Library·Ṛgveda Saṃhitā·5·5.69
त्री रोचना वरुण त्रींर् उत द्यून् त्रीणि मित्र धारयथो रजांसि । वावृधानाव् अमतिं क्षत्रियस्यानु व्रतं रक्षमाणाव् अजुर्यम् ॥
trī rocanā varuṇa trīṃr uta dyūn trīṇi mitra dhārayatho rajāṃsi | vāvṛdhānāv amatiṃ kṣatriyasyānu vrataṃ rakṣamāṇāv ajuryam ||
Three spheres of light, O Varuna, three heavens, three firmaments ye comprehend, O Mitra: Waxed strong, ye keep the splendour of dominion, guarding the Ordinance that lasts for ever.
Translated by Ralph T. H. Griffith (1896)
इरावतीर् वरुण धेनवो वाम् मधुमद् वां सिन्धवो मित्र दुह्रे । त्रयस् तस्थुर् वृषभासस् तिसृणां धिषणानां रेतोधा वि द्युमन्तः ॥
irāvatīr varuṇa dhenavo vām madhumad vāṃ sindhavo mitra duhre | trayas tasthur vṛṣabhāsas tisṛṇāṃ dhiṣaṇānāṃ retodhā vi dyumantaḥ ||
Ye, Varuna, have kine who yield refreshment; Mitra, your floods pour water full of sweetness. There stand the Three Steers, splendid in their brightness, who fill the three world-bowls with genial moisture.
Translated by Ralph T. H. Griffith (1896)
प्रातर् देवीम् अदितिं जोहवीमि मध्यन्दिन उदिता सूर्यस्य । राये मित्रावरुणा सर्वतातेळे तोकाय तनयाय शं योः ॥
prātar devīm aditiṃ johavīmi madhyandina uditā sūryasya | rāye mitrāvaruṇā sarvatāteḷe tokāya tanayāya śaṃ yoḥ ||
I call at dawn on Aditi the Goddess, I call at noon and when the Sun is setting. I pray, O Mitra-Varuna, for safety, for wealth and progeny, in rest and trouble.
Translated by Ralph T. H. Griffith (1896)
या धर्तारा रजसो रोचनस्योतादित्या दिव्या पार्थिवस्य । न वां देवा अमृता आ मिनन्ति व्रतानि मित्रावरुणा ध्रुवाणि ॥
yā dhartārā rajaso rocanasyotādityā divyā pārthivasya | na vāṃ devā amṛtā ā minanti vratāni mitrāvaruṇā dhruvāṇi ||
Ye who uphold the region, sphere of brightness, ye who support earth's realm Divine Adityas, The Immortal Gods, O Varuna and Mitra, never impair your everlasting statutes.
Translated by Ralph T. H. Griffith (1896)