Library·Ṛgveda Saṃhitā·4·4.44
तं वां रथं वयम् अद्या हुवेम पृथुज्रयम् अश्विना संगतिं गोः । यः सूर्यां वहति वन्धुरायुर् गिर्वाहसम् पुरुतमं वसूयुम् ॥
taṃ vāṃ rathaṃ vayam adyā huvema pṛthujrayam aśvinā saṃgatiṃ goḥ | yaḥ sūryāṃ vahati vandhurāyur girvāhasam purutamaṃ vasūyum ||
We will invoke this day your car, farspreading, O Asvins, even the gathering, of the sunlight,- Car praised in hymns, most ample, rich in treasure, fitted with seats, the car that beareth Surya.
Translated by Ralph T. H. Griffith (1896)
युवं श्रियम् अश्विना देवता तां दिवो नपाता वनथः शचीभिः । युवोर् वपुर् अभि पृक्षः सचन्ते वहन्ति यत् ककुहासो रथे वाम् ॥
yuvaṃ śriyam aśvinā devatā tāṃ divo napātā vanathaḥ śacībhiḥ | yuvor vapur abhi pṛkṣaḥ sacante vahanti yat kakuhāso rathe vām ||
Asvins, ye gained that glory by your Godhead, ye Sons of Heaven, by your own might and power. Food followeth close upon your bright appearing when stately horses in your chariot draw you.
Translated by Ralph T. H. Griffith (1896)
को वाम् अद्या करते रातहव्य ऊतये वा सुतपेयाय वार्कैः । ऋतस्य वा वनुषे पूर्व्याय नमो येमानो अश्विना ववर्तत् ॥
ko vām adyā karate rātahavya ūtaye vā sutapeyāya vārkaiḥ | ṛtasya vā vanuṣe pūrvyāya namo yemāno aśvinā vavartat ||
Who bringeth you to-day for help with offered oblation, or with hymns to drink the juices? Who, for the sacrifice's ancient lover, turneth you hither, Asvins, offering homage?
Translated by Ralph T. H. Griffith (1896)
हिरण्ययेन पुरुभू रथेनेमं यज्ञं नासत्योप यातम् । पिबाथ इन् मधुनः सोम्यस्य दधथो रत्नं विधते जनाय ॥
hiraṇyayena purubhū rathenemaṃ yajñaṃ nāsatyopa yātam | pibātha in madhunaḥ somyasya dadhatho ratnaṃ vidhate janāya ||
Borne on your golden car, ye omnipresent! come to this sacrifice of ours, Nasatyas. Drink of the pleasant liquor of the Soma give riches to the people who adore you.
Translated by Ralph T. H. Griffith (1896)
आ नो यातं दिवो अच्छा पृथिव्या हिरण्ययेन सुवृता रथेन । मा वाम् अन्ये नि यमन् देवयन्तः सं यद् ददे नाभिः पूर्व्या वाम् ॥
ā no yātaṃ divo acchā pṛthivyā hiraṇyayena suvṛtā rathena | mā vām anye ni yaman devayantaḥ saṃ yad dade nābhiḥ pūrvyā vām ||
Come hitherward to us from earth, from heaven, borne on your golden chariot rolling lightly. Suffer not other worshippers to stay you here are ye bound by earlier bonds of friendship.
Translated by Ralph T. H. Griffith (1896)
नू नो रयिम् पुरुवीरम् बृहन्तं दस्रा मिमाथाम् उभयेष्व् अस्मे । नरो यद् वाम् अश्विना स्तोमम् आवन् सधस्तुतिम् आजमीळ्हासो अग्मन् ॥
nū no rayim puruvīram bṛhantaṃ dasrā mimāthām ubhayeṣv asme | naro yad vām aśvinā stomam āvan sadhastutim ājamīḷhāso agman ||
Now for us both, mete out, O Wonder Workers, riches exceeding great with store of heroes, Because the men have sent you praise, O Asvins, and Ajamilhas come to the laudation.
Translated by Ralph T. H. Griffith (1896)
इहेह यद् वां समना पपृक्षे सेयम् अस्मे सुमतिर् वाजरत्ना । उरुष्यतं जरितारं युवं ह श्रितः कामो नासत्या युवद्रिक् ॥
iheha yad vāṃ samanā papṛkṣe seyam asme sumatir vājaratnā | uruṣyataṃ jaritāraṃ yuvaṃ ha śritaḥ kāmo nāsatyā yuvadrik ||
Whene'er I gratified you here together, your grace was given us, O ye rich in booty. Protect, ye Twain, the singer of your praises: to you, Nasatyas, is my wish directed.
Translated by Ralph T. H. Griffith (1896)