Library·Ṛgveda Saṃhitā·4·4.57
क्षेत्रस्य पतिना वयं हितेनेव जयामसि । गाम् अश्वम् पोषयित्न्व् आ स नो मृळातीदृशे ॥
kṣetrasya patinā vayaṃ hiteneva jayāmasi | gām aśvam poṣayitnv ā sa no mṛḷātīdṛśe ||
We through the Master of the Field, even as through a friend, obtain What nourisheth our kine and steeds. In such may he be good to us.
Translated by Ralph T. H. Griffith (1896)
क्षेत्रस्य पते मधुमन्तम् ऊर्मिं धेनुर् इव पयो अस्मासु धुक्ष्व । मधुश्चुतं घृतम् इव सुपूतम् ऋतस्य नः पतयो मृळयन्तु ॥
kṣetrasya pate madhumantam ūrmiṃ dhenur iva payo asmāsu dhukṣva | madhuścutaṃ ghṛtam iva supūtam ṛtasya naḥ patayo mṛḷayantu ||
As the cow yieldeth milk, pour for us freely, Lord of the Field, the wave that beareth sweetness, Distilling meath, well-purified like butter, and let the. Lords of holy Law be gracious.
Translated by Ralph T. H. Griffith (1896)
मधुमतीर् ओषधीर् द्याव आपो मधुमन् नो भवत्व् अन्तरिक्षम् । क्षेत्रस्य पतिर् मधुमान् नो अस्त्व् अरिष्यन्तो अन्व् एनं चरेम ॥
madhumatīr oṣadhīr dyāva āpo madhuman no bhavatv antarikṣam | kṣetrasya patir madhumān no astv ariṣyanto anv enaṃ carema ||
Sweet be the plants for us. the heavens, the waters, and full of sweets for us be air's mid-region. May the Field's Lord for us be full of sweetness, and may we follow after him uninjured.
Translated by Ralph T. H. Griffith (1896)
शुनं वाहाः शुनं नरः शुनं कृषतु लाङ्गलम् । शुनं वरत्रा बध्यन्तां शुनम् अष्ट्राम् उद् इङ्गय ॥
śunaṃ vāhāḥ śunaṃ naraḥ śunaṃ kṛṣatu lāṅgalam | śunaṃ varatrā badhyantāṃ śunam aṣṭrām ud iṅgaya ||
Happily work our steers and men, may the plough furrow happily. Happily be the traces bound; happily may he ply the goad.
Translated by Ralph T. H. Griffith (1896)
शुनासीराव् इमां वाचं जुषेथां यद् दिवि चक्रथुः पयः । तेनेमाम् उप सिञ्चतम् ॥
śunāsīrāv imāṃ vācaṃ juṣethāṃ yad divi cakrathuḥ payaḥ | tenemām upa siñcatam ||
Suna and Sira, welcome ye this laud, and with the milk which ye have made in heaven Bedew ye both this earth of ours.
Translated by Ralph T. H. Griffith (1896)
अर्वाची सुभगे भव सीते वन्दामहे त्वा । यथा नः सुभगाससि यथा नः सुफलाससि ॥
arvācī subhage bhava sīte vandāmahe tvā | yathā naḥ subhagāsasi yathā naḥ suphalāsasi ||
Auspicious Sita, come thou near: we venerate and worship thee That thou mayst bless and prosper us and bring us fruits abundantly.
Translated by Ralph T. H. Griffith (1896)
इन्द्रः सीतां नि गृह्णातु ताम् पूषानु यच्छतु । सा नः पयस्वती दुहाम् उत्तराम्-उत्तरां समाम् ॥
indraḥ sītāṃ ni gṛhṇātu tām pūṣānu yacchatu | sā naḥ payasvatī duhām uttarām-uttarāṃ samām ||
May Indra press the furrow down, may Pusan guide its course aright. May she, as rich in milk, be drained for us through each succeeding year.
Translated by Ralph T. H. Griffith (1896)
शुनं नः फाला वि कृषन्तु भूमिं शुनं कीनाशा अभि यन्तु वाहैः । शुनम् पर्जन्यो मधुना पयोभिः शुनासीरा शुनम् अस्मासु धत्तम् ॥
śunaṃ naḥ phālā vi kṛṣantu bhūmiṃ śunaṃ kīnāśā abhi yantu vāhaiḥ | śunam parjanyo madhunā payobhiḥ śunāsīrā śunam asmāsu dhattam ||
Happily let the shares turn up the ploughland, happily go the ploughers with the oxen. With meath and milk Parjanya make us happy. Grant us prosperity, Suna and Sira.
Translated by Ralph T. H. Griffith (1896)