Library·Ṛgveda Saṃhitā·4·4.55
को वस् त्राता वसवः को वरूता द्यावाभूमी अदिते त्रासीथां नः । सहीयसो वरुण मित्र मर्तात् को वो ऽध्वरे वरिवो धाति देवाः ॥
ko vas trātā vasavaḥ ko varūtā dyāvābhūmī adite trāsīthāṃ naḥ | sahīyaso varuṇa mitra martāt ko vo 'dhvare varivo dhāti devāḥ ||
Who of you, Vasus, saveth? who protecteth? O Heaven and Earth and Aditi, preserve us, Varuna., Mitra, from the stronger mortal. Gods, which of you at sacrifice giveth comfort?
Translated by Ralph T. H. Griffith (1896)
प्र ये धामानि पूर्व्याण्य् अर्चान् वि यद् उच्छान् वियोतारो अमूराः । विधातारो वि ते दधुर् अजस्रा ऋतधीतयो रुरुचन्त दस्माः ॥
pra ye dhāmāni pūrvyāṇy arcān vi yad ucchān viyotāro amūrāḥ | vidhātāro vi te dadhur ajasrā ṛtadhītayo rurucanta dasmāḥ ||
They who with laud extol the ancient statutes, when they shine forth infallible dividers, Have ordered as perpetual Ordainers, and beamed as holy-thoughted WonderWorkers.
Translated by Ralph T. H. Griffith (1896)
प्र पस्त्याम् अदितिं सिन्धुम् अर्कैः स्वस्तिम् ईळे सख्याय देवीम् । उभे यथा नो अहनी निपात उषासानक्ता करताम् अदब्धे ॥
pra pastyām aditiṃ sindhum arkaiḥ svastim īḷe sakhyāya devīm | ubhe yathā no ahanī nipāta uṣāsānaktā karatām adabdhe ||
The Housewife Goddess, Aditi, and Sindhu, the Goddess Svasti I implore for friendship: And may the unobstructed Night and Morning both, day and night, provide for our protection.
Translated by Ralph T. H. Griffith (1896)
व्य् अर्यमा वरुणश् चेति पन्थाम् इषस् पतिः सुवितं गातुम् अग्निः । इन्द्राविष्णू नृवद् उ षु स्तवाना शर्म नो यन्तम् अमवद् वरूथम् ॥
vy aryamā varuṇaś ceti panthām iṣas patiḥ suvitaṃ gātum agniḥ | indrāviṣṇū nṛvad u ṣu stavānā śarma no yantam amavad varūtham ||
Aryaman, Varuna have disclosed the pathway, Agni as Lord of Strength the road to welfare. Lauded in manly mode may Indra-Visnu grant us their powerful defense and shelter.
Translated by Ralph T. H. Griffith (1896)
आ पर्वतस्य मरुताम् अवांसि देवस्य त्रातुर् अव्रि भगस्य । पात् पतिर् जन्याद् अंहसो नो मित्रो मित्रियाद् उत न उरुष्येत् ॥
ā parvatasya marutām avāṃsi devasya trātur avri bhagasya | pāt patir janyād aṃhaso no mitro mitriyād uta na uruṣyet ||
I have besought the favourof the Maruts, of Parvata, of Bhaga God who rescues. From trouble caused by man the Lord preserve us; from woe sent by his friend let Mitra save us.
Translated by Ralph T. H. Griffith (1896)
नू रोदसी अहिना बुध्न्येन स्तुवीत देवी अप्येभिर् इष्टैः । समुद्रं न संचरणे सनिष्यवो घर्मस्वरसो नद्यो अप व्रन् ॥
nū rodasī ahinā budhnyena stuvīta devī apyebhir iṣṭaiḥ | samudraṃ na saṃcaraṇe saniṣyavo gharmasvaraso nadyo apa vran ||
Agree, through these our watery oblations, Goddesses, Heaven and Earth, with Ahibudhnya. As if to win the sea, the Gharma-heaters have opened, as they come anear, the rivers.
Translated by Ralph T. H. Griffith (1896)
देवैर् नो देव्य् अदितिर् नि पातु देवस् त्राता त्रायताम् अप्रयुच्छन् । नहि मित्रस्य वरुणस्य धासिम् अर्हामसि प्रमियं सान्व् अग्नेः ॥
devair no devy aditir ni pātu devas trātā trāyatām aprayucchan | nahi mitrasya varuṇasya dhāsim arhāmasi pramiyaṃ sānv agneḥ ||
May Goddess Aditi with Gods defend us, save us the saviour God with care unceasing. We dare not stint the sacred food of Mitra and Varuna upon the back of Agni.
Translated by Ralph T. H. Griffith (1896)
अग्निर् ईशे वसव्यस्याग्निर् महः सौभगस्य । तान्य् अस्मभ्यं रासते ॥
agnir īśe vasavyasyāgnir mahaḥ saubhagasya | tāny asmabhyaṃ rāsate ||
Agni is Sovran Lord of wealth, Agni of great prosperity: May he bestow these gifts on us.
Translated by Ralph T. H. Griffith (1896)
उषो मघोन्य् आ वह सूनृते वार्या पुरु । अस्मभ्यं वाजिनीवति ॥
uṣo maghony ā vaha sūnṛte vāryā puru | asmabhyaṃ vājinīvati ||
Hither to us, rich pleasant Dawn, bring many things to be desired, Thou who hast ample store of wealth.
Translated by Ralph T. H. Griffith (1896)
तत् सु नः सविता भगो वरुणो मित्रो अर्यमा । इन्द्रो नो राधसा गमत् ॥
tat su naḥ savitā bhago varuṇo mitro aryamā | indro no rādhasā gamat ||
So then may Bhaga, Savitar, Varuna, Mitra, Aryaman, Indra, with bounty come to us.
Translated by Ralph T. H. Griffith (1896)