प्र शुक्रैतु देवी मनीषा अस्मत् सुतष्टो रथो न वाजी ॥
pra śukraitu devī manīṣā asmat sutaṣṭo ratho na vājī ||
May our divine and brilliant hymn go forth, like a swift chariot wrought and fashioned well.
Translated by Ralph T. H. Griffith (1896)
Library·Ṛgveda Saṃhitā·7·7.34
Ṛgveda Saṃhitā 7.34
विदुः पृथिव्या दिवो जनित्रं शृण्वन्त्य् आपो अध क्षरन्तीः ॥
viduḥ pṛthivyā divo janitraṃ śṛṇvanty āpo adha kṣarantīḥ ||
The waters listen as they flow along: they know the origin of heaven and earth.
Translated by Ralph T. H. Griffith (1896)
आपश् चिद् अस्मै पिन्वन्त पृथ्वीर् वृत्रेषु शूरा मंसन्त उग्राः ॥
āpaś cid asmai pinvanta pṛthvīr vṛtreṣu śūrā maṃsanta ugrāḥ ||
Yea, the broad waters swell their flood for him: of him strong heroes think amid their foes.
Translated by Ralph T. H. Griffith (1896)
आ धूर्ष्व् अस्मै दधाताश्वान् इन्द्रो न वज्री हिरण्यबाहुः ॥
ā dhūrṣv asmai dadhātāśvān indro na vajrī hiraṇyabāhuḥ ||
Set ye for him the coursers to the pole: like Indra Thunderer is the Golden-armed.
Translated by Ralph T. H. Griffith (1896)
अभि प्र स्थाताहेव यज्ञं यातेव पत्मन् त्मना हिनोत ॥
abhi pra sthātāheva yajñaṃ yāteva patman tmanā hinota ||
Arouse you, like the days, to sacrifice speed gladly like a traveller on the way.
Translated by Ralph T. H. Griffith (1896)
त्मना समत्सु हिनोत यज्ञं दधात केतुं जनाय वीरम् ॥
tmanā samatsu hinota yajñaṃ dadhāta ketuṃ janāya vīram ||
Go swift to battles, to the sacrifice: set up a flag, a hero for the folk.
Translated by Ralph T. H. Griffith (1896)
उद् अस्य शुष्माद् भानुर् नार्त बिभर्ति भारम् पृथिवी न भूम ॥
ud asya śuṣmād bhānur nārta bibharti bhāram pṛthivī na bhūma ||
Up from his strength hath risen as 'twere a light: it bears the load as earth bears living things.
Translated by Ralph T. H. Griffith (1896)
ह्वयामि देवां अयातुर् अग्ने साधन्न् ऋतेन धियं दधामि ॥
hvayāmi devāṃ ayātur agne sādhann ṛtena dhiyaṃ dadhāmi ||
Agni, no demon I invoke the Gods: by law completing it, I form a hymn.
Translated by Ralph T. H. Griffith (1896)
अभि वो देवीं धियं दधिध्वम् प्र वो देवत्रा वाचं कृणुध्वम् ॥
abhi vo devīṃ dhiyaṃ dadhidhvam pra vo devatrā vācaṃ kṛṇudhvam ||
Closely about you lay your heavenly song, and send your voice to where the Gods abide.
Translated by Ralph T. H. Griffith (1896)
आ चष्ट आसाम् पाथो नदीनां वरुण उग्रः सहस्रचक्षाः ॥
ā caṣṭa āsām pātho nadīnāṃ varuṇa ugraḥ sahasracakṣāḥ ||
Varuna, Mighty, with a thousand eyes, beholds the paths wherein these rivers run.
Translated by Ralph T. H. Griffith (1896)
राजा राष्ट्रानाम् पेशो नदीनाम् अनुत्तम् अस्मै क्षत्रं विश्वायु ॥
rājā rāṣṭrānām peśo nadīnām anuttam asmai kṣatraṃ viśvāyu ||
He, King of kings, the glory of the floods, o'er all that liveth hath resistless sway.
Translated by Ralph T. H. Griffith (1896)
अविष्टो अस्मान् विश्वासु विक्ष्व् अद्युं कृणोत शंसं निनित्सोः ॥
aviṣṭo asmān viśvāsu vikṣv adyuṃ kṛṇota śaṃsaṃ ninitsoḥ ||
May he assist us among all the tribes, and make the envier's praise devoid of light.
Translated by Ralph T. H. Griffith (1896)
व्य् एतु दिद्युद् द्विषाम् अशेवा युयोत विष्वग् रपस् तनूनाम् ॥
vy etu didyud dviṣām aśevā yuyota viṣvag rapas tanūnām ||
May the foes' threatening arrow pass us by: may he put far from us our bodies' sin.
Translated by Ralph T. H. Griffith (1896)
अवीन् नो अग्निर् हव्यान् नमोभिः प्रेष्ठो अस्मा अधायि स्तोमः ॥
avīn no agnir havyān namobhiḥ preṣṭho asmā adhāyi stomaḥ ||
Agni, oblation-cater, through our prayers aid us: to him our dearest laud is brought.
Translated by Ralph T. H. Griffith (1896)
सजूर् देवेभिर् अपां नपातं सखायं कृध्वं शिवो नो अस्तु ॥
sajūr devebhir apāṃ napātaṃ sakhāyaṃ kṛdhvaṃ śivo no astu ||
Accordant with the Gods choose for our Friend the Waters' Child: may he be good to us.
Translated by Ralph T. H. Griffith (1896)
अब्जाम् उक्थैर् अहिं गृणीषे बुध्ने नदीनां रजस्सु षीदन् ॥
abjām ukthair ahiṃ gṛṇīṣe budhne nadīnāṃ rajassu ṣīdan ||
With lauds I sing the Dragon born of floods: he sits beneath the streams in middle air.
Translated by Ralph T. H. Griffith (1896)
मा नो ऽहिर् बुध्न्यो रिषे धान् मा यज्ञो अस्य स्रिधद् ऋतायोः ॥
mā no 'hir budhnyo riṣe dhān mā yajño asya sridhad ṛtāyoḥ ||
Ne'er may the Dragon of the Deep harm us: ne'er fail this faithful servant's sacrifice.
Translated by Ralph T. H. Griffith (1896)
उत न एषु नृषु श्रवो धुः प्र राये यन्तु शर्धन्तो अर्यः ॥
uta na eṣu nṛṣu śravo dhuḥ pra rāye yantu śardhanto aryaḥ ||
To these our heroes may they grant renown: may pious men march boldly on to wealth.
Translated by Ralph T. H. Griffith (1896)
तपन्ति शत्रुं स्वर् ण भूमा महासेनासो अमेभिर् एषाम् ॥
tapanti śatruṃ svar ṇa bhūmā mahāsenāso amebhir eṣām ||
Leading great hosts, with fierce attacks of these, they burn their foes as the Sun burns the earth.
Translated by Ralph T. H. Griffith (1896)
आ यन् नः पत्नीर् गमन्त्य् अच्छा त्वष्टा सुपाणिर् दधातु वीरान् ॥
ā yan naḥ patnīr gamanty acchā tvaṣṭā supāṇir dadhātu vīrān ||
What time our wives draw near to us, may he, left-handed Tvastar, give us hero sons.
Translated by Ralph T. H. Griffith (1896)
प्रति न स्तोमं त्वष्टा जुषेत स्याद् अस्मे अरमतिर् वसूयुः ॥
prati na stomaṃ tvaṣṭā juṣeta syād asme aramatir vasūyuḥ ||
May Tvastar find our hymn acceptable, and may Aramati, seeking wealth, be ours.
Translated by Ralph T. H. Griffith (1896)
ता नो रासन् रातिषाचो वसून्य् आ रोदसी वरुणानी शृणोतु । वरूत्रीभिः सुशरणो नो अस्तु त्वष्टा सुदत्रो वि दधातु रायः ॥
tā no rāsan rātiṣāco vasūny ā rodasī varuṇānī śṛṇotu | varūtrībhiḥ suśaraṇo no astu tvaṣṭā sudatro vi dadhātu rāyaḥ ||
May they who lavish gifts bestow those treasures: may Rodasi and Varunani listen. May he, with the Varutris, be our refuge, may bountiful Tvastar give us store of riches.
Translated by Ralph T. H. Griffith (1896)
तन् नो रायः पर्वतास् तन् न आपस् तद् रातिषाच ओषधीर् उत द्यौः । वनस्पतिभिः पृथिवी सजोषा उभे रोदसी परि पासतो नः ॥
tan no rāyaḥ parvatās tan na āpas tad rātiṣāca oṣadhīr uta dyauḥ | vanaspatibhiḥ pṛthivī sajoṣā ubhe rodasī pari pāsato naḥ ||
So may rich Mountains and the liberal Waters, so may all Herbs that grow on ground, and Heaven, And Earth accordant with the Forest-Sovrans, and both the World-halves round about protect us.
Translated by Ralph T. H. Griffith (1896)
अनु तद् उर्वी रोदसी जिहाताम् अनु द्युक्षो वरुण इन्द्रसखा । अनु विश्वे मरुतो ये सहासो रायः स्याम धरुणं धियध्यै ॥
anu tad urvī rodasī jihātām anu dyukṣo varuṇa indrasakhā | anu viśve maruto ye sahāso rāyaḥ syāma dharuṇaṃ dhiyadhyai ||
To this may both the wide Worlds lend approval, and Varuna in heaven, whose Friend is Indra. May all the Maruts give consent, the Victors, that we may hold great wealth in firm possession.
Translated by Ralph T. H. Griffith (1896)
तन् न इन्द्रो वरुणो मित्रो अग्निर् आप ओषधीर् वनिनो जुषन्त । शर्मन् स्याम मरुताम् उपस्थे यूयम् पात स्वस्तिभिः सदा नः ॥
tan na indro varuṇo mitro agnir āpa oṣadhīr vanino juṣanta | śarman syāma marutām upasthe yūyam pāta svastibhiḥ sadā naḥ ||
May Indra, Varuna, Mitra, and Agni, Waters, Herbs, Trees accept the praise we offer. May we find refuge in the Marut's bosom. Protect us evermore, ye Gods, with blessings.
Translated by Ralph T. H. Griffith (1896)