Library·Ṛgveda Saṃhitā·2·2.41
वायो ये ते सहस्रिणो रथासस् तेभिर् आ गहि । नियुत्वान् सोमपीतये ॥
vāyo ye te sahasriṇo rathāsas tebhir ā gahi | niyutvān somapītaye ||
O VAYU, come to us with all the thousand chariots that are thine, Team-borne, to drink the Soma juice.
Translated by Ralph T. H. Griffith (1896)
नियुत्वान् वायव् आ गह्य् अयं शुक्रो अयामि ते । गन्तासि सुन्वतो गृहम् ॥
niyutvān vāyav ā gahy ayaṃ śukro ayāmi te | gantāsi sunvato gṛham ||
Drawn by thy team, O Vayu, come; to thee is offered this, the pure. Thou visitest the presser's house.
Translated by Ralph T. H. Griffith (1896)
शुक्रस्याद्य गवाशिर इन्द्रवायू नियुत्वतः । आ यातम् पिबतं नरा ॥
śukrasyādya gavāśira indravāyū niyutvataḥ | ā yātam pibataṃ narā ||
Indra and Vayu, drawn by teams, ye Heroes, come today and drink. Of the bright juice when blent with milk.
Translated by Ralph T. H. Griffith (1896)
अयं वाम् मित्रावरुणा सुतः सोम ऋतावृधा । ममेद् इह श्रुतं हवम् ॥
ayaṃ vām mitrāvaruṇā sutaḥ soma ṛtāvṛdhā | mamed iha śrutaṃ havam ||
This Soma hath been shed for you, Lawstrengtheners, Mitra-Varuna! Listen ye here to this my call.
Translated by Ralph T. H. Griffith (1896)
राजानाव् अनभिद्रुहा ध्रुवे सदस्य् उत्तमे । सहस्रस्थूण आसाते ॥
rājānāv anabhidruhā dhruve sadasy uttame | sahasrasthūṇa āsāte ||
Both Kings who never injure aught seat them in their supremest home, The thousand-pillared, firmly-based.
Translated by Ralph T. H. Griffith (1896)
ता सम्राजा घृतासुती आदित्या दानुनस् पती । सचेते अनवह्वरम् ॥
tā samrājā ghṛtāsutī ādityā dānunas patī | sacete anavahvaram ||
Fed with oblation, Sovran Kings, Adityas, Lords of liberal gifts. They wait on him whose life is true.
Translated by Ralph T. H. Griffith (1896)
गोमद् ऊ षु नासत्याश्वावद् यातम् अश्विना । वर्ती रुद्रा नृपाय्यम् ॥
gomad ū ṣu nāsatyāśvāvad yātam aśvinā | vartī rudrā nṛpāyyam ||
With kine, Nasatyas, and with steeds, come, Asvins, Rudras, to the house That will protect its heroes well;
Translated by Ralph T. H. Griffith (1896)
न यत् परो नान्तर आदधर्षद् वृषण्वसू । दुःशंसो मर्त्यो रिपुः ॥
na yat paro nāntara ādadharṣad vṛṣaṇvasū | duḥśaṃso martyo ripuḥ ||
Such, wealthy Gods! as none afar nor standing nigh to us may harm, Yea, no malicious mortal foe.
Translated by Ralph T. H. Griffith (1896)
ता न आ वोळ्हम् अश्विना रयिम् पिशङ्गसंदृशम् । धिष्ण्या वरिवोविदम् ॥
tā na ā voḷham aśvinā rayim piśaṅgasaṃdṛśam | dhiṣṇyā varivovidam ||
As such, O longed-far Asvins, lead us on to wealth of varied sort, Wealth that shall bring us room and rest.
Translated by Ralph T. H. Griffith (1896)
इन्द्रो अङ्ग महद् भयम् अभी षद् अप चुच्यवत् । स हि स्थिरो विचर्षणिः ॥
indro aṅga mahad bhayam abhī ṣad apa cucyavat | sa hi sthiro vicarṣaṇiḥ ||
Verily Indra, conquering all, driveth e'en mighty fear away, For firm is he and swift to act.
Translated by Ralph T. H. Griffith (1896)
इन्द्रश् च मृळयाति नो न नः पश्चाद् अघं नशत् । भद्रम् भवाति नः पुरः ॥
indraś ca mṛḷayāti no na naḥ paścād aghaṃ naśat | bhadram bhavāti naḥ puraḥ ||
Indra be gracious unto us: sin shall not reach us afterward, And good shall be before us still.
