Library·Ṛgveda Saṃhitā·6·6.45
य आनयत् परावतः सुनीती तुर्वशं यदुम् । इन्द्रः स नो युवा सखा ॥
ya ānayat parāvataḥ sunītī turvaśaṃ yadum | indraḥ sa no yuvā sakhā ||
That Indra is our youthful Friend, who with his trusty guidance led Turvasa, Yadu from afar.
Translated by Ralph T. H. Griffith (1896)
अविप्रे चिद् वयो दधद् अनाशुना चिद् अर्वता । इन्द्रो जेता हितं धनम् ॥
avipre cid vayo dadhad anāśunā cid arvatā | indro jetā hitaṃ dhanam ||
Even to the dull and uninspired Indra, gives vital power, and wins Even with slow steed the offered prize.
Translated by Ralph T. H. Griffith (1896)
महीर् अस्य प्रणीतयः पूर्वीर् उत प्रशस्तयः । नास्य क्षीयन्त ऊतयः ॥
mahīr asya praṇītayaḥ pūrvīr uta praśastayaḥ | nāsya kṣīyanta ūtayaḥ ||
Great are his ways of guiding us, and! manifold are his eulogies: His kind protections never fail.
Translated by Ralph T. H. Griffith (1896)
सखायो ब्रह्मवाहसे ऽर्चत प्र च गायत । स हि नः प्रमतिर् मही ॥
sakhāyo brahmavāhase 'rcata pra ca gāyata | sa hi naḥ pramatir mahī ||
Friends, sing your psalm and offer praise to him to whom the prayer is brought: For our great Providence is he.
Translated by Ralph T. H. Griffith (1896)
त्वम् एकस्य वृत्रहन्न् अविता द्वयोर् असि । उतेदृशे यथा वयम् ॥
tvam ekasya vṛtrahann avitā dvayor asi | utedṛśe yathā vayam ||
Thou, Slaughterer of Vrtra, art Guardian and Friend of one and two, Yea, of a man like one of us.
Translated by Ralph T. H. Griffith (1896)
नयसीद् व् अति द्विषः कृणोष्य् उक्थशंसिनः । नृभिः सुवीर उच्यसे ॥
nayasīd v ati dviṣaḥ kṛṇoṣy ukthaśaṃsinaḥ | nṛbhiḥ suvīra ucyase ||
Beyond men's hate thou leadest us, and givest cause to sing thy praise: Good hero art thou called by men.
Translated by Ralph T. H. Griffith (1896)
ब्रह्माणम् ब्रह्मवाहसं गीर्भिः सखायम् ऋग्मियम् । गां न दोहसे हुवे ॥
brahmāṇam brahmavāhasaṃ gīrbhiḥ sakhāyam ṛgmiyam | gāṃ na dohase huve ||
I call with hymns, as 'twere a cow to milk, the Friend who merits praise, The Brahman who accepts the prayer.
Translated by Ralph T. H. Griffith (1896)
यस्य विश्वानि हस्तयोर् ऊचुर् वसूनि नि द्विता । वीरस्य पृतनाषहः ॥
yasya viśvāni hastayor ūcur vasūni ni dvitā | vīrasya pṛtanāṣahaḥ ||
Him in whose hands they say are stored all treasures from the days of old, The Hero, conquering in the fight.
Translated by Ralph T. H. Griffith (1896)
वि दृळ्हानि चिद् अद्रिवो जनानां शचीपते । वृह माया अनानत ॥
vi dṛḷhāni cid adrivo janānāṃ śacīpate | vṛha māyā anānata ||
Lord of Strength, Caster of the Stone, destroy the firm forts built by men, And foil their arts, unbending God!
Translated by Ralph T. H. Griffith (1896)
तम् उ त्वा सत्य सोमपा इन्द्र वाजानाम् पते । अहूमहि श्रवस्यवः ॥
tam u tvā satya somapā indra vājānām pate | ahūmahi śravasyavaḥ ||
Thee, thee as such, O Lord of Power, O Indra, Soma-drinker, true, We, fain for glory, have invoked.
Translated by Ralph T. H. Griffith (1896)
तम् उ त्वा यः पुरासिथ यो वा नूनं हिते धने । हव्यः स श्रुधी हवम् ॥
tam u tvā yaḥ purāsitha yo vā nūnaṃ hite dhane | havyaḥ sa śrudhī havam ||
Such as thou wast of old, and art now to be called on when the prize lies ready, listen to our call.
