Library·Ṛgveda Saṃhitā·3·3.23
निर्मथितः सुधित आ सधस्थे युवा कविर् अध्वरस्य प्रणेता । जूर्यत्स्व् अग्निर् अजरो वनेष्व् अत्रा दधे अमृतं जातवेदाः ॥
nirmathitaḥ sudhita ā sadhasthe yuvā kavir adhvarasya praṇetā | jūryatsv agnir ajaro vaneṣv atrā dadhe amṛtaṃ jātavedāḥ ||
Rubbed into life, well stablished in the dwelling, Leader of sacrifice, the Sage, the youthful, Here in the wasting fuel Jatavedas, eternal, hath assumed immortal being.
Translated by Ralph T. H. Griffith (1896)
अमन्थिष्टाम् भारता रेवद् अग्निं देवश्रवा देववातः सुदक्षम् । अग्ने वि पश्य बृहताभि रायेषां नो नेता भवताद् अनु द्यून् ॥
amanthiṣṭām bhāratā revad agniṃ devaśravā devavātaḥ sudakṣam | agne vi paśya bṛhatābhi rāyeṣāṃ no netā bhavatād anu dyūn ||
Both Bharatas, Devasravas, Devavata, have strongly rubbed to life effectual Agni. O Agni, look thou forth with ample riches: be, every day, bearer of food to feed us.
Translated by Ralph T. H. Griffith (1896)
दश क्षिपः पूर्व्यं सीम् अजीजनन् सुजातम् मातृषु प्रियम् । अग्निं स्तुहि दैववातं देवश्रवो यो जनानाम् असद् वशी ॥
daśa kṣipaḥ pūrvyaṃ sīm ajījanan sujātam mātṛṣu priyam | agniṃ stuhi daivavātaṃ devaśravo yo janānām asad vaśī ||
Him nobly born of old the fingers ten produced, him whom his Mothers counted dear. Praise Devavata's Agni, thou Devasravas, him who shall be the people's Lord.
Translated by Ralph T. H. Griffith (1896)
नि त्वा दधे वर आ पृथिव्या इळायास् पदे सुदिनत्वे अह्नाम् । दृषद्वत्याम् मानुष आपयायां सरस्वत्यां रेवद् अग्ने दिदीहि ॥
ni tvā dadhe vara ā pṛthivyā iḷāyās pade sudinatve ahnām | dṛṣadvatyām mānuṣa āpayāyāṃ sarasvatyāṃ revad agne didīhi ||
He set thee in the earth's most lovely station, in Ila's place, in days of fair bright weather. On man, on Apaya, Agni! on the rivers Drsadvati, Sarasvati, shine richly.
Translated by Ralph T. H. Griffith (1896)
इळाम् अग्ने पुरुदंसं सनिं गोः शश्वत्तमं हवमानाय साध । स्यान् नः सूनुस् तनयो विजावाग्ने सा ते सुमतिर् भूत्व् अस्मे ॥
iḷām agne purudaṃsaṃ saniṃ goḥ śaśvattamaṃ havamānāya sādha | syān naḥ sūnus tanayo vijāvāgne sā te sumatir bhūtv asme ||
Agni, as holy food to thine invoker give wealth in cattle, lasting, rich in marvels. To us be born a son and spreading offspring Agni, be this thy gracious will to us-ward
Translated by Ralph T. H. Griffith (1896)