Library·Ṛgveda Saṃhitā·5·5.49
देवं वो अद्य सवितारम् एषे भगं च रत्नं विभजन्तम् आयोः । आ वां नरा पुरुभुजा ववृत्यां दिवे-दिवे चिद् अश्विना सखीयन् ॥
devaṃ vo adya savitāram eṣe bhagaṃ ca ratnaṃ vibhajantam āyoḥ | ā vāṃ narā purubhujā vavṛtyāṃ dive-dive cid aśvinā sakhīyan ||
This day I bring God Savitar to meet you, and Bhaga who allots the wealth of mortals. You, Asvins, Heroes rich in treasures, daily seeking your friendship fain would I turn hither.
Translated by Ralph T. H. Griffith (1896)
प्रति प्रयाणम् असुरस्य विद्वान् सूक्तैर् देवं सवितारं दुवस्य । उप ब्रुवीत नमसा विजानञ् ज्येष्ठं च रत्नं विभजन्तम् आयोः ॥
prati prayāṇam asurasya vidvān sūktair devaṃ savitāraṃ duvasya | upa bruvīta namasā vijānañ jyeṣṭhaṃ ca ratnaṃ vibhajantam āyoḥ ||
Knowing full well the Asura's time of coming, worship God Savitar with hymns and praises. Let him who rightly knoweth speak with homage to him who dealeth out man's noblest treasure.
Translated by Ralph T. H. Griffith (1896)
अदत्रया दयते वार्याणि पूषा भगो अदितिर् वस्त उस्रः । इन्द्रो विष्णुर् वरुणो मित्रो अग्निर् अहानि भद्रा जनयन्त दस्माः ॥
adatrayā dayate vāryāṇi pūṣā bhago aditir vasta usraḥ | indro viṣṇur varuṇo mitro agnir ahāni bhadrā janayanta dasmāḥ ||
Not for reward doth Pusan send his blessings, Bhaga, or Aditi: his garb is splendour. May Indra, Visniu, Varuna, Mitra, Agni produce auspicious days, the Wonder-Workers.
Translated by Ralph T. H. Griffith (1896)
तन् नो अनर्वा सविता वरूथं तत् सिन्धव इषयन्तो अनु ग्मन् । उप यद् वोचे अध्वरस्य होता रायः स्याम पतयो वाजरत्नाः ॥
tan no anarvā savitā varūthaṃ tat sindhava iṣayanto anu gman | upa yad voce adhvarasya hotā rāyaḥ syāma patayo vājaratnāḥ ||
Sending the shelter which we ask, the foeless Savitar and the Rivers shall approach us. When I, the sacrifice's priest, invite them, may we he lords of wealth and rich possessions.
Translated by Ralph T. H. Griffith (1896)
प्र ये वसुभ्य ईवद् आ नमो दुर् ये मित्रे वरुणे सूक्तवाचः । अवैत्व् अभ्वं कृणुता वरीयो दिवस्पृथिव्योर् अवसा मदेम ॥
pra ye vasubhya īvad ā namo dur ye mitre varuṇe sūktavācaḥ | avaitv abhvaṃ kṛṇutā varīyo divaspṛthivyor avasā madema ||
They who devote such worship to the Vasus, singing their hymns to Varuna and Mitra, Vouchsafe them ample room, far off be danger. Through grace of Heaven and Earth may we be happy.
Translated by Ralph T. H. Griffith (1896)