Library·Ṛgveda Saṃhitā·4·4.15
अग्निर् होता नो अध्वरे वाजी सन् परि णीयते । देवो देवेषु यज्ञियः ॥
agnir hotā no adhvare vājī san pari ṇīyate | devo deveṣu yajñiyaḥ ||
Agni the Herald, like a horse, is led forth at our solemn rite, God among Gods adorable.
Translated by Ralph T. H. Griffith (1896)
परि त्रिविष्ट्य् अध्वरं यात्य् अग्नी रथीर् इव । आ देवेषु प्रयो दधत् ॥
pari triviṣṭy adhvaraṃ yāty agnī rathīr iva | ā deveṣu prayo dadhat ||
Three times unto our solemn rite comes Agni like a charioteer, Bearing the viands to the Gods.
Translated by Ralph T. H. Griffith (1896)
परि वाजपतिः कविर् अग्निर् हव्यान्य् अक्रमीत् । दधद् रत्नानि दाशुषे ॥
pari vājapatiḥ kavir agnir havyāny akramīt | dadhad ratnāni dāśuṣe ||
Round the oblations hath he paced, Agni the Wise, the Lord of Strength, Giving the offerer precious boons.
Translated by Ralph T. H. Griffith (1896)
अयं यः सृञ्जये पुरो दैववाते समिध्यते । द्युमां अमित्रदम्भनः ॥
ayaṃ yaḥ sṛñjaye puro daivavāte samidhyate | dyumāṃ amitradambhanaḥ ||
He who is kindled eastward for Srnjaya, Devavata's son, Resplendent, tamer of the foe.
Translated by Ralph T. H. Griffith (1896)
अस्य घा वीर ईवतो ऽग्नेर् ईशीत मर्त्यः । तिग्मजम्भस्य मीळ्हुषः ॥
asya ghā vīra īvato 'gner īśīta martyaḥ | tigmajambhasya mīḷhuṣaḥ ||
So mighty be the Agni whom the mortal hero shall command, With sharpened teeth and bountiful.
Translated by Ralph T. H. Griffith (1896)
तम् अर्वन्तं न सानसिम् अरुषं न दिवः शिशुम् । मर्मृज्यन्ते दिवे-दिवे ॥
tam arvantaṃ na sānasim aruṣaṃ na divaḥ śiśum | marmṛjyante dive-dive ||
Day after day they dress him, as they clean a horse who wins the prize. Dress the red Scion of the Sky.
Translated by Ralph T. H. Griffith (1896)
बोधद् यन् मा हरिभ्यां कुमारः साहदेव्यः । अच्छा न हूत उद् अरम् ॥
bodhad yan mā haribhyāṃ kumāraḥ sāhadevyaḥ | acchā na hūta ud aram ||
When Sahadeva's princely son with two bay horses thought of me, Summoned by him I drew not back.
Translated by Ralph T. H. Griffith (1896)
उत त्या यजता हरी कुमारात् साहदेव्यात् । प्रयता सद्य आ ददे ॥
uta tyā yajatā harī kumārāt sāhadevyāt | prayatā sadya ā dade ||
And truly those two noble bays I straightway took when offered me, From Sahadeva's princely son.
Translated by Ralph T. H. Griffith (1896)
एष वां देवाव् अश्विना कुमारः साहदेव्यः । दीर्घायुर् अस्तु सोमकः ॥
eṣa vāṃ devāv aśvinā kumāraḥ sāhadevyaḥ | dīrghāyur astu somakaḥ ||
Long, O ye Asvins, may he live, your care, ye Gods, the princely son. Of Sahadeva, Somaka.
Translated by Ralph T. H. Griffith (1896)
तं युवं देवाव् अश्विना कुमारं साहदेव्यम् । दीर्घायुषं कृणोतन ॥
taṃ yuvaṃ devāv aśvinā kumāraṃ sāhadevyam | dīrghāyuṣaṃ kṛṇotana ||
Cause him the youthful prince, the son of Sahadeva, to enjoy Long life, O Asvins, O ye Gods.
Translated by Ralph T. H. Griffith (1896)