Translated by Ralph T. H. Griffith (1896)
धीभिर् अर्वद्भिर् अर्वतो वाजां इन्द्र श्रवाय्यान् । त्वया जेष्म हितं धनम् ॥
dhībhir arvadbhir arvato vājāṃ indra śravāyyān | tvayā jeṣma hitaṃ dhanam ||
With hymns and coursers we will gain, Indra, through thee, both steeds and spoil Most glorious, and the proffered prize.
Translated by Ralph T. H. Griffith (1896)
अभूर् उ वीर गिर्वणो महां इन्द्र धने हिते । भरे वितन्तसाय्यः ॥
abhūr u vīra girvaṇo mahāṃ indra dhane hite | bhare vitantasāyyaḥ ||
Thou, Indra, Lover of the Song, whom men must stir to help, hast been Great in the contest for the prize.
Translated by Ralph T. H. Griffith (1896)
या त ऊतिर् अमित्रहन् मक्षूजवस्तमासति । तया नो हिनुही रथम् ॥
yā ta ūtir amitrahan makṣūjavastamāsati | tayā no hinuhī ratham ||
Slayer of foes, whatever aid of thine imparts the swiftest course, With that impel our car to speed.
Translated by Ralph T. H. Griffith (1896)
स रथेन रथीतमो ऽस्माकेनाभियुग्वना । जेषि जिष्णो हितं धनम् ॥
sa rathena rathītamo 'smākenābhiyugvanā | jeṣi jiṣṇo hitaṃ dhanam ||
As skilfullest of those who drive the chariot, with our art and aim, O Conqueror, win the proffered prize.
Translated by Ralph T. H. Griffith (1896)
य एक इत् तम् उ ष्टुहि कृष्टीनां विचर्षणिः । पतिर् जज्ञे वृषक्रतुः ॥
ya eka it tam u ṣṭuhi kṛṣṭīnāṃ vicarṣaṇiḥ | patir jajñe vṛṣakratuḥ ||
Praise him who, Matchless and Alone, was born the Lord of living men, Most active, with heroic soul.
Translated by Ralph T. H. Griffith (1896)
यो गृणताम् इद् आसिथापिर् ऊती शिवः सखा । स त्वं न इन्द्र मृळय ॥
yo gṛṇatām id āsithāpir ūtī śivaḥ sakhā | sa tvaṃ na indra mṛḷaya ||
Thou who hast been the singers' Friend, a Friend auspicious with thine aid, As such, O Indra, favour us.
Translated by Ralph T. H. Griffith (1896)
धिष्व वज्रं गभस्त्यो रक्षोहत्याय वज्रिवः । सासहीष्ठा अभि स्पृधः ॥
dhiṣva vajraṃ gabhastyo rakṣohatyāya vajrivaḥ | sāsahīṣṭhā abhi spṛdhaḥ ||
Grasp in thine arms the thunderbolt, O Thunder-armed, to slay the fiends: Mayst thou subdue the foemen's host.
Translated by Ralph T. H. Griffith (1896)
प्रत्नं रयीणां युजं सखायं कीरिचोदनम् । ब्रह्मवाहस्तमं हुवे ॥
pratnaṃ rayīṇāṃ yujaṃ sakhāyaṃ kīricodanam | brahmavāhastamaṃ huve ||
I call the ancient Friend, allied with wealth, who speeds the lowly man, Him to whom chiefly prayer is brought.
Translated by Ralph T. H. Griffith (1896)
स हि विश्वानि पार्थिवां एको वसूनि पत्यते । गिर्वणस्तमो अध्रिगुः ॥
sa hi viśvāni pārthivāṃ eko vasūni patyate | girvaṇastamo adhriguḥ ||
For he alone is Lord of all the treasures of the earth: he speeds Hither, chief Lover of the Song.
Translated by Ralph T. H. Griffith (1896)
स नो नियुद्भिर् आ पृण कामं वाजेभिर् अश्विभिः । गोमद्भिर् गोपते धृषत् ॥
sa no niyudbhir ā pṛṇa kāmaṃ vājebhir aśvibhiḥ | gomadbhir gopate dhṛṣat ||
So with thy yoked teams satisfy our wish with power and wealth in steeds And cattle, boldly, Lord of kine!
Translated by Ralph T. H. Griffith (1896)
तद् वो गाय सुते सचा पुरुहूताय सत्वने । शं यद् गवे न शाकिने ॥
tad vo gāya sute sacā puruhūtāya satvane | śaṃ yad gave na śākine ||
Sing this, what time the ' juice is pressed, to him your Hero, Much-invoked, To please him as a mighty Steer.
