Library·Ṛgveda Saṃhitā·6·6.60
श्नथद् वृत्रम् उत सनोति वाजम् इन्द्रा यो अग्नी सहुरी सपर्यात् । इरज्यन्ता वसव्यस्य भूरेः सहस्तमा सहसा वाजयन्ता ॥
śnathad vṛtram uta sanoti vājam indrā yo agnī sahurī saparyāt | irajyantā vasavyasya bhūreḥ sahastamā sahasā vājayantā ||
He slays the foe and wins the spoil who worships Indra and Agni, strong and mighty Heroes, Who rule as Sovrans over ample riches, victorious, showing forth their power in conquest.
Translated by Ralph T. H. Griffith (1896)
ता योधिष्टम् अभि गा इन्द्र नूनम् अपः स्वर् उषसो अग्न ऊळ्हाः । दिशः स्वर् उषस इन्द्र चित्रा अपो गा अग्ने युवसे नियुत्वान् ॥
tā yodhiṣṭam abhi gā indra nūnam apaḥ svar uṣaso agna ūḷhāḥ | diśaḥ svar uṣasa indra citrā apo gā agne yuvase niyutvān ||
So battle now, O Indra and thou, Agni, for cows and waters, sunlight, stolen Mornings. Team-borne, thou makest kine thine own, O Agni: thou, Indra, light, Dawns, regions, wondrous waters.
Translated by Ralph T. H. Griffith (1896)
आ वृत्रहणा वृत्रहभिः शुष्मैर् इन्द्र यातं नमोभिर् अग्ने अर्वाक् । युवं राधोभिर् अकवेभिर् इन्द्राग्ने अस्मे भवतम् उत्तमेभिः ॥
ā vṛtrahaṇā vṛtrahabhiḥ śuṣmair indra yātaṃ namobhir agne arvāk | yuvaṃ rādhobhir akavebhir indrāgne asme bhavatam uttamebhiḥ ||
With Vrtra-slaying might, Indra and Agni, come, drawn by homage, O ye Vrtra-slayers. Indra and Agni, show yourselves among us with your supreme and unrestricted bounties.
Translated by Ralph T. H. Griffith (1896)
ता हुवे ययोर् इदम् पप्ने विश्वम् पुरा कृतम् । इन्द्राग्नी न मर्धतः ॥
tā huve yayor idam papne viśvam purā kṛtam | indrāgnī na mardhataḥ ||
I call the Twain whose deeds of old have all been famed in ancient days O Indra-Agni, harm us not.
Translated by Ralph T. H. Griffith (1896)
उग्रा विघनिना मृध इन्द्राग्नी हवामहे । ता नो मृळात ईदृशे ॥
ugrā vighaninā mṛdha indrāgnī havāmahe | tā no mṛḷāta īdṛśe ||
The Strong, the scatterers of the foe, Indra and Agni, we invoke; May they be kind to one like me.
Translated by Ralph T. H. Griffith (1896)
हतो वृत्राण्य् आर्या हतो दासानि सत्पती । हतो विश्वा अप द्विषः ॥
hato vṛtrāṇy āryā hato dāsāni satpatī | hato viśvā apa dviṣaḥ ||
They slay our Arya foes, these Lords of heroes, slay our Dasyu foes And drive our enemies away.
Translated by Ralph T. H. Griffith (1896)
इन्द्राग्नी युवाम् इमे ऽभि स्तोमा अनूषत । पिबतं शम्भुवा सुतम् ॥
indrāgnī yuvām ime 'bhi stomā anūṣata | pibataṃ śambhuvā sutam ||
Indra and Agni, these our songs of praise have sounded forth to you: Ye who bring blessings! drink the juice.
Translated by Ralph T. H. Griffith (1896)
या वां सन्ति पुरुस्पृहो नियुतो दाशुषे नरा । इन्द्राग्नी ताभिर् आ गतम् ॥
yā vāṃ santi puruspṛho niyuto dāśuṣe narā | indrāgnī tābhir ā gatam ||
Come, Indra-Agni, with those teams, desired of many, which ye have, O Heroes, for the worshipper.
Translated by Ralph T. H. Griffith (1896)
ताभिर् आ गच्छतं नरोपेदं सवनं सुतम् । इन्द्राग्नी सोमपीतये ॥
tābhir ā gacchataṃ naropedaṃ savanaṃ sutam | indrāgnī somapītaye ||
With those to this libation poured, ye Heroes, Indra-Agni, come: Come ye to drink the Soma juice.
Translated by Ralph T. H. Griffith (1896)
तम् ईळिष्व यो अर्चिषा वना विश्वा परिष्वजत् । कृष्णा कृणोति जिह्वया ॥
tam īḷiṣva yo arciṣā vanā viśvā pariṣvajat | kṛṣṇā kṛṇoti jihvayā ||
Glorify him who compasses all forests with his glowing flame, And leaves them blackened with his tongue.
Translated by Ralph T. H. Griffith (1896)
य इद्ध आविवासति सुम्नम् इन्द्रस्य मर्त्यः । द्युम्नाय सुतरा अपः ॥
ya iddha āvivāsati sumnam indrasya martyaḥ | dyumnāya sutarā apaḥ ||
He who gains Indra's bliss with fire enkindled finds an easy way Over the floods to happiness.
Translated by Ralph T. H. Griffith (1896)
ता नो वाजवतीर् इष आशून् पिपृतम् अर्वतः । इन्द्रम् अग्निं च वोळ्हवे ॥
tā no vājavatīr iṣa āśūn pipṛtam arvataḥ | indram agniṃ ca voḷhave ||
Give us fleet coursers to convey Indra and Agni, and bestow Abundant strengthening food on us.
Translated by Ralph T. H. Griffith (1896)
उभा वाम् इन्द्राग्नी आहुवध्या उभा राधसः सह मादयध्यै । उभा दाताराव् इषां रयीणाम् उभा वाजस्य सातये हुवे वाम् ॥
ubhā vām indrāgnī āhuvadhyā ubhā rādhasaḥ saha mādayadhyai | ubhā dātārāv iṣāṃ rayīṇām ubhā vājasya sātaye huve vām ||
Indra and Agni, I will call you hither and make you joyful with the gifts I offer. Ye Twain are givers both of food and riches: to win me strength and vigour I invoke you.
Translated by Ralph T. H. Griffith (1896)
आ नो गव्येभिर् अश्व्यैर् वसव्यैर् उप गच्छतम् । सखायौ देवौ सख्याय शम्भुवेन्द्राग्नी ता हवामहे ॥
ā no gavyebhir aśvyair vasavyair upa gacchatam | sakhāyau devau sakhyāya śambhuvendrāgnī tā havāmahe ||
Come unto us with riches, come with wealth in horses and in kine. Indra and Agni, we invoke you both, the Gods, as Friends for friendship, bringing bliss.
Translated by Ralph T. H. Griffith (1896)
इन्द्राग्नी शृणुतं हवं यजमानस्य सुन्वतः । वीतं हव्यान्य् आ गतम् पिबतं सोम्यम् मधु ॥
indrāgnī śṛṇutaṃ havaṃ yajamānasya sunvataḥ | vītaṃ havyāny ā gatam pibataṃ somyam madhu ||
Indra and Agni, hear his call who worships. with libations poured. Come and enjoy the offerings, drink the sweetly-flavoured Soma juice.
Translated by Ralph T. H. Griffith (1896)