraṃ śatadāyam ukthyam ||
With eulogy I call on Raka swift to hear may she, auspicious, hear us, and herself observe. With never-breaking needle may she sew her work, and give a hero son most wealthy, meet for praise.
Translated by Ralph T. H. Griffith (1896)
यास् ते राके सुमतयः सुपेशसो याभिर् ददासि दाशुषे वसूनि । ताभिर् नो अद्य सुमना उपागहि सहस्रपोषं सुभगे रराणा ॥
yās te rāke sumatayaḥ supeśaso yābhir dadāsi dāśuṣe vasūni | tābhir no adya sumanā upāgahi sahasrapoṣaṃ subhage rarāṇā ||
All thy kind thoughts, O Raka, lovely in their form, wherewith thou grantest wealth to him who offers gifts- With these come thou to us this day benevolent, O Blessed One, bestowing food of thousand sorts.
Translated by Ralph T. H. Griffith (1896)
सिनीवालि पृथुष्टुके या देवानाम् असि स्वसा । जुषस्व हव्यम् आहुतम् प्रजां देवि दिदिड्ढि नः ॥
sinīvāli pṛthuṣṭuke yā devānām asi svasā | juṣasva havyam āhutam prajāṃ devi didiḍḍhi naḥ ||
O broad-tressed Sinivali, thou who art the Sister of the Gods, Accept the offered sacrifice, and, Goddess, grant us progeny.
Translated by Ralph T. H. Griffith (1896)
या सुबाहुः स्वङ्गुरिः सुषूमा बहुसूवरी । तस्यै विश्पत्न्यै हविः सिनीवाल्यै जुहोतन ॥
yā subāhuḥ svaṅguriḥ suṣūmā bahusūvarī | tasyai viśpatnyai haviḥ sinīvālyai juhotana ||
With lovely fingers, lovely arms, prolific Mother of many sons- Present the sacred gifts to her, to Sinivali Queen of men.
Translated by Ralph T. H. Griffith (1896)
या गुङ्गूर् या सिनीवाली या राका या सरस्वती । इन्द्राणीम् अह्व ऊतये वरुणानीं स्वस्तये ॥
yā guṅgūr yā sinīvālī yā rākā yā sarasvatī | indrāṇīm ahva ūtaye varuṇānīṃ svastaye ||
Her, Sinivali, her, Gungu, her, Raka, her, Sarasvati, Indrani to mine aid I call, and Varunani for my weal.
Translated by Ralph T. H. Griffith (1896)