Library·Ṛgveda Saṃhitā·3·3.46
युध्मस्य ते वृषभस्य स्वराज उग्रस्य यून स्थविरस्य घृष्वेः । अजूर्यतो वज्रिणो वीर्याणीन्द्र श्रुतस्य महतो महानि ॥
yudhmasya te vṛṣabhasya svarāja ugrasya yūna sthavirasya ghṛṣveḥ | ajūryato vajriṇo vīryāṇīndra śrutasya mahato mahāni ||
Of thee, the Bull, the Warrior, Sovran Ruler, joyous and fierce, ancient and ever youthful, The undecaying One who wields the thunder, renowned and great, great are the exploits, Indra.
Translated by Ralph T. H. Griffith (1896)
महां असि महिष वृष्ण्येभिर् धनस्पृद् उग्र सहमानो अन्यान् । एको विश्वस्य भुवनस्य राजा स योधया च क्षयया च जनान् ॥
mahāṃ asi mahiṣa vṛṣṇyebhir dhanaspṛd ugra sahamāno anyān | eko viśvasya bhuvanasya rājā sa yodhayā ca kṣayayā ca janān ||
Great art thou, Mighty Lord, through manly vigour, O fierce One, gathering spoil, subduing others, Thyself alone the universe's Sovran: so send forth men to combat and to rest them.
Translated by Ralph T. H. Griffith (1896)
प्र मात्राभी रिरिचे रोचमानः प्र देवेभिर् विश्वतो अप्रतीतः । प्र मज्मना दिव इन्द्रः पृथिव्याः प्रोरोर् महो अन्तरिक्षाद् ऋजीषी ॥
pra mātrābhī ririce rocamānaḥ pra devebhir viśvato apratītaḥ | pra majmanā diva indraḥ pṛthivyāḥ proror maho antarikṣād ṛjīṣī ||
He hath surpassed all measure in his brightness, yea, and the Gods, for none may be his equal. Impetuous Indra in his might exceedeth wide vast mid-air and heaven and earth together.
Translated by Ralph T. H. Griffith (1896)
उरुं गभीरं जनुषाभ्य् उग्रं विश्वव्यचसम् अवतम् मतीनाम् । इन्द्रं सोमासः प्रदिवि सुतासः समुद्रं न स्रवत आ विशन्ति ॥
uruṃ gabhīraṃ januṣābhy ugraṃ viśvavyacasam avatam matīnām | indraṃ somāsaḥ pradivi sutāsaḥ samudraṃ na sravata ā viśanti ||
To Indra, even as rivers to the ocean, flow forth from days of old the Soma juices; To him wide deep and mighty from his birth-time, the well of holy thoughts, all-comprehending.
Translated by Ralph T. H. Griffith (1896)
यं सोमम् इन्द्र पृथिवीद्यावा गर्भं न माता बिभृतस् त्वाया । तं ते हिन्वन्ति तम् उ ते मृजन्त्य् अध्वर्यवो वृषभ पातवा उ ॥
yaṃ somam indra pṛthivīdyāvā garbhaṃ na mātā bibhṛtas tvāyā | taṃ te hinvanti tam u te mṛjanty adhvaryavo vṛṣabha pātavā u ||
The Soma, Indra, which the earth and heaven bear for thee as a mother bears her infant, This they send forth to thee, this, vigorous Hero! Adhvaryus purify for thee to drink of.
Translated by Ralph T. H. Griffith (1896)