Library·Ṛgveda Saṃhitā·8·8.32
प्र कृतान्य् ऋजीषिणः कण्वा इन्द्रस्य गाथया । मदे सोमस्य वोचत ॥
pra kṛtāny ṛjīṣiṇaḥ kaṇvā indrasya gāthayā | made somasya vocata ||
Kanvas, tell forth with song the deeds of Indra, the Impetuous, Wrought in the Soma's wild delight.
Translated by Ralph T. H. Griffith (1896)
यः सृबिन्दम् अनर्शनिम् पिप्रुं दासम् अहीशुवम् । वधीद् उग्रो रिणन्न् अपः ॥
yaḥ sṛbindam anarśanim pipruṃ dāsam ahīśuvam | vadhīd ugro riṇann apaḥ ||
Strong God, he slew Anarsani, Srbinda, Pipru, and the fiend, Ahisuva, and loosed the floods.
Translated by Ralph T. H. Griffith (1896)
न्य् अर्बुदस्य विष्टपं वर्ष्माणम् बृहतस् तिर । कृषे तद् इन्द्र पौंस्यम् ॥
ny arbudasya viṣṭapaṃ varṣmāṇam bṛhatas tira | kṛṣe tad indra pauṃsyam ||
Thou broughtest down the dwelling-place, the height of lofty Arbuda. That exploit, Indra, must be famed.
Translated by Ralph T. H. Griffith (1896)
प्रति श्रुताय वो धृषत् तूर्णाशं न गिरेर् अधि । हुवे सुशिप्रम् ऊतये ॥
prati śrutāya vo dhṛṣat tūrṇāśaṃ na girer adhi | huve suśipram ūtaye ||
Bold, to your famous Soma I call the fair-visored God for aid, Down like a torrent from the hill.
Translated by Ralph T. H. Griffith (1896)
स गोर् अश्वस्य वि व्रजम् मन्दानः सोम्येभ्यः । पुरं न शूर दर्षसि ॥
sa gor aśvasya vi vrajam mandānaḥ somyebhyaḥ | puraṃ na śūra darṣasi ||
Rejoicing in the Soma-draughts, Hero, burst open, like a fort, The stall of horses and of kine.
Translated by Ralph T. H. Griffith (1896)
यदि मे रारणः सुत उक्थे वा दधसे चनः । आराद् उप स्वधा गहि ॥
yadi me rāraṇaḥ suta ukthe vā dadhase canaḥ | ārād upa svadhā gahi ||
If my libation gladdens, if thou takest pleasure in my laud, Come with thy Godhead from afar.
Translated by Ralph T. H. Griffith (1896)
वयं घा ते अपि ष्मसि स्तोतार इन्द्र गिर्वणः । त्वं नो जिन्व सोमपाः ॥
vayaṃ ghā te api ṣmasi stotāra indra girvaṇaḥ | tvaṃ no jinva somapāḥ ||
O Indra, Lover of the Song, the singers of thy praise are we: O Soma-drinker, quicken us.
Translated by Ralph T. H. Griffith (1896)
उत नः पितुम् आ भर संरराणो अविक्षितम् । मघवन् भूरि ते वसु ॥
uta naḥ pitum ā bhara saṃrarāṇo avikṣitam | maghavan bhūri te vasu ||
And, taking thy delight with us bring us still undiminished food: Great is thy wealth, O Maghavan.
Translated by Ralph T. H. Griffith (1896)
उत नो गोमतस् कृधि हिरण्यवतो अश्विनः । इळाभिः सं रभेमहि ॥
uta no gomatas kṛdhi hiraṇyavato aśvinaḥ | iḷābhiḥ saṃ rabhemahi ||
Make thou us rich in herds of kine, in steeds, in gold: let us exert Our strength in sacrificial gifts.
Translated by Ralph T. H. Griffith (1896)
बृबदुक्थं हवामहे सृप्रकरस्नम् ऊतये । साधु कृण्वन्तम् अवसे ॥
bṛbadukthaṃ havāmahe sṛprakarasnam ūtaye | sādhu kṛṇvantam avase ||
Let us call him to aid whose hands stretch far, to whom high laud is due. Who worketh well to succour us.
Translated by Ralph T. H. Griffith (1896)
यः संस्थे चिच् छतक्रतुर् आद् ईं कृणोति वृत्रहा । जरितृभ्यः पुरूवसुः ॥
yaḥ saṃsthe cic chatakratur ād īṃ kṛṇoti vṛtrahā | jaritṛbhyaḥ purūvasuḥ ||
He, Satakratu, even in fight acts as a Vrtra-slayer still: He gives his worshippers much wealth.
Translated by Ralph T. H. Griffith (1896)
स नः शक्रश् चिद् आ शकद् दानवां अन्तराभरः । इन्द्रो विश्वाभिर् ऊतिभिः ॥
sa naḥ śakraś cid ā śakad dānavāṃ antarābharaḥ | indro viśvābhir ūtibhiḥ ||
May he, this Aakra, strengthen us, Boon God who satisfies our needs, Indra, with all his saving helps.
Translated by Ralph T. H. Griffith (1896)
यो रायो ऽवनिर् महान् सुपारः सुन्वतः सखा । तम् इन्द्रम् अभि गायत ॥
yo rāyo 'vanir mahān supāraḥ sunvataḥ sakhā | tam indram abhi gāyata ||
To him, the mighty stream of wealth, the Soma-presser's rescuing Friend, To Indra sing your song of praise;
Translated by Ralph T. H. Griffith (1896)
आयन्तारम् महि स्थिरम् पृतनासु श्रवोजितम् । भूरेर् ईशानम् ओजसा ॥
āyantāram mahi sthiram pṛtanāsu śravojitam | bhūrer īśānam ojasā ||
Who bringeth what is great and firm, who winneth glory in his wars, Lord of vast wealth through power and might.
Translated by Ralph T. H. Griffith (1896)
नकिर् अस्य शचीनां नियन्ता सूनृतानाम् । नकिर् वक्ता न दाद् इति ॥
nakir asya śacīnāṃ niyantā sūnṛtānām | nakir vaktā na dād iti ||
There liveth none to cheek or stay his energies and gracious deeds: None who can say, He giveth not.
Translated by Ralph T. H. Griffith (1896)
न नूनम् ब्रह्मणाम् ऋणम् प्राशूनाम् अस्ति सुन्वताम् । न सोमो अप्रता पपे ॥
na nūnam brahmaṇām ṛṇam prāśūnām asti sunvatām | na somo apratā pape ||
No debt is due by Brahmans now, by active men who press the juice: Well hath each Soma-draught been paid.
Translated by Ralph T. H. Griffith (1896)
पन्य इद् उप गायत पन्य उक्थानि शंसत । ब्रह्मा कृणोत पन्य इत् ॥
panya id upa gāyata panya ukthāni śaṃsata | brahmā kṛṇota panya it ||
Sing ye to him who must be praised, say lauds to him who must be praised, Bring prayer to him who must be praised.
Translated by Ralph T. H. Griffith (1896)
पन्य आ दर्दिरच् छता सहस्रा वाज्य् अवृतः । इन्द्रो यो यज्वनो वृधः ॥
panya ā dardirac chatā sahasrā vājy avṛtaḥ | indro yo yajvano vṛdhaḥ ||
May be, unchecked, strong, meet for praise, bring hundreds, thousands forth to light, Indra who aids the worshipper.
Translated by Ralph T. H. Griffith (1896)
वि षू चर स्वधा अनु कृष्टीनाम् अन्व् आहुवः । इन्द्र पिब सुतानाम् ॥
vi ṣū cara svadhā anu kṛṣṭīnām anv āhuvaḥ | indra piba sutānām ||
Go with thy God-like nature forth, go where the folk are calling thee: Drink, Indra, of the drops we pour.
Translated by Ralph T. H. Griffith (1896)
पिब स्वधैनवानाम् उत यस् तुग्र्ये सचा । उतायम् इन्द्र यस् तव ॥
piba svadhainavānām uta yas tugrye sacā | utāyam indra yas tava ||
Drink milky draughts which are thine own, this too which was with Tugrya once, This is it, Indra, that is thine.
Translated by Ralph T. H. Griffith (1896)
अतीहि मन्युषाविणं सुषुवांसम् उपारणे । इमं रातं सुतम् पिब ॥
atīhi manyuṣāviṇaṃ suṣuvāṃsam upāraṇe | imaṃ rātaṃ sutam piba ||
Pass him who pours libations out in angry mood or after sin: Here drink the juice we offer thee.
Translated by Ralph T. H. Griffith (1896)
इहि तिस्रः परावत इहि पञ्च जनां अति । धेना इन्द्रावचाकशत् ॥
ihi tisraḥ parāvata ihi pañca janāṃ ati | dhenā indrāvacākaśat ||
Over the three great distances, past the Five Peoples go thy way, O Indra, noticing our voice.
Translated by Ralph T. H. Griffith (1896)
सूर्यो रश्मिं यथा सृजा त्वा यच्छन्तु मे गिरः । निम्नम् आपो न सध्र्यक् ॥
sūryo raśmiṃ yathā sṛjā tvā yacchantu me giraḥ | nimnam āpo na sadhryak ||
Send forth thy ray like Surya: let my songs attract thee hitherward, Like waters gathering to the vale.
Translated by Ralph T. H. Griffith (1896)
अध्वर्यव् आ तु हि षिञ्च सोमं वीराय शिप्रिणे । भरा सुतस्य पीतये ॥
adhvaryav ā tu hi ṣiñca somaṃ vīrāya śipriṇe | bharā sutasya pītaye ||
Now to the Hero fair of cheek, Adhvaryu, pour the Soma forth: Bring of the juice that he may drink
Translated by Ralph T. H. Griffith (1896)
य उद्नः फलिगम् भिनन् न्यक् सिन्धूंर् अवासृजत् । यो गोषु पक्वं धारयत् ॥
ya udnaḥ phaligam bhinan nyak sindhūṃr avāsṛjat | yo goṣu pakvaṃ dhārayat ||
Who cleft the water-cloud in twain, loosed rivers for their downward flow, And set the ripe milk in the kine.
Translated by Ralph T. H. Griffith (1896)
अहन् वृत्रम् ऋचीषम और्णवाभम् अहीशुवम् । हिमेनाविध्यद् अर्बुदम् ॥
ahan vṛtram ṛcīṣama aurṇavābham ahīśuvam | himenāvidhyad arbudam ||
He, meet for praise, slew Vrtra, slew Ahisuva, Urnavabha's son, And pierced through Arbuda with frost.
Translated by Ralph T. H. Griffith (1896)
प्र व उग्राय निष्टुरे ऽषाळ्हाय प्रसक्षिणे । देवत्तम् ब्रह्म गायत ॥
pra va ugrāya niṣṭure 'ṣāḷhāya prasakṣiṇe | devattam brahma gāyata ||
To him your matchless Mighty One, unconquerable Conqueror, Sing forth the prayer which Gods have given:
Translated by Ralph T. H. Griffith (1896)
यो विश्वान्य् अभि व्रता सोमस्य मदे अन्धसः । इन्द्रो देवेषु चेतति ॥
yo viśvāny abhi vratā somasya made andhasaḥ | indro deveṣu cetati ||
Indra, who in the wild delight of Soma juice considers here All holy Laws among the Gods.
Translated by Ralph T. H. Griffith (1896)
इह त्या सधमाद्या हरी हिरण्यकेश्या । वोळ्हाम् अभि प्रयो हितम् ॥
iha tyā sadhamādyā harī hiraṇyakeśyā | voḷhām abhi prayo hitam ||
Hither let these thy Bays who share thy banquet, Steeds with golden manes, Convey thee to the feast prepared.
Translated by Ralph T. H. Griffith (1896)
अर्वाञ्चं त्वा पुरुष्टुत प्रियमेधस्तुता हरी । सोमपेयाय वक्षतः ॥
arvāñcaṃ tvā puruṣṭuta priyamedhastutā harī | somapeyāya vakṣataḥ ||
Hither, O thou whom many laud, the Bays whom Priyamedha praised, Shall bring thee to the Soma-draught.
Translated by Ralph T. H. Griffith (1896)