Library·Ṛgveda Saṃhitā·5·5.27
अनस्वन्ता सत्पतिर् मामहे मे गावा चेतिष्ठो असुरो मघोनः । त्रैवृष्णो अग्ने दशभिः सहस्रैर् वैश्वानर त्र्यरुणश् चिकेत ॥
anasvantā satpatir māmahe me gāvā cetiṣṭho asuro maghonaḥ | traivṛṣṇo agne daśabhiḥ sahasrair vaiśvānara tryaruṇaś ciketa ||
The Godlike hero, famousest of nobles, hath granted me two oxen with a wagon. Trvrsan's son Tryaruna hath distinguished himself, Vaisvanara Agni! with ten thousands.
Translated by Ralph T. H. Griffith (1896)
यो मे शता च विंशतिं च गोनां हरी च युक्ता सुधुरा ददाति । वैश्वानर सुष्टुतो वावृधानो ऽग्ने यच्छ त्र्यरुणाय शर्म ॥
yo me śatā ca viṃśatiṃ ca gonāṃ harī ca yuktā sudhurā dadāti | vaiśvānara suṣṭuto vāvṛdhāno 'gne yaccha tryaruṇāya śarma ||
Protect Tryaruna, as thou art waxing strong and art highly praised, Vaisvanara Agni! Who granteth me a hundred kine and twenty, and two bay horses, good at draught, and harnessed.
Translated by Ralph T. H. Griffith (1896)
एवा ते अग्ने सुमतिं चकानो नविष्ठाय नवमं त्रसदस्युः । यो मे गिरस् तुविजातस्य पूर्वीर् युक्तेनाभि त्र्यरुणो गृणाति ॥
evā te agne sumatiṃ cakāno naviṣṭhāya navamaṃ trasadasyuḥ | yo me giras tuvijātasya pūrvīr yuktenābhi tryaruṇo gṛṇāti ||
So Trasadasyu served thee, God Most Youthful, craving thy favour for the ninth time, Agni; Tryaruya who with attentive spirit accepteth many a song from me the mighty.
Translated by Ralph T. H. Griffith (1896)
यो म इति प्रवोचत्य् अश्वमेधाय सूरये । ददद् ऋचा सनिं यते ददन् मेधाम् ऋतायते ॥
yo ma iti pravocaty aśvamedhāya sūraye | dadad ṛcā saniṃ yate dadan medhām ṛtāyate ||
He who declares his wish to me, to Asvamedha, to the Prince, Pays him who with his verse seeks gain, gives power to him who keeps the Law.
Translated by Ralph T. H. Griffith (1896)
यस्य मा परुषाः शतम् उद्धर्षयन्त्य् उक्षणः । अश्वमेधस्य दानाः सोमा इव त्र्याशिरः ॥
yasya mā paruṣāḥ śatam uddharṣayanty ukṣaṇaḥ | aśvamedhasya dānāḥ somā iva tryāśiraḥ ||
From whom a hundred oxen, all of speckled hue, delight my heart, The gifts of Asvamedha, like thrice-mingled draughts of Soma juice.
Translated by Ralph T. H. Griffith (1896)
इन्द्राग्नी शतदाव्न्य् अश्वमेधे सुवीर्यम् । क्षत्रं धारयतम् बृहद् दिवि सूर्यम् इवाजरम् ॥
indrāgnī śatadāvny aśvamedhe suvīryam | kṣatraṃ dhārayatam bṛhad divi sūryam ivājaram ||
To Asvamedha who bestows a hundred gifts grant hero power, O Indra-Agni! lofty rule like the unwasting Sun in heaven.
Translated by Ralph T. H. Griffith (1896)