Library·Ṛgveda Saṃhitā·6·6.72

Ṛgveda Saṃhitā 6.72

RV 6.72.1

इन्द्रासोमा महि तद् वाम् महित्वं युवम् महानि प्रथमानि चक्रथुः । युवं सूर्यं विविदथुर् युवं स्वर् विश्वा तमांस्य् अहतं निदश् च ॥

indrāsomā mahi tad vām mahitvaṃ yuvam mahāni prathamāni cakrathuḥ | yuvaṃ sūryaṃ vividathur yuvaṃ svar viśvā tamāṃsy ahataṃ nidaś ca ||

Great is this might of yours, Indra and Soma: the first high exploits were your own achievements. Ye found the Sun ye found the light of heaven: ye killed all darkness and the Gods' blasphemers.

Translated by Ralph T. H. Griffith (1896)

RV 6.72.2

इन्द्रासोमा वासयथ उषासम् उत् सूर्यं नयथो ज्योतिषा सह । उप द्यां स्कम्भथु स्कम्भनेनाप्रथतम् पृथिवीम् मातरं वि ॥

indrāsomā vāsayatha uṣāsam ut sūryaṃ nayatho jyotiṣā saha | upa dyāṃ skambhathu skambhanenāprathatam pṛthivīm mātaraṃ vi ||

Ye, Indra-Soma, gave her light to Morning, and led the Sun on high with all his splendour. Ye stayed the heaven with a supporting pillar, and spread abroad apart, the Earth, the Mother.

Translated by Ralph T. H. Griffith (1896)

RV 6.72.3

इन्द्रासोमाव् अहिम् अपः परिष्ठां हथो वृत्रम् अनु वां द्यौर् अमन्यत । प्रार्णांस्य् ऐरयतं नदीनाम् आ समुद्राणि पप्रथुः पुरूणि ॥

indrāsomāv ahim apaḥ pariṣṭhāṃ hatho vṛtram anu vāṃ dyaur amanyata | prārṇāṃsy airayataṃ nadīnām ā samudrāṇi paprathuḥ purūṇi ||

Ye slew the flood -obstructing serpent Vrtra, Indra and Soma: Heaven approved your exploit. Ye urged to speed the currents of the rivers, and many seas have ye filled full with waters.

Translated by Ralph T. H. Griffith (1896)

RV 6.72.4

इन्द्रासोमा पक्वम् आमास्व् अन्तर् नि गवाम् इद् दधथुर् वक्षणासु । जगृभथुर् अनपिनद्धम् आसु रुशच् चित्रासु जगतीष्व् अन्तः ॥

indrāsomā pakvam āmāsv antar ni gavām id dadhathur vakṣaṇāsu | jagṛbhathur anapinaddham āsu ruśac citrāsu jagatīṣv antaḥ ||

Ye in the unripe udders of the milch-kine have set the ripe milk, Indra, thou, and Soma. Ye have held fast the unimpeded whiteness within these many-coloured moving creatures.

Translated by Ralph T. H. Griffith (1896)

RV 6.72.5

इन्द्रासोमा युवम् अङ्ग तरुत्रम् अपत्यसाचं श्रुत्यं रराथे । युवं शुष्मं नर्यं चर्षणिभ्यः सं विव्यथुः पृतनाषाहम् उग्रा ॥

indrāsomā yuvam aṅga tarutram apatyasācaṃ śrutyaṃ rarāthe | yuvaṃ śuṣmaṃ naryaṃ carṣaṇibhyaḥ saṃ vivyathuḥ pṛtanāṣāham ugrā ||

Verily ye bestow, Indra and Soma, wealth, famed, victorious, passing to our children. Ye have invested men, ye Mighty Beings, with manly strength that conquers in the battle.

Translated by Ralph T. H. Griffith (1896)