Library·Ṛgveda Saṃhitā·8·8.30
नहि वो अस्त्य् अर्भको देवासो न कुमारकः । विश्वे सतोमहान्त इत् ॥
nahi vo asty arbhako devāso na kumārakaḥ | viśve satomahānta it ||
Not one of you, ye Gods, is small, none of you is a feeble child: All of you, verily, are great.
Translated by Ralph T. H. Griffith (1896)
इति स्तुतासो असथा रिशादसो ये स्थ त्रयश् च त्रिंशच् च । मनोर् देवा यज्ञियासः ॥
iti stutāso asathā riśādaso ye stha trayaś ca triṃśac ca | manor devā yajñiyāsaḥ ||
Thus be ye lauded, ye destroyers of the foe, ye Three-and-Thirty Deities, The Gods of man, the Holy Ones.
Translated by Ralph T. H. Griffith (1896)
ते नस् त्राध्वं ते ऽवत त उ नो अधि वोचत । मा नः पथः पित्र्यान् मानवाद् अधि दूरं नैष्ट परावतः ॥
te nas trādhvaṃ te 'vata ta u no adhi vocata | mā naḥ pathaḥ pitryān mānavād adhi dūraṃ naiṣṭa parāvataḥ ||
As such defend and succour us, with benedictions speak to us: Lead us not from our fathers' and from Manu's path into the distance far away.
Translated by Ralph T. H. Griffith (1896)
ये देवास इह स्थन विश्वे वैश्वानरा उत । अस्मभ्यं शर्म सप्रथो गवे ऽश्वाय यच्छत ॥
ye devāsa iha sthana viśve vaiśvānarā uta | asmabhyaṃ śarma sapratho gave 'śvāya yacchata ||
Ye Deities who stay with us, and all ye Gods of all mankind, Give us your wide protection, give shelter for cattle and for steed.
Translated by Ralph T. H. Griffith (1896)