Library·Ṛgveda Saṃhitā·5·5.51
अग्ने सुतस्य पीतये विश्वैर् ऊमेभिर् आ गहि । देवेभिर् हव्यदातये ॥
agne sutasya pītaye viśvair ūmebhir ā gahi | devebhir havyadātaye ||
With all assistants, Agni, come hither to drink the Soma-juice; With Gods unto our sacred gifts.
Translated by Ralph T. H. Griffith (1896)
ऋतधीतय आ गत सत्यधर्माणो अध्वरम् । अग्नेः पिबत जिह्वया ॥
ṛtadhītaya ā gata satyadharmāṇo adhvaram | agneḥ pibata jihvayā ||
Come to the sacrifice, O ye whose ways are right, whose laws are true, And drink the draught with Agni's tongue.
Translated by Ralph T. H. Griffith (1896)
विप्रेभिर् विप्र सन्त्य प्रातर्यावभिर् आ गहि । देवेभिः सोमपीतये ॥
viprebhir vipra santya prātaryāvabhir ā gahi | devebhiḥ somapītaye ||
O Singer, with the singers, O Gracious, with those who move at dawn, Come to the Soma-draught with Gods.
Translated by Ralph T. H. Griffith (1896)
अयं सोमश् चमू सुतो ऽमत्रे परि षिच्यते । प्रिय इन्द्राय वायवे ॥
ayaṃ somaś camū suto 'matre pari ṣicyate | priya indrāya vāyave ||
To Indra and to Vayu dear, this Soma, by the mortar pressed, Is now poured forth to fill the jar.
Translated by Ralph T. H. Griffith (1896)
वायव् आ याहि वीतये जुषाणो हव्यदातये । पिबा सुतस्यान्धसो अभि प्रयः ॥
vāyav ā yāhi vītaye juṣāṇo havyadātaye | pibā sutasyāndhaso abhi prayaḥ ||
Vayu, come hither to the feast, well pleased unto our sacred gifts: Drink of the Soma juice effused come to the food.
Translated by Ralph T. H. Griffith (1896)
इन्द्रश् च वायव् एषां सुतानाम् पीतिम् अर्हथः । ताञ् जुषेथाम् अरेपसाव् अभि प्रयः ॥
indraś ca vāyav eṣāṃ sutānām pītim arhathaḥ | tāñ juṣethām arepasāv abhi prayaḥ ||
Ye, Indra, Vayu, well deserve to drink the juices pressed by us. Gladly accept them, spotless Pair come to the food.
Translated by Ralph T. H. Griffith (1896)
सुता इन्द्राय वायवे सोमासो दध्याशिरः । निम्नं न यन्ति सिन्धवो ऽभि प्रयः ॥
sutā indrāya vāyave somāso dadhyāśiraḥ | nimnaṃ na yanti sindhavo 'bhi prayaḥ ||
For Indra and for Vayu pressed are Soma juices blent with curd, As rivers to the lowland flow: come to the food.
Translated by Ralph T. H. Griffith (1896)
सजूर् विश्वेभिर् देवेभिर् अश्विभ्याम् उषसा सजूः । आ याह्य् अग्ने अत्रिवत् सुते रण ॥
sajūr viśvebhir devebhir aśvibhyām uṣasā sajūḥ | ā yāhy agne atrivat sute raṇa ||
Associate with all the Gods, come, with the Asvins and with Dawn, Agni, as erst with Atri, so enjoy the juice.
Translated by Ralph T. H. Griffith (1896)
सजूर् मित्रावरुणाभ्यां सजूः सोमेन विष्णुना । आ याह्य् अग्ने अत्रिवत् सुते रण ॥
sajūr mitrāvaruṇābhyāṃ sajūḥ somena viṣṇunā | ā yāhy agne atrivat sute raṇa ||
Associate with Varuna, with Mitra, Soma, Visnu, come, Agni, as erstwith Atri, so enjoy the juice.
Translated by Ralph T. H. Griffith (1896)
सजूर् आदित्यैर् वसुभिः सजूर् इन्द्रेण वायुना । आ याह्य् अग्ने अत्रिवत् सुते रण ॥
sajūr ādityair vasubhiḥ sajūr indreṇa vāyunā | ā yāhy agne atrivat sute raṇa ||
Associate with Vasus, with Adityas, Indra, Viyu, come, Agni as erst with Atri, so enjoy the juice.
Translated by Ralph T. H. Griffith (1896)
स्वस्ति नो मिमीताम् अश्विना भगः स्वस्ति देव्य् अदितिर् अनर्वणः । स्वस्ति पूषा असुरो दधातु नः स्वस्ति द्यावापृथिवी सुचेतुना ॥
svasti no mimītām aśvinā bhagaḥ svasti devy aditir anarvaṇaḥ | svasti pūṣā asuro dadhātu naḥ svasti dyāvāpṛthivī sucetunā ||
May Bhaga and the Asvins grant us health and wealth, and Goddess Adid and he whom none resist. The Asura Pusan grant us all prosperity, and Heaven and Earth most wise vouchsafe us happiness.
Translated by Ralph T. H. Griffith (1896)
स्वस्तये वायुम् उप ब्रवामहै सोमं स्वस्ति भुवनस्य यस् पतिः । बृहस्पतिं सर्वगणं स्वस्तये स्वस्तय आदित्यासो भवन्तु नः ॥
svastaye vāyum upa bravāmahai somaṃ svasti bhuvanasya yas patiḥ | bṛhaspatiṃ sarvagaṇaṃ svastaye svastaya ādityāso bhavantu naḥ ||
Let us solicit Vayu for prosperity, and Soma who is Lord of all the world for weal; For weal Brhaspati with all his company. May the Adityas bring us health and happiness.
Translated by Ralph T. H. Griffith (1896)
विश्वे देवा नो अद्या स्वस्तये वैश्वानरो वसुर् अग्निः स्वस्तये । देवा अवन्त्व् ऋभवः स्वस्तये स्वस्ति नो रुद्रः पात्व् अंहसः ॥
viśve devā no adyā svastaye vaiśvānaro vasur agniḥ svastaye | devā avantv ṛbhavaḥ svastaye svasti no rudraḥ pātv aṃhasaḥ ||
May all the Gods, may Agni the beneficent, God of all men, this day be with us for our weal. Help us the Rbhus, the Divine Ones, for our good. May Rudra bless and keep us from calamity.
Translated by Ralph T. H. Griffith (1896)
स्वस्ति मित्रावरुणा स्वस्ति पथ्ये रेवति । स्वस्ति न इन्द्रश् चाग्निश् च स्वस्ति नो अदिते कृधि ॥
svasti mitrāvaruṇā svasti pathye revati | svasti na indraś cāgniś ca svasti no adite kṛdhi ||
Prosper us, Mitra, Varuna. O wealthy Pathya, prosper us. Indra and Agni, prosper us; prosper us thou, O Aditi.
Translated by Ralph T. H. Griffith (1896)
स्वस्ति पन्थाम् अनु चरेम सूर्याचन्द्रमसाव् इव । पुनर् ददताघ्नता जानता सं गमेमहि ॥
svasti panthām anu carema sūryācandramasāv iva | punar dadatāghnatā jānatā saṃ gamemahi ||
Like Sun and Moon may we pursue in full prosperity our path, And meet with one who gives again, -who knows us well and slays us not.
Translated by Ralph T. H. Griffith (1896)