Library·Ṛgveda Saṃhitā·8·8.43
इमे विप्रस्य वेधसो ऽग्नेर् अस्तृतयज्वनः । गिर स्तोमास ईरते ॥
ime viprasya vedhaso 'gner astṛtayajvanaḥ | gira stomāsa īrate ||
These songs of mine go forth as lauds of Agni, the disposing Sage, Whose worshipper is ne'er o'erthrawn.
Translated by Ralph T. H. Griffith (1896)
अस्मै ते प्रतिहर्यते जातवेदो विचर्षणे । अग्ने जनामि सुष्टुतिम् ॥
asmai te pratiharyate jātavedo vicarṣaṇe | agne janāmi suṣṭutim ||
Wise Agni Jatavedas, I beget a song of praise for thee. Who willingly receivest it.
Translated by Ralph T. H. Griffith (1896)
आरोका इव घेद् अह तिग्मा अग्ने तव त्विषः । दद्भिर् वनानि बप्सति ॥
ārokā iva ghed aha tigmā agne tava tviṣaḥ | dadbhir vanāni bapsati ||
Thy sharpened flames, O Agni, like the gleams of light that glitter through, Devour the forests with their teeth.
Translated by Ralph T. H. Griffith (1896)
हरयो धूमकेतवो वातजूता उप द्यवि । यतन्ते वृथग् अग्नयः ॥
harayo dhūmaketavo vātajūtā upa dyavi | yatante vṛthag agnayaḥ ||
Gold-coloured, bannered with the smoke, urged by the wind, aloft to heaven Rise, lightly borne, the flames of fire.
Translated by Ralph T. H. Griffith (1896)
एते त्ये वृथग् अग्नय इद्धासः सम् अदृक्षत । उषसाम् इव केतवः ॥
ete tye vṛthag agnaya iddhāsaḥ sam adṛkṣata | uṣasām iva ketavaḥ ||
These lightly kindled fiery flames are all around made visible, Even as the gleamings of the Dawns.
Translated by Ralph T. H. Griffith (1896)
कृष्णा रजांसि पत्सुतः प्रयाणे जातवेदसः । अग्निर् यद् रोधति क्षमि ॥
kṛṣṇā rajāṃsi patsutaḥ prayāṇe jātavedasaḥ | agnir yad rodhati kṣami ||
As Jatavedas speeds along, the dust is black beneath his feet, When Agni spreads upon the earth.
Translated by Ralph T. H. Griffith (1896)
धासिं कृण्वान ओषधीर् बप्सद् अग्निर् न वायति । पुनर् यन् तरुणीर् अपि ॥
dhāsiṃ kṛṇvāna oṣadhīr bapsad agnir na vāyati | punar yan taruṇīr api ||
Making the plants his nourishment, Agni devours and wearies not, Seeking the tender shrubs again.
Translated by Ralph T. H. Griffith (1896)
जिह्वाभिर् अह नन्नमद् अर्चिषा जञ्जणाभवन् । अग्निर् वनेषु रोचते ॥
jihvābhir aha nannamad arciṣā jañjaṇābhavan | agnir vaneṣu rocate ||
Bending him down with all his tongues, he flickers with his fiery glow Splendid is Agni in the woods.
Translated by Ralph T. H. Griffith (1896)
अप्स्व् अग्ने सधिष् टव सौषधीर् अनु रुध्यसे । गर्भे सञ् जायसे पुनः ॥
apsv agne sadhiṣ ṭava sauṣadhīr anu rudhyase | garbhe sañ jāyase punaḥ ||
Agni, thine home is in the floods: into the plants thou forcest way, And as their Child art born anew.
Translated by Ralph T. H. Griffith (1896)
उद् अग्ने तव तद् घृताद् अर्ची रोचत आहुतम् । निंसानं जुह्वो मुखे ॥
ud agne tava tad ghṛtād arcī rocata āhutam | niṃsānaṃ juhvo mukhe ||
Worshipped with offerings shines thy flame, O Agni, from the sacred oil, With kisses on the ladle's mouth.
Translated by Ralph T. H. Griffith (1896)
उक्षान्नाय वशान्नाय सोमपृष्ठाय वेधसे । स्तोमैर् विधेमाग्नये ॥
ukṣānnāya vaśānnāya somapṛṣṭhāya vedhase | stomair vidhemāgnaye ||
Let us serve Agni with our hymns, Disposer, fed on ox and cow, Who bears the Soma on his back.
Translated by Ralph T. H. Griffith (1896)
उत त्वा नमसा वयं होतर् वरेण्यक्रतो । अग्ने समिद्भिर् ईमहे ॥
uta tvā namasā vayaṃ hotar vareṇyakrato | agne samidbhir īmahe ||
Yea, thee, O Agni, do we seek with homage and with fuel, Priest Whose wisdom is most excellent.
Translated by Ralph T. H. Griffith (1896)
उत त्वा भृगुवच् छुचे मनुष्वद् अग्न आहुत । अङ्गिरस्वद् धवामहे ॥
uta tvā bhṛguvac chuce manuṣvad agna āhuta | aṅgirasvad dhavāmahe ||
O worshipped with oblations, pure Agni, we call on thee as erst, Did Bhrgu, Manus, Angiras.
Translated by Ralph T. H. Griffith (1896)
त्वं ह्य् अग्ने अग्निना विप्रो विप्रेण सन् सता । सखा सख्या समिध्यसे ॥
tvaṃ hy agne agninā vipro vipreṇa san satā | sakhā sakhyā samidhyase ||
For thou, O Agni, by the fire, Sage by the Sage, Good by the Good, Friend by the Friend, art lighted up.
Translated by Ralph T. H. Griffith (1896)
स त्वं विप्राय दाशुषे रयिं देहि सहस्रिणम् । अग्ने वीरवतीम् इषम् ॥
sa tvaṃ viprāya dāśuṣe rayiṃ dehi sahasriṇam | agne vīravatīm iṣam ||
So wealth in thousands, food with store of heroes give thou to the sage, O Agni, to the worshipper.
Translated by Ralph T. H. Griffith (1896)
अग्ने भ्रातः सहस्कृत रोहिदश्व शुचिव्रत । इमं स्तोमं जुषस्व मे ॥
agne bhrātaḥ sahaskṛta rohidaśva śucivrata | imaṃ stomaṃ juṣasva me ||
O Agni, Brother, made by strength, Lord of red steeds and brilliant sway, Take pleasure in this laud of mine.
Translated by Ralph T. H. Griffith (1896)
उत त्वाग्ने मम स्तुतो वाश्राय प्रतिहर्यते । गोष्ठं गाव इवाशत ॥
uta tvāgne mama stuto vāśrāya pratiharyate | goṣṭhaṃ gāva ivāśata ||
My praises, Agni, go to thee, as the cows seek the stall to meet, The lowing calf that longs for milk.
Translated by Ralph T. H. Griffith (1896)
तुभ्यं ता अङ्गिरस्तम विश्वाः सुक्षितयः पृथक् । अग्ने कामाय येमिरे ॥
tubhyaṃ tā aṅgirastama viśvāḥ sukṣitayaḥ pṛthak | agne kāmāya yemire ||
Agni, best Angiras, to thee all people who have pleasant homes, Apart, have turned as to their wish.
Translated by Ralph T. H. Griffith (1896)
अग्निं धीभिर् मनीषिणो मेधिरासो विपश्चितः । अद्मसद्याय हिन्विरे ॥
agniṃ dhībhir