Library·Ṛgveda Saṃhitā·7·7.9
अबोधि जार उषसाम् उपस्थाद् धोता मन्द्रः कवितमः पावकः । दधाति केतुम् उभयस्य जन्तोर् हव्या देवेषु द्रविणं सुकृत्सु ॥
abodhi jāra uṣasām upasthād dhotā mandraḥ kavitamaḥ pāvakaḥ | dadhāti ketum ubhayasya jantor havyā deveṣu draviṇaṃ sukṛtsu ||
Roused from their bosom is the Dawns' beloved, the joyous Priest, most sapient, Purifier. He gives a signal both to Gods and mortals, to Gods oblations, riches to the pious.
Translated by Ralph T. H. Griffith (1896)
स सुक्रतुर् यो वि दुरः पणीनाम् पुनानो अर्कम् पुरुभोजसं नः । होता मन्द्रो विशां दमूनास् तिरस् तमो ददृशे राम्याणाम् ॥
sa sukratur yo vi duraḥ paṇīnām punāno arkam purubhojasaṃ naḥ | hotā mandro viśāṃ damūnās tiras tamo dadṛśe rāmyāṇām ||
Most wise is he who, forcing doors of Panis, brought the bright Sun to us who feedeth many. The cheerful Priest, men's Friend and home-companion, through still night's darkness he is made apparent.
Translated by Ralph T. H. Griffith (1896)
अमूरः कविर् अदितिर् विवस्वान् सुसंसन् मित्रो अतिथिः शिवो नः । चित्रभानुर् उषसाम् भात्य् अग्रे ऽपां गर्भः प्रस्व आ विवेश ॥
amūraḥ kavir aditir vivasvān susaṃsan mitro atithiḥ śivo naḥ | citrabhānur uṣasām bhāty agre 'pāṃ garbhaḥ prasva ā viveśa ||
Wise, ne.'er deceived, uncircumscribed, refulgent, our gracious guest, a Friend with good attendants, Shines forth with wondrous light before the Mornings; the young plants hath he entered, Child of Waters.
Translated by Ralph T. H. Griffith (1896)
ईळेन्यो वो मनुषो युगेषु समनगा अशुचज् जातवेदाः । सुसंदृशा भानुना यो विभाति प्रति गावः समिधानम् बुधन्त ॥
īḷenyo vo manuṣo yugeṣu samanagā aśucaj jātavedāḥ | susaṃdṛśā bhānunā yo vibhāti prati gāvaḥ samidhānam budhanta ||
Seeking our gatherings, he, your Jatavedas, hath shone adorable through human ages, Who gleams refulgent with his lovely lustre: the kine have waked to meet him when enkindled.
Translated by Ralph T. H. Griffith (1896)
अग्ने याहि दूत्यम् मा रिषण्यो देवां अच्छा ब्रह्मकृता गणेन । सरस्वतीम् मरुतो अश्विनापो यक्षि देवान् रत्नधेयाय विश्वान् ॥
agne yāhi dūtyam mā riṣaṇyo devāṃ acchā brahmakṛtā gaṇena | sarasvatīm maruto aśvināpo yakṣi devān ratnadheyāya viśvān ||
Go on thy message to the Gods, and fail not, O Agni, with their band who pray and worship. Bring all the Gods that they may give us riches, Sarasvati, the Maruts, Asvins, Waters.
Translated by Ralph T. H. Griffith (1896)
त्वाम् अग्ने समिधानो वसिष्ठो जरूथं हन् यक्षि राये पुरन्धिम् । पुरुणीथा जातवेदो जरस्व यूयम् पात स्वस्तिभिः सदा नः ॥
tvām agne samidhāno vasiṣṭho jarūthaṃ han yakṣi rāye purandhim | puruṇīthā jātavedo jarasva yūyam pāta svastibhiḥ sadā naḥ ||
Vasistha, when enkindling thee, O Agni, hath slain jarutha. Give us wealth in plenty. Sing praise in choral song, O Jatavedas. Ye Gods, preserve us evermore with blessings.
Translated by Ralph T. H. Griffith (1896)