Translated by Ralph T. H. Griffith (1896)
इन्द्र आशाभ्यस् परि सर्वाभ्यो अभयं करत् । जेता शत्रून् विचर्षणिः ॥
indra āśābhyas pari sarvābhyo abhayaṃ karat | jetā śatrūn vicarṣaṇiḥ ||
From all the regions of the world let Indra send security, The foe-subduer, swift to act.
Translated by Ralph T. H. Griffith (1896)
विश्वे देवास आ गत शृणुता म इमं हवम् । एदम् बर्हिर् नि षीदत ॥
viśve devāsa ā gata śṛṇutā ma imaṃ havam | edam barhir ni ṣīdata ||
O all ye Gods, come hitherward: hear this mine invocation, seat Yourselves upon this sacred grass.
Translated by Ralph T. H. Griffith (1896)
तीव्रो वो मधुमां अयं शुनहोत्रेषु मत्सरः । एतम् पिबत काम्यम् ॥
tīvro vo madhumāṃ ayaṃ śunahotreṣu matsaraḥ | etam pibata kāmyam ||
Among the gunahotras strong for you is this sweet gladdening draught. Drink ye of this delightsome juice.
Translated by Ralph T. H. Griffith (1896)
इन्द्रज्येष्ठा मरुद्गणा देवासः पूषरातयः । विश्वे मम श्रुता हवम् ॥
indrajyeṣṭhā marudgaṇā devāsaḥ pūṣarātayaḥ | viśve mama śrutā havam ||
Ye Martus led by Indra, Gods with Pusan for your bounteousest, Hear all of you this call of mine.
Translated by Ralph T. H. Griffith (1896)
अम्बितमे नदीतमे देवितमे सरस्वति । अप्रशस्ता इव स्मसि प्रशस्तिम् अम्ब नस् कृधि ॥
ambitame nadītame devitame sarasvati | apraśastā iva smasi praśastim amba nas kṛdhi ||
Best Mother, best of Rivers, best of Goddesses, Sarasvati, We are, as 'twere, of no repute and dear Mother, give thou us renown.
Translated by Ralph T. H. Griffith (1896)
त्वे विश्वा सरस्वति श्रितायूंषि देव्याम् । शुनहोत्रेषु मत्स्व प्रजां देवि दिदिड्ढि नः ॥
tve viśvā sarasvati śritāyūṃṣi devyām | śunahotreṣu matsva prajāṃ devi didiḍḍhi naḥ ||
In thee, Sarasvati, divine, all generations have their stay. Be, glad with Sunahotra's sons: O Goddess grant us progeny.
Translated by Ralph T. H. Griffith (1896)
इमा ब्रह्म सरस्वति जुषस्व वाजिनीवति । या ते मन्म गृत्समदा ऋतावरि प्रिया देवेषु जुह्वति ॥
imā brahma sarasvati juṣasva vājinīvati | yā te manma gṛtsamadā ṛtāvari priyā deveṣu juhvati ||
Enriched with sacrifice, accept Sarasvati, these prayers of ours, Thoughts which GrtSamadas beloved of Gods bring, Holy One to thee.
Translated by Ralph T. H. Griffith (1896)
प्रेतां यज्ञस्य शम्भुवा युवाम् इद् आ वृणीमहे । अग्निं च हव्यवाहनम् ॥
pretāṃ yajñasya śambhuvā yuvām id ā vṛṇīmahe | agniṃ ca havyavāhanam ||
Ye who bless sacrifice, go forth, for verily we choose you both, And Agni who conveys our gifts.
Translated by Ralph T. H. Griffith (1896)
द्यावा नः पृथिवी इमं सिध्रम् अद्य दिविस्पृशम् । यज्ञं देवेषु यच्छताम् ॥
dyāvā naḥ pṛthivī imaṃ sidhram adya divispṛśam | yajñaṃ deveṣu yacchatām ||
This our effectual sacrifice, reaching the sky, shall Heaven and Earth Present unto the Gods to-day.
Translated by Ralph T. H. Griffith (1896)
आ वाम् उपस्थम् अद्रुहा देवाः सीदन्तु यज्ञियाः । इहाद्य सोमपीतये ॥
ā vām upastham adruhā devāḥ sīdantu yajñiyāḥ | ihādya somapītaye ||
In both your laps, ye guileless Ones, the Holy Gods shall sit them down To-day to drink the Soma here.
Translated by Ralph T. H. Griffith (1896)