Library·Ṛgveda Saṃhitā·7·7.22
पिबा सोमम् इन्द्र मन्दतु त्वा यं ते सुषाव हर्यश्वाद्रिः । सोतुर् बाहुभ्यां सुयतो नार्वा ॥
pibā somam indra mandatu tvā yaṃ te suṣāva haryaśvādriḥ | sotur bāhubhyāṃ suyato nārvā ||
Drink Soma, Lord of Bays, and let it cheer thee: Indra, the stone, like a well guided courser, Directed by the presser's arms hath pressed it.
Translated by Ralph T. H. Griffith (1896)
यस् ते मदो युज्यश् चारुर् अस्ति येन वृत्राणि हर्यश्व हंसि । स त्वाम् इन्द्र प्रभूवसो ममत्तु ॥
yas te mado yujyaś cārur asti yena vṛtrāṇi haryaśva haṃsi | sa tvām indra prabhūvaso mamattu ||
So let the draught of joy, thy dear companion, by which, O Lord of Bays, thou slayest foemen, Delight thee, Indra, Lord of princely treasures.
Translated by Ralph T. H. Griffith (1896)
बोधा सु मे मघवन् वाचम् एमां यां ते वसिष्ठो अर्चति प्रशस्तिम् । इमा ब्रह्म सधमादे जुषस्व ॥
bodhā su me maghavan vācam emāṃ yāṃ te vasiṣṭho arcati praśastim | imā brahma sadhamāde juṣasva ||
Mark closely, Maghavan, the words I utter, this eulogy recited by Vasistha: Accept the prayers I offer at thy banquet.
Translated by Ralph T. H. Griffith (1896)
श्रुधी हवं विपिपानस्याद्रेर् बोधा विप्रस्यार्चतो मनीषाम् । कृष्वा दुवांस्य् अन्तमा सचेमा ॥
śrudhī havaṃ vipipānasyādrer bodhā viprasyārcato manīṣām | kṛṣvā duvāṃsy antamā sacemā ||
Hear thou the call of the juice-drinking press-stone: hear thou the Brahman's hymn who sings and lauds thee. Take to thine inmost self these adorations.
Translated by Ralph T. H. Griffith (1896)
न ते गिरो अपि मृष्ये तुरस्य न सुष्टुतिम् असुर्यस्य विद्वान् । सदा ते नाम स्वयशो विवक्मि ॥
na te giro api mṛṣye turasya na suṣṭutim asuryasya vidvān | sadā te nāma svayaśo vivakmi ||
I know and ne'er forget the hymns and praises of thee, the Conqueror, and thy strength immortal. Thy name I ever utter. Self-Refulgent
Translated by Ralph T. H. Griffith (1896)
भूरि हि ते सवना मानुषेषु भूरि मनीषी हवते त्वाम् इत् । मारे अस्मन् मघवञ् ज्योक् कः ॥
bhūri hi te savanā mānuṣeṣu bhūri manīṣī havate tvām it | māre asman maghavañ jyok kaḥ ||
Among mankind many are thy libations, and many a time the pious sage invokes thee. O Maghavan, be not long distant from us.
Translated by Ralph T. H. Griffith (1896)
तुभ्येद् इमा सवना शूर विश्वा तुभ्यम् ब्रह्माणि वर्धना कृणोमि । त्वं नृभिर् हव्यो विश्वधासि ॥
tubhyed imā savanā śūra viśvā tubhyam brahmāṇi vardhanā kṛṇomi | tvaṃ nṛbhir havyo viśvadhāsi ||
All these libations are for thee, O Hero: to thee I offer these my prayers. that strengthen. Ever, in every place, must men invoke thee.
Translated by Ralph T. H. Griffith (1896)
नू चिन् नु ते मन्यमानस्य दस्मोद् अश्नुवन्ति महिमानम् उग्र । न वीर्यम् इन्द्र ते न राधः ॥
nū cin nu te manyamānasya dasmod aśnuvanti mahimānam ugra | na vīryam indra te na rādhaḥ ||
Never do men attain, O Wonder-Worker, thy greatness, Mighty One, who must be lauded, Nor, Indra, thine heroic power and bounty.
Translated by Ralph T. H. Griffith (1896)
ये च पूर्व ऋषयो ये च नूत्ना इन्द्र ब्रह्माणि जनयन्त विप्राः । अस्मे ते सन्तु सख्या शिवानि यूयम् पात स्वस्तिभिः सदा नः ॥
ye ca pūrva ṛṣayo ye ca nūtnā indra brahmāṇi janayanta viprāḥ | asme te santu sakhyā śivāni yūyam pāta svastibhiḥ sadā naḥ ||
Among all Rsis, Indra, old and recent, who have engendered hymns as sacred singers, Even with us be thine auspicious friendships. Ye Gods, preserve us evermore with blessings.
Translated by Ralph T. H. Griffith (1896)