Library·Ṛgveda Saṃhitā·6·6.74
सोमारुद्रा धारयेथाम् असुर्यम् प्र वाम् इष्टयो ऽरम् अश्नुवन्तु । दमे-दमे सप्त रत्ना दधाना शं नो भूतं द्विपदे शं चतुष्पदे ॥
somārudrā dhārayethām asuryam pra vām iṣṭayo 'ram aśnuvantu | dame-dame sapta ratnā dadhānā śaṃ no bhūtaṃ dvipade śaṃ catuṣpade ||
Hold fast your Godlike sway, O Soma-Rudra: let these our sacrifices quickly reach you. Placing in every house your seven great treasures, bring blessing to our quadrupeds and bipeds.
Translated by Ralph T. H. Griffith (1896)
सोमारुद्रा वि वृहतं विषूचीम् अमीवा या नो गयम् आविवेश । आरे बाधेथां निरृतिम् पराचैर् अस्मे भद्रा सौश्रवसानि सन्तु ॥
somārudrā vi vṛhataṃ viṣūcīm amīvā yā no gayam āviveśa | āre bādhethāṃ nirṛtim parācair asme bhadrā sauśravasāni santu ||
Soma and Rudra, chase to every quarter the sickness that hath visited our dwelling. Drive Nirrti away into the distance, and give us excellent and happy glories.
Translated by Ralph T. H. Griffith (1896)
सोमारुद्रा युवम् एतान्य् अस्मे विश्वा तनूषु भेषजानि धत्तम् । अव स्यतम् मुञ्चतं यन् नो अस्ति तनूषु बद्धं कृतम् एनो अस्मत् ॥
somārudrā yuvam etāny asme viśvā tanūṣu bheṣajāni dhattam | ava syatam muñcataṃ yan no asti tanūṣu baddhaṃ kṛtam eno asmat ||
Provide, O Soma-Rudra, for our bodies all needful medicines to heal and cure us. Set free and draw away the sin committed which we have still inherent in our persons.
Translated by Ralph T. H. Griffith (1896)
तिग्मायुधौ तिग्महेती सुशेवौ सोमारुद्राव् इह सु मृळतं नः । प्र नो मुञ्चतं वरुणस्य पाशाद् गोपायतं नः सुमनस्यमाना ॥
tigmāyudhau tigmahetī suśevau somārudrāv iha su mṛḷataṃ naḥ | pra no muñcataṃ varuṇasya pāśād gopāyataṃ naḥ sumanasyamānā ||
Armed with keen shafts and weapons, kind and loving, be gracious unto us, Soma and Rudra. Release us from the noose of Varuna; keep us from sorrow, in your tender loving-kindness.
Translated by Ralph T. H. Griffith (1896)