Library·Ṛgveda Saṃhitā·8·8.103
अदर्शि गातुवित्तमो यस्मिन् व्रतान्य् आदधुः । उपो षु जातम् आर्यस्य वर्धनम् अग्निं नक्षन्त नो गिरः ॥
adarśi gātuvittamo yasmin vratāny ādadhuḥ | upo ṣu jātam āryasya vardhanam agniṃ nakṣanta no giraḥ ||
Sanskrit only: no published translation is held for this verse.
प्र दैवोदासो अग्निर् देवां अच्छा न मज्मना । अनु मातरम् पृथिवीं वि वावृते तस्थौ नाकस्य सानवि ॥
pra daivodāso agnir devāṃ acchā na majmanā | anu mātaram pṛthivīṃ vi vāvṛte tasthau nākasya sānavi ||
Sanskrit only: no published translation is held for this verse.
यस्माद् रेजन्त कृष्टयश् चर्कृत्यानि कृण्वतः । सहस्रसाम् मेधसाताव् इव त्मनाग्निं धीभिः सपर्यत ॥
yasmād rejanta kṛṣṭayaś carkṛtyāni kṛṇvataḥ | sahasrasām medhasātāv iva tmanāgniṃ dhībhiḥ saparyata ||
Sanskrit only: no published translation is held for this verse.
प्र यं राये निनीषसि मर्तो यस् ते वसो दाशत् । स वीरं धत्ते अग्न उक्थशंसिनं त्मना सहस्रपोषिणम् ॥
pra yaṃ rāye ninīṣasi marto yas te vaso dāśat | sa vīraṃ dhatte agna ukthaśaṃsinaṃ tmanā sahasrapoṣiṇam ||
Sanskrit only: no published translation is held for this verse.
स दृळ्हे चिद् अभि तृणत्ति वाजम् अर्वता स धत्ते अक्षिति श्रवः । त्वे देवत्रा सदा पुरूवसो विश्वा वामानि धीमहि ॥
sa dṛḷhe cid abhi tṛṇatti vājam arvatā sa dhatte akṣiti śravaḥ | tve devatrā sadā purūvaso viśvā vāmāni dhīmahi ||
Sanskrit only: no published translation is held for this verse.
यो विश्वा दयते वसु होता मन्द्रो जनानाम् । मधोर् न पात्रा प्रथमान्य् अस्मै प्र स्तोमा यन्त्य् अग्नये ॥
yo viśvā dayate vasu hotā mandro janānām | madhor na pātrā prathamāny asmai pra stomā yanty agnaye ||
Sanskrit only: no published translation is held for this verse.
अश्वं न गीर्भी रथ्यं सुदानवो मर्मृज्यन्ते देवयवः । उभे तोके तनये दस्म विश्पते पर्षि राधो मघोनाम् ॥
aśvaṃ na gīrbhī rathyaṃ sudānavo marmṛjyante devayavaḥ | ubhe toke tanaye dasma viśpate parṣi rādho maghonām ||
Sanskrit only: no published translation is held for this verse.
प्र मंहिष्ठाय गायत ऋताव्ने बृहते शुक्रशोचिषे । उपस्तुतासो अग्नये ॥
pra maṃhiṣṭhāya gāyata ṛtāvne bṛhate śukraśociṣe | upastutāso agnaye ||
Sanskrit only: no published translation is held for this verse.
आ वंसते मघवा वीरवद् यशः समिद्धो द्युम्न्य् आहुतः । कुविन् नो अस्य सुमतिर् नवीयस्य् अच्छा वाजेभिर् आगमत् ॥
ā vaṃsate maghavā vīravad yaśaḥ samiddho dyumny āhutaḥ | kuvin no asya sumatir navīyasy acchā vājebhir āgamat ||
Sanskrit only: no published translation is held for this verse.
प्रेष्ठम् उ प्रियाणां स्तुह्य् आसावातिथिम् । अग्निं रथानां यमम् ॥
preṣṭham u priyāṇāṃ stuhy āsāvātithim | agniṃ rathānāṃ yamam ||
Sanskrit only: no published translation is held for this verse.
उदिता यो निदिता वेदिता वस्व् आ यज्ञियो ववर्तति । दुष्टरा यस्य प्रवणे नोर्मयो धिया वाजं सिषासतः ॥
uditā yo niditā veditā vasv ā yajñiyo vavartati | duṣṭarā yasya pravaṇe normayo dhiyā vājaṃ siṣāsataḥ ||
Sanskrit only: no published translation is held for this verse.
मा नो हृणीताम् अतिथिर् वसुर् अग्निः पुरुप्रशस्त एषः । यः सुहोता स्वध्वरः ॥
mā no hṛṇītām atithir vasur agniḥ purupraśasta eṣaḥ | yaḥ suhotā svadhvaraḥ ||
Sanskrit only: no published translation is held for this verse.
मो ते रिषन् ये अच्छोक्तिभिर् वसो ऽग्ने केभिश् चिद् एवैः । कीरिश् चिद् धि त्वाम् ईट्टे दूत्याय रातहव्यः स्वध्वरः ॥
mo te riṣan ye acchoktibhir vaso 'gne kebhiś cid evaiḥ | kīriś cid dhi tvām īṭṭe dūtyāya rātahavyaḥ svadhvaraḥ ||
Sanskrit only: no published translation is held for this verse.
आग्ने याहि मरुत्सखा रुद्रेभिः सोमपीतये । सोभर्या उप सुष्टुतिम् मादयस्व स्वर्णरे ॥
āgne yāhi marutsakhā rudrebhiḥ somapītaye | sobharyā upa suṣṭutim mādayasva svarṇare ||
Sanskrit only: no published translation is held for this verse.