ऋधग् इत्था स मर्त्यः शशमे देवतातये । यो नूनम् मित्रावरुणाव् अभिष्टय आचक्रे हव्यदातये ॥
ṛdhag itthā sa martyaḥ śaśame devatātaye | yo nūnam mitrāvaruṇāv abhiṣṭaya ācakre havyadātaye ||
Sanskrit only: no published translation is held for this verse.
Library·Ṛgveda Saṃhitā·8·8.101
Ṛgveda Saṃhitā 8.101
वर्षिष्ठक्षत्रा उरुचक्षसा नरा राजाना दीर्घश्रुत्तमा । ता बाहुता न दंसना रथर्यतः साकं सूर्यस्य रश्मिभिः ॥
varṣiṣṭhakṣatrā urucakṣasā narā rājānā dīrghaśruttamā | tā bāhutā na daṃsanā ratharyataḥ sākaṃ sūryasya raśmibhiḥ ||
Sanskrit only: no published translation is held for this verse.
प्र यो वाम् मित्रावरुणाजिरो दूतो अद्रवत् । अयःशीर्षा मदेरघुः ॥
pra yo vām mitrāvaruṇājiro dūto adravat | ayaḥśīrṣā maderaghuḥ ||
Sanskrit only: no published translation is held for this verse.
न यः सम्पृच्छे न पुनर् हवीतवे न संवादाय रमते । तस्मान् नो अद्य समृतेर् उरुष्यतम् बाहुभ्यां न उरुष्यतम् ॥
na yaḥ sampṛcche na punar havītave na saṃvādāya ramate | tasmān no adya samṛter uruṣyatam bāhubhyāṃ na uruṣyatam ||
Sanskrit only: no published translation is held for this verse.
प्र मित्राय प्रार्यम्णे सचथ्यम् ऋतावसो । वरूथ्यं वरुणे छन्द्यं वच स्तोत्रं राजसु गायत ॥
pra mitrāya prāryamṇe sacathyam ṛtāvaso | varūthyaṃ varuṇe chandyaṃ vaca stotraṃ rājasu gāyata ||
Sanskrit only: no published translation is held for this verse.
ते हिन्विरे अरुणं जेन्यं वस्व् एकम् पुत्रं तिसॄणाम् । ते धामान्य् अमृता मर्त्यानाम् अदब्धा अभि चक्षते ॥
te hinvire aruṇaṃ jenyaṃ vasv ekam putraṃ tisṝṇām | te dhāmāny amṛtā martyānām adabdhā abhi cakṣate ||
Sanskrit only: no published translation is held for this verse.
आ मे वचांस्य् उद्यता द्युमत्तमानि कर्त्वा । उभा यातं नासत्या सजोषसा प्रति हव्यानि वीतये ॥
ā me vacāṃsy udyatā dyumattamāni kartvā | ubhā yātaṃ nāsatyā sajoṣasā prati havyāni vītaye ||
Sanskrit only: no published translation is held for this verse.
रातिं यद् वाम् अरक्षसं हवामहे युवाभ्यां वाजिनीवसू । प्राचीं होत्राम् प्रतिरन्ताव् इतं नरा गृणाना जमदग्निना ॥
rātiṃ yad vām arakṣasaṃ havāmahe yuvābhyāṃ vājinīvasū | prācīṃ hotrām pratirantāv itaṃ narā gṛṇānā jamadagninā ||
Sanskrit only: no published translation is held for this verse.
आ नो यज्ञं दिविस्पृशं वायो याहि सुमन्मभिः । अन्तः पवित्र उपरि श्रीणानो ऽयं शुक्रो अयामि ते ॥
ā no yajñaṃ divispṛśaṃ vāyo yāhi sumanmabhiḥ | antaḥ pavitra upari śrīṇāno 'yaṃ śukro ayāmi te ||
Sanskrit only: no published translation is held for this verse.
वेत्य् अध्वर्युः पथिभी रजिष्ठैः प्रति हव्यानि वीतये । अधा नियुत्व उभयस्य नः पिब शुचिं सोमं गवाशिरम् ॥
vety adhvaryuḥ pathibhī rajiṣṭhaiḥ prati havyāni vītaye | adhā niyutva ubhayasya naḥ piba śuciṃ somaṃ gavāśiram ||
Sanskrit only: no published translation is held for this verse.
बण् महां असि सूर्य बळ् आदित्य महां असि । महस् ते सतो महिमा पनस्यते ऽद्धा देव महां असि ॥
baṇ mahāṃ asi sūrya baḷ āditya mahāṃ asi | mahas te sato mahimā panasyate 'ddhā deva mahāṃ asi ||
Sanskrit only: no published translation is held for this verse.
बट् सूर्य श्रवसा महां असि सत्रा देव महां असि । मह्ना देवानाम् असुर्यः पुरोहितो विभु ज्योतिर् अदाभ्यम् ॥
baṭ sūrya śravasā mahāṃ asi satrā deva mahāṃ asi | mahnā devānām asuryaḥ purohito vibhu jyotir adābhyam ||
Sanskrit only: no published translation is held for this verse.
इयं या नीच्य् अर्किणी रूपा रोहिण्या कृता । चित्रेव प्रत्य् अदर्श्य् आयत्य् अन्तर् दशसु बाहुषु ॥
iyaṃ yā nīcy arkiṇī rūpā rohiṇyā kṛtā | citreva praty adarśy āyaty antar daśasu bāhuṣu ||
Sanskrit only: no published translation is held for this verse.
प्रजा ह तिस्रो अत्यायम् ईयुर् न्य् अन्या अर्कम् अभितो विविश्रे । बृहद् ध तस्थौ भुवनेष्व् अन्तः पवमानो हरित आ विवेश ॥
prajā ha tisro atyāyam īyur ny anyā arkam abhito viviśre | bṛhad dha tasthau bhuvaneṣv antaḥ pavamāno harita ā viveśa ||
Sanskrit only: no published translation is held for this verse.
माता रुद्राणां दुहिता वसूनां स्वसादित्यानाम् अमृतस्य नाभिः । प्र नु वोचं चिकितुषे जनाय मा गाम् अनागाम् अदितिं वधिष्ट ॥
mātā rudrāṇāṃ duhitā vasūnāṃ svasādityānām amṛtasya nābhiḥ | pra nu vocaṃ cikituṣe janāya mā gām anāgām aditiṃ vadhiṣṭa ||
Sanskrit only: no published translation is held for this verse.
वचोविदं वाचम् उदीरयन्तीं विश्वाभिर् धीभिर् उपतिष्ठमानाम् । देवीं देवेभ्यः पर्य् एयुषीं गाम् आ मावृक्त मर्त्यो दभ्रचेताः ॥
vacovidaṃ vācam udīrayantīṃ viśvābhir dhībhir upatiṣṭhamānām | devīṃ devebhyaḥ pary eyuṣīṃ gām ā māvṛkta martyo dabhracetāḥ ||
Sanskrit only: no published translation is held for this verse.