त्वम् अग्ने बृहद् वयो दधासि देव दाशुषे । कविर् गृहपतिर् युवा ॥
tvam agne bṛhad vayo dadhāsi deva dāśuṣe | kavir gṛhapatir yuvā ||
Sanskrit only: no published translation is held for this verse.
Library·Ṛgveda Saṃhitā·8·8.102
Ṛgveda Saṃhitā 8.102
स न ईळानया सह देवां अग्ने दुवस्युवा । चिकिद् विभानव् आ वह ॥
sa na īḷānayā saha devāṃ agne duvasyuvā | cikid vibhānav ā vaha ||
Sanskrit only: no published translation is held for this verse.
त्वया ह स्विद् युजा वयं चोदिष्ठेन यविष्ठ्य । अभि ष्मो वाजसातये ॥
tvayā ha svid yujā vayaṃ codiṣṭhena yaviṣṭhya | abhi ṣmo vājasātaye ||
Sanskrit only: no published translation is held for this verse.
और्वभृगुवच् छुचिम् अप्नवानवद् आ हुवे । अग्निं समुद्रवाससम् ॥
aurvabhṛguvac chucim apnavānavad ā huve | agniṃ samudravāsasam ||
Sanskrit only: no published translation is held for this verse.
हुवे वातस्वनं कविम् पर्जन्यक्रन्द्यं सहः । अग्निं समुद्रवाससम् ॥
huve vātasvanaṃ kavim parjanyakrandyaṃ sahaḥ | agniṃ samudravāsasam ||
Sanskrit only: no published translation is held for this verse.
आ सवं सवितुर् यथा भगस्येव भुजिं हुवे । अग्निं समुद्रवाससम् ॥
ā savaṃ savitur yathā bhagasyeva bhujiṃ huve | agniṃ samudravāsasam ||
Sanskrit only: no published translation is held for this verse.
अग्निं वो वृधन्तम् अध्वराणाम् पुरूतमम् । अच्छा नप्त्रे सहस्वते ॥
agniṃ vo vṛdhantam adhvarāṇām purūtamam | acchā naptre sahasvate ||
Sanskrit only: no published translation is held for this verse.
अयं यथा न आभुवत् त्वष्टा रूपेव तक्ष्या । अस्य क्रत्वा यशस्वतः ॥
ayaṃ yathā na ābhuvat tvaṣṭā rūpeva takṣyā | asya kratvā yaśasvataḥ ||
Sanskrit only: no published translation is held for this verse.
अयं विश्वा अभि श्रियो ऽग्निर् देवेषु पत्यते । आ वाजैर् उप नो गमत् ॥
ayaṃ viśvā abhi śriyo 'gnir deveṣu patyate | ā vājair upa no gamat ||
Sanskrit only: no published translation is held for this verse.
विश्वेषाम् इह स्तुहि होतॄणां यशस्तमम् । अग्निं यज्ञेषु पूर्व्यम् ॥
viśveṣām iha stuhi hotṝṇāṃ yaśastamam | agniṃ yajñeṣu pūrvyam ||
Sanskrit only: no published translation is held for this verse.
शीरम् पावकशोचिषं ज्येष्ठो यो दमेष्व् आ । दीदाय दीर्घश्रुत्तमः ॥
śīram pāvakaśociṣaṃ jyeṣṭho yo dameṣv ā | dīdāya dīrghaśruttamaḥ ||
Sanskrit only: no published translation is held for this verse.
तम् अर्वन्तं न सानसिं गृणीहि विप्र शुष्मिणम् । मित्रं न यातयज्जनम् ॥
tam arvantaṃ na sānasiṃ gṛṇīhi vipra śuṣmiṇam | mitraṃ na yātayajjanam ||
Sanskrit only: no published translation is held for this verse.
उप त्वा जामयो गिरो देदिशतीर् हविष्कृतः । वायोर् अनीके अस्थिरन् ॥
upa tvā jāmayo giro dediśatīr haviṣkṛtaḥ | vāyor anīke asthiran ||
Sanskrit only: no published translation is held for this verse.
यस्य त्रिधात्व् अवृतम् बर्हिस् तस्थाव् असंदिनम् । आपश् चिन् नि दधा पदम् ॥
yasya tridhātv avṛtam barhis tasthāv asaṃdinam | āpaś cin ni dadhā padam ||
Sanskrit only: no published translation is held for this verse.
पदं देवस्य मीळ्हुषो ऽनाधृष्टाभिर् ऊतिभिः । भद्रा सूर्य इवोपदृक् ॥
padaṃ devasya mīḷhuṣo 'nādhṛṣṭābhir ūtibhiḥ | bhadrā sūrya ivopadṛk ||
Sanskrit only: no published translation is held for this verse.
अग्ने घृतस्य धीतिभिस् तेपानो देव शोचिषा । आ देवान् वक्षि यक्षि च ॥
agne ghṛtasya dhītibhis tepāno deva śociṣā | ā devān vakṣi yakṣi ca ||
Sanskrit only: no published translation is held for this verse.
तं त्वाजनन्त मातरः कविं देवासो अङ्गिरः । हव्यवाहम् अमर्त्यम् ॥
taṃ tvājananta mātaraḥ kaviṃ devāso aṅgiraḥ | havyavāham amartyam ||
Sanskrit only: no published translation is held for this verse.
प्रचेतसं त्वा कवे ऽग्ने दूतं वरेण्यम् । हव्यवाहं नि षेदिरे ॥
pracetasaṃ tvā kave 'gne dūtaṃ vareṇyam | havyavāhaṃ ni ṣedire ||
Sanskrit only: no published translation is held for this verse.
नहि मे अस्त्य् अघ्न्या न स्वधितिर् वनन्वति । अथैतादृग् भरामि ते ॥
nahi me asty aghnyā na svadhitir vananvati | athaitādṛg bharāmi te ||
Sanskrit only: no published translation is held for this verse.
यद् अग्ने कानि कानि चिद् आ ते दारूणि दध्मसि । ता जुषस्व यविष्ठ्य ॥
yad agne kāni kāni cid ā te dārūṇi dadhmasi | tā juṣasva yaviṣṭhya ||
Sanskrit only: no published translation is held for this verse.
यद् अत्त्य् उपजिह्विका यद् वम्रो अतिसर्पति । सर्वं तद् अस्तु ते घृतम् ॥
yad atty upajihvikā yad vamro atisarpati | sarvaṃ tad astu te ghṛtam ||
Sanskrit only: no published translation is held for this verse.
अग्निम् इन्धानो मनसा धियं सचेत मर्त्यः । अग्निम् ईधे विवस्वभिः ॥
agnim indhāno manasā dhiyaṃ saceta martyaḥ | agnim īdhe vivasvabhiḥ ||
Sanskrit only: no published translation is held for this verse.