Library·Ṛgveda Saṃhitā·8·8.22
ओ त्यम् अह्व आ रथम् अद्या दंसिष्ठम् ऊतये । यम् अश्विना सुहवा रुद्रवर्तनी आ सूर्यायै तस्थथुः ॥
o tyam ahva ā ratham adyā daṃsiṣṭham ūtaye | yam aśvinā suhavā rudravartanī ā sūryāyai tasthathuḥ ||
Hitherward have I called to-day, for succour, that most wondrous car Which ye ascended, Asvins, ye whose paths are red, swift to give Car, for Surya's sake.
Translated by Ralph T. H. Griffith (1896)
पूर्वायुषं सुहवम् पुरुस्पृहम् भुज्युं वाजेषु पूर्व्यम् । सचनावन्तं सुमतिभिः सोभरे विद्वेषसम् अनेहसम् ॥
pūrvāyuṣaṃ suhavam puruspṛham bhujyuṃ vājeṣu pūrvyam | sacanāvantaṃ sumatibhiḥ sobhare vidveṣasam anehasam ||
Car ever young, much longed-for, easily invoked, soon guided, first in deeds of might, Which waits and serves, O Sobhari, with benevolence, without a rival or a foe.
Translated by Ralph T. H. Griffith (1896)
इह त्या पुरुभूतमा देवा नमोभिर् अश्विना । अर्वाचीना स्व् अवसे करामहे गन्तारा दाशुषो गृहम् ॥
iha tyā purubhūtamā devā namobhir aśvinā | arvācīnā sv avase karāmahe gantārā dāśuṣo gṛham ||
These Asvins with our homage, these Two Omnipresent Deities Hitherward will we bring for kind help, these who seek the dwelling of the worshipper.
Translated by Ralph T. H. Griffith (1896)
युवो रथस्य परि चक्रम् ईयत ईर्मान्यद् वाम् इषण्यति । अस्मां अच्छा सुमतिर् वां शुभस् पती आ धेनुर् इव धावतु ॥
yuvo rathasya pari cakram īyata īrmānyad vām iṣaṇyati | asmāṃ acchā sumatir vāṃ śubhas patī ā dhenur iva dhāvatu ||
One of your chariot wheels is moving swiftly round, one speeds for you its onward course. Like a milch-cow, O Lords of splendour, and with haste let your benevolence come to us.
Translated by Ralph T. H. Griffith (1896)
रथो यो वां त्रिवन्धुरो हिरण्याभीशुर् अश्विना । परि द्यावापृथिवी भूषति श्रुतस् तेन नासत्या गतम् ॥
ratho yo vāṃ trivandhuro hiraṇyābhīśur aśvinā | pari dyāvāpṛthivī bhūṣati śrutas tena nāsatyā gatam ||
That chariot of yours which hath a triple seat and reins of gold, The famous car that traverseth the heaven and earth, thereon Nasatyas, Asvins, come.
Translated by Ralph T. H. Griffith (1896)
दशस्यन्ता मनवे पूर्व्यं दिवि यवं वृकेण कर्षथः । ता वाम् अद्य सुमतिभिः शुभस् पती अश्विना प्र स्तुवीमहि ॥
daśasyantā manave pūrvyaṃ divi yavaṃ vṛkeṇa karṣathaḥ | tā vām adya sumatibhiḥ śubhas patī aśvinā pra stuvīmahi ||
Ye with your plough, when favouring Manu with your help, ploughed the first harvest in the sky. As such will we exalt you, Lords of splendour, now, O Asvins, with our prayer and praise.
Translated by Ralph T. H. Griffith (1896)
उप नो वाजिनीवसू यातम् ऋतस्य पथिभिः । येभिस् तृक्षिं वृषणा त्रासदस्यवम् महे क्षत्राय जिन्वथः ॥
upa no vājinīvasū yātam ṛtasya pathibhiḥ | yebhis tṛkṣiṃ vṛṣaṇā trāsadasyavam mahe kṣatrāya jinvathaḥ ||
Come to us, Lords of ample wealth, by paths of everlasting Law, Whereby to high dominion ye with mighty strength raised Trksi, Trasadasyu's son.
Translated by Ralph T. H. Griffith (1896)
अयं वाम् अद्रिभिः सुतः सोमो नरा वृषण्वसू । आ यातं सोमपीतये पिबतं दाशुषो गृहे ॥
ayaṃ vām adribhiḥ sutaḥ somo narā vṛṣaṇvasū | ā yātaṃ somapītaye pibataṃ dāśuṣo gṛhe ||
This Soma pressed with stones is yours, ye Heroes, Lords of plenteous wealth. Approach to drink the Soma, come, drink in the worshipper's abode.
Translated by Ralph T. H. Griffith (1896)
आ हि रुहतम् अश्विना रथे कोशे हिरण्यये वृषण्वसू । युञ्जाथाम् पीवरीर् इषः ॥
ā hi ruhatam aśvinā rathe kośe hiraṇyaye vṛṣaṇvasū | yuñjāthām pīvarīr iṣaḥ ||
O Asvins, mount the chariot, mount the golden seat, ye who are Lords of plenteous wealth, And bring to us abundant food.
Translated by Ralph T. H. Griffith (1896)
याभिः पक्थम् अवथो याभिर् अध्रिगुं याभिर् बभ्रुं विजोषसम् । ताभिर् नो मक्षू तूयम् अश्विना गतम् भिषज्यतं यद् आतुरम् ॥
yābhiḥ paktham avatho yābhir adhriguṃ yābhir babhruṃ vijoṣasam | tābhir no makṣū tūyam aśvinā gatam bhiṣajyataṃ yad āturam ||
The aids wherewith ye helped Paktha and Adhrigt;, and Babhru severed from his friends,- With those, O Asvins, come hither with speed and soon, and heal whatever is diseased.
Translated by Ralph T. H. Griffith (1896)
यद् अध्रिगावो अध्रिगू इदा चिद् अह्नो अश्विना हवामहे । वयं गीर्भिर् विपन्यवः ॥
yad adhrigāvo adhrigū idā cid ahno aśvinā havāmahe | vayaṃ gīrbhir vipanyavaḥ ||
When we continually invoke the Asvins, the resistless, at this time of day, We lovers of the song, with songs.
Translated by Ralph T. H. Griffith (1896)
ताभिर् आ यातं वृषणोप मे हवं विश्वप्सुं विश्ववार्यम् । इषा मंहिष्ठा पुरुभूतमा नरा याभिः क्रिविं वावृधुस् ताभिर् आ गतम् ॥
tābhir ā yātaṃ vṛṣaṇopa me havaṃ viśvapsuṃ viśvavāryam | iṣā maṃhiṣṭhā purubhūtamā narā yābhiḥ kriviṃ vāvṛdhus tābhir ā gatam ||
Through these, ye Mighty Ones, come hither to my call which brings all blessings, wears all forms,- Through which, All-present Heroes, lavishest of food ye strengthened Krvi, come through these.
Translated by Ralph T. H. Griffith (1896)
ताव् इदा चिद् अहानां ताव् अश्विना वन्दमान उप ब्रुवे । ता उ नमोभिर् ईमहे ॥
tāv idā cid ahānāṃ tāv aśvinā vandamāna upa bruve | tā u namobhir īmahe ||
I speak to both of these as such, these Asvins whom I reverence at this time of day: With homage we entreat them both.
Translated by Ralph T. H. Griffith (1896)
ताव् इद् दोषा ता उषसि शुभस् पती ता यामन् रुद्रवर्तनी । मा नो मर्ताय रिपवे वाजिनीवसू परो रुद्राव् अति ख्यतम् ॥
tāv id doṣā tā uṣasi śubhas patī tā yāman rudravartanī | mā no martāya ripave vājinīvasū paro rudrāv ati khyatam ||
Ye who are Lords of splendour, ye whose paths are red, at eve, at mom, at sacrifice, Give us not utterly as prey to mortal foe, ye Rudras, Lords of ample wealth.
Translated by Ralph T. H. Griffith (1896)
आ सुग्म्याय सुग्म्यम् प्राता रथेनाश्विना वा सक्षणी । हुवे पितेव सोभरी ॥
ā sugmyāya sugmyam prātā rathenāśvinā vā sakṣaṇī | huve piteva sobharī ||
For bliss I call. the blissful car, at morn the inseparable Asvins with their car I call, like Sobhari our sire.
Translated by Ralph T. H. Griffith (1896)
मनोजवसा वृषणा मदच्युता मक्षुङ्गमाभिर् ऊतिभिः । आरात्ताच् चिद् भूतम् अस्मे अवसे पूर्वीभिः पुरुभोजसा ॥
manojavasā vṛṣaṇā madacyutā makṣuṅgamābhir ūtibhiḥ | ārāttāc cid bhūtam asme avase pūrvībhiḥ purubhojasā ||
Rapid as thought, and strong, and speeding to the joy, bringing your swiftly-coming help, Be to us a protection even from far away Lords of great wealth, with many aids.'
Translated by Ralph T. H. Griffith (1896)
आ नो अश्वावद् अश्विना वर्तिर् यासिष्टम् मधुपातमा नरा । गोमद् दस्रा हिरण्यवत् ॥
ā no aśvāvad aśvinā vartir yāsiṣṭam madhupātamā narā | gomad dasrā hiraṇyavat ||
Come, Wonder-Workers, to our home, our home, O Asvins, rich in cattle, steeds, and gold, Chief drinkers of the Soma's juice
Translated by Ralph T. H. Griffith (1896)
सुप्रावर्गं सुवीर्यं सुष्ठु वार्यम् अनाधृष्टं रक्षस्विना । अस्मिन्न् आ वाम् आयाने वाजिनीवसू विश्वा वामानि धीमहि ॥
suprāvargaṃ suvīryaṃ suṣṭhu vāryam anādhṛṣṭaṃ rakṣasvinā | asminn ā vām āyāne vājinīvasū viśvā vāmāni dhīmahi ||
Choice-worthy strength, heroic, firm and excellent, uninjured by the Raksas foe, At this your coming nigh, ye Lords of ample wealth and all good things, may we obtain.
Translated by Ralph T. H. Griffith (1896)