Library·Ṛgveda Saṃhitā·2·2.40
सोमापूषणा जनना रयीणां जनना दिवो जनना पृथिव्याः । जातौ विश्वस्य भुवनस्य गोपौ देवा अकृण्वन्न् अमृतस्य नाभिम् ॥
somāpūṣaṇā jananā rayīṇāṃ jananā divo jananā pṛthivyāḥ | jātau viśvasya bhuvanasya gopau devā akṛṇvann amṛtasya nābhim ||
Soma and Pusan, Parents of all riches, Parents of earth and Parents of high heaven, You Twain, brought forth as the whole world's protectors, the Gods have made centre of life eternal.
Translated by Ralph T. H. Griffith (1896)
इमौ देवौ जायमानौ जुषन्तेमौ तमांसि गूहताम् अजुष्टा । आभ्याम् इन्द्रः पक्वम् आमास्व् अन्तः सोमापूषभ्यां जनद् उस्रियासु ॥
imau devau jāyamānau juṣantemau tamāṃsi gūhatām ajuṣṭā | ābhyām indraḥ pakvam āmāsv antaḥ somāpūṣabhyāṃ janad usriyāsu ||
At birth of these two Gods all Gods are joyful: they have caused darkness, which we hate, to vanish. With these, with Soma and with Pusan, India generates ripe warm milk in the raw milch-cows.
Translated by Ralph T. H. Griffith (1896)
सोमापूषणा रजसो विमानं सप्तचक्रं रथम् अविश्वमिन्वम् । विषूवृतम् मनसा युज्यमानं तं जिन्वथो वृषणा पञ्चरश्मिम् ॥
somāpūṣaṇā rajaso vimānaṃ saptacakraṃ ratham aviśvaminvam | viṣūvṛtam manasā yujyamānaṃ taṃ jinvatho vṛṣaṇā pañcaraśmim ||
Soma and Pusan, urge your chariot hither, the seven-wheeled car that measures out the region, That stirs not all, that moves to every quarter, five-reined and harnessed by the thought, ye Mighty.
Translated by Ralph T. H. Griffith (1896)
दिव्य् अन्यः सदनं चक्र उच्चा पृथिव्याम् अन्यो अध्य् अन्तरिक्षे । ताव् अस्मभ्यम् पुरुवारम् पुरुक्षुं रायस् पोषं वि ष्यतां नाभिम् अस्मे ॥
divy anyaḥ sadanaṃ cakra uccā pṛthivyām anyo adhy antarikṣe | tāv asmabhyam puruvāram purukṣuṃ rāyas poṣaṃ vi ṣyatāṃ nābhim asme ||
One in the heaven on high hath made his dwelling, on earth and in the firmament the other. May they disclose to us great store of treasure, much-longed for, rich in food, source of enjoyment.
Translated by Ralph T. H. Griffith (1896)
विश्वान्य् अन्यो भुवना जजान विश्वम् अन्यो अभिचक्षाण एति । सोमापूषणाव् अवतं धियम् मे युवाभ्यां विश्वाः पृतना जयेम ॥
viśvāny anyo bhuvanā jajāna viśvam anyo abhicakṣāṇa eti | somāpūṣaṇāv avataṃ dhiyam me yuvābhyāṃ viśvāḥ pṛtanā jayema ||
One of you Twain is Parent of all creatures, the other journeys onward all-beholding. Soma and Pusan, aid my thought with favour: with you may we o'ercome in all encounters.
Translated by Ralph T. H. Griffith (1896)
धियम् पूषा जिन्वतु विश्वमिन्वो रयिं सोमो रयिपतिर् दधातु । अवतु देव्य् अदितिर् अनर्वा बृहद् वदेम विदथे सुवीराः ॥
dhiyam pūṣā jinvatu viśvaminvo rayiṃ somo rayipatir dadhātu | avatu devy aditir anarvā bṛhad vadema vidathe suvīrāḥ ||
May Pusan stir our thought, the all-impelling, may Soma Lord of riches grant us riches. May Aditi the perfect Goddess aid us. Loud may we speak, with heroes, in assembly.
Translated by Ralph T. H. Griffith (1896)