Translated by Ralph T. H. Griffith (1896)
न घा वसुर् नि यमते दानं वाजस्य गोमतः । यत् सीम् उप श्रवद् गिरः ॥
na ghā vasur ni yamate dānaṃ vājasya gomataḥ | yat sīm upa śravad giraḥ ||
He, Excellent, withholdeth not his gift of power and wealth in kine, When he hath listened to our songs.
Translated by Ralph T. H. Griffith (1896)
कुवित्सस्य प्र हि व्रजं गोमन्तं दस्युहा गमत् । शचीभिर् अप नो वरत् ॥
kuvitsasya pra hi vrajaṃ gomantaṃ dasyuhā gamat | śacībhir apa no varat ||
May he with might unclose for us the cow's stall, whosesoe'er it be, To which the Dasyu-slayer goes.
Translated by Ralph T. H. Griffith (1896)
इमा उ त्वा शतक्रतो ऽभि प्र णोनुवुर् गिरः । इन्द्र वत्सं न मातरः ॥
imā u tvā śatakrato 'bhi pra ṇonuvur giraḥ | indra vatsaṃ na mātaraḥ ||
O Indra Satakratu, these our songs have called aloud to thee, Like mother cows to meet their calves.
Translated by Ralph T. H. Griffith (1896)
दूणाशं सख्यं तव गौर् असि वीर गव्यते । अश्वो अश्वायते भव ॥
dūṇāśaṃ sakhyaṃ tava gaur asi vīra gavyate | aśvo aśvāyate bhava ||
Hard is thy love to win: thou art a Steer to him who longs for steers: Be to one craving steeds a Steed.
Translated by Ralph T. H. Griffith (1896)
स मन्दस्वा ह्य् अन्धसो राधसे तन्वा महे । न स्तोतारं निदे करः ॥
sa mandasvā hy andhaso rādhase tanvā mahe | na stotāraṃ nide karaḥ ||
Delight thee with the juice we pour for thine own great munificence: Yield not thy singer to reproach.
Translated by Ralph T. H. Griffith (1896)
इमा उ त्वा सुते-सुते नक्षन्ते गिर्वणो गिरः । वत्सं गावो न धेनवः ॥
imā u tvā sute-sute nakṣante girvaṇo giraḥ | vatsaṃ gāvo na dhenavaḥ ||
These songs with every draught we pour come, Lover of the Song, to thee, As milch-kine hasten to their young
Translated by Ralph T. H. Griffith (1896)
पुरूतमम् पुरूणां स्तोतॄणां विवाचि । वाजेभिर् वाजयताम् ॥
purūtamam purūṇāṃ stotṝṇāṃ vivāci | vājebhir vājayatām ||
To thee most oft invoked, amid the many singers' rivalry Who beg with all their might for wealth.
Translated by Ralph T. H. Griffith (1896)
अस्माकम् इन्द्र भूतु ते स्तोमो वाहिष्ठो अन्तमः । अस्मान् राये महे हिनु ॥
asmākam indra bhūtu te stomo vāhiṣṭho antamaḥ | asmān rāye mahe hinu ||
Nearest and most attractive may our laud, O Indra come to thee. Urge thou us on to ample wealth.
Translated by Ralph T. H. Griffith (1896)
अधि बृबुः पणीनां वर्षिष्ठे मूर्धन्न् अस्थात् । उरुः कक्षो न गाङ्ग्यः ॥
adhi bṛbuḥ paṇīnāṃ varṣiṣṭhe mūrdhann asthāt | uruḥ kakṣo na gāṅgyaḥ ||
Brbu hath set himself above the Panis, o'er their highest head, Like the wide bush on Ganga's bank.
Translated by Ralph T. H. Griffith (1896)
यस्य वायोर् इव द्रवद् भद्रा रातिः सहस्रिणी । सद्यो दानाय मंहते ॥
yasya vāyor iva dravad bhadrā rātiḥ sahasriṇī | sadyo dānāya maṃhate ||
He whose good bounty, thousandfold, swift as the rushing of the wind, Suddenly offers as a gift.
Translated by Ralph T. H. Griffith (1896)
तत् सु नो विश्वे अर्य आ सदा गृणन्ति कारवः । बृबुं सहस्रदातमं सूरिं सहस्रसातमम् ॥
tat su no viśve arya ā sadā gṛṇanti kāravaḥ | bṛbuṃ sahasradātamaṃ sūriṃ sahasrasātamam ||
So all our singers ever praise the pious Brbu's noble deed, Chief, best to give his thousands, best to give a thousand liberal gifts.
Translated by Ralph T. H. Griffith (1896)