Library·Ṛgveda Saṃhitā·7·7.85
पुनीषे वाम् अरक्षसम् मनीषां सोमम् इन्द्राय वरुणाय जुह्वत् । घृतप्रतीकाम् उषसं न देवीं ता नो यामन्न् उरुष्यताम् अभीके ॥
punīṣe vām arakṣasam manīṣāṃ somam indrāya varuṇāya juhvat | ghṛtapratīkām uṣasaṃ na devīṃ tā no yāmann uruṣyatām abhīke ||
For you I deck a harmless hymn, presenting the Soma juice to Varuna and Indra- A hymn that shines like heavenly Dawn with fatness. May they be near us on the march and guard us.
Translated by Ralph T. H. Griffith (1896)
स्पर्धन्ते वा उ देवहूये अत्र येषु ध्वजेषु दिद्यवः पतन्ति । युवं तां इन्द्रावरुणाव् अमित्रान् हतम् पराचः शर्वा विषूचः ॥
spardhante vā u devahūye atra yeṣu dhvajeṣu didyavaḥ patanti | yuvaṃ tāṃ indrāvaruṇāv amitrān hatam parācaḥ śarvā viṣūcaḥ ||
Here where the arrows fall amid the banners both hosts invoke the Gods in emulation. O Indra-Varuna, smite back those-our foemen, yea, smite them with your shaft to every quarter.
Translated by Ralph T. H. Griffith (1896)
आपश् चिद् धि स्वयशसः सदस्सु देवीर् इन्द्रं वरुणं देवता धुः । कृष्टीर् अन्यो धारयति प्रविक्ता वृत्राण्य् अन्यो अप्रतीनि हन्ति ॥
āpaś cid dhi svayaśasaḥ sadassu devīr indraṃ varuṇaṃ devatā dhuḥ | kṛṣṭīr anyo dhārayati praviktā vṛtrāṇy anyo apratīni hanti ||
Self-lucid in their seats, e'en heavenly Waters endowed with Godhead Varuna and Indra. One of these holds the folk distinct and sundered, the Other smites and slays resistless foemen.
Translated by Ralph T. H. Griffith (1896)
स सुक्रतुर् ऋतचिद् अस्तु होता य आदित्य शवसा वां नमस्वान् । आववर्तद् अवसे वां हविष्मान् असद् इत् स सुविताय प्रयस्वान् ॥
sa sukratur ṛtacid astu hotā ya āditya śavasā vāṃ namasvān | āvavartad avase vāṃ haviṣmān asad it sa suvitāya prayasvān ||
Wise be the priest and skilled in Law Eternal, who with his sacred gifts and oration. Brings you to aid us with your might, Adityas: let him have viands to promote his welfare.
Translated by Ralph T. H. Griffith (1896)
इयम् इन्द्रं वरुणम् अष्ट मे गीः प्रावत् तोके तनये तूतुजाना । सुरत्नासो देववीतिं गमेम यूयम् पात स्वस्तिभिः सदा नः ॥
iyam indraṃ varuṇam aṣṭa me gīḥ prāvat toke tanaye tūtujānā | suratnāso devavītiṃ gamema yūyam pāta svastibhiḥ sadā naḥ ||
May this my song reach Varuna and Indra, and, strongly urging, win me sons and offspring. To the Gods' banquet may we go with riches. Preserve us evermore, ye Gods with blessings.
Translated by Ralph T. H. Griffith (1896)