Library·Ṛgveda Saṃhitā·5·5.26
अग्ने पावक रोचिषा मन्द्रया देव जिह्वया । आ देवान् वक्षि यक्षि च ॥
agne pāvaka rociṣā mandrayā deva jihvayā | ā devān vakṣi yakṣi ca ||
O AGNI, Holy and Divine, with splendour and thy pleasant tongue Bring hither and adore the Gods.
Translated by Ralph T. H. Griffith (1896)
तं त्वा घृतस्नव् ईमहे चित्रभानो स्वर्दृशम् । देवां आ वीतये वह ॥
taṃ tvā ghṛtasnav īmahe citrabhāno svardṛśam | devāṃ ā vītaye vaha ||
We pray thee, thou who droppest oil, bright-rayed! who lookest on the Sun, Bring the Gods hither to the feast.
Translated by Ralph T. H. Griffith (1896)
वीतिहोत्रं त्वा कवे द्युमन्तं सम् इधीमहि । अग्ने बृहन्तम् अध्वरे ॥
vītihotraṃ tvā kave dyumantaṃ sam idhīmahi | agne bṛhantam adhvare ||
We have enkindled thee, O Sage, bright caller of the Gods to feast. O Agni, great in Sacrifice.
Translated by Ralph T. H. Griffith (1896)
अग्ने विश्वेभिर् आ गहि देवेभिर् हव्यदातये । होतारं त्वा वृणीमहे ॥
agne viśvebhir ā gahi devebhir havyadātaye | hotāraṃ tvā vṛṇīmahe ||
O Agni, come with all the Gods, come to our sacrificial gift: We choose thee as Invoking Priest.
Translated by Ralph T. H. Griffith (1896)
यजमानाय सुन्वत आग्ने सुवीर्यं वह । देवैर् आ सत्सि बर्हिषि ॥
yajamānāya sunvata āgne suvīryaṃ vaha | devair ā satsi barhiṣi ||
Bring, Agni, to the worshipper who pours the juice, heroic strength: Sit with the Gods upon the grass.
Translated by Ralph T. H. Griffith (1896)
समिधानः सहस्रजिद् अग्ने धर्माणि पुष्यसि । देवानां दूत उक्थ्यः ॥
samidhānaḥ sahasrajid agne dharmāṇi puṣyasi | devānāṃ dūta ukthyaḥ ||
Victor of thousands, Agni, thou, enkindled, cherishest the laws, Laud-worthy, envoy of the Gods.
Translated by Ralph T. H. Griffith (1896)
न्य् अग्निं जातवेदसं होत्रवाहं यविष्ठ्यम् । दधाता देवम् ऋत्विजम् ॥
ny agniṃ jātavedasaṃ hotravāhaṃ yaviṣṭhyam | dadhātā devam ṛtvijam ||
Set Agni Jatavedas down, the bearer of our sacred gifts, Most Youthful, God and Minister.
Translated by Ralph T. H. Griffith (1896)
प्र यज्ञ एत्व् आनुषग् अद्या देवव्यचस्तमः । स्तृणीत बर्हिर् आसदे ॥
pra yajña etv ānuṣag adyā devavyacastamaḥ | stṛṇīta barhir āsade ||
Duly proceed our sacrifice, comprising all the Gods, to-day: Strew holy grass to be their seat.
Translated by Ralph T. H. Griffith (1896)
एदम् मरुतो अश्विना मित्रः सीदन्तु वरुणः । देवासः सर्वया विशा ॥
edam maruto aśvinā mitraḥ sīdantu varuṇaḥ | devāsaḥ sarvayā viśā ||
So may the Maruts sit thereon, the Asvins, Mitra, Varuna: The Gods with all their company.
Translated by Ralph T. H. Griffith (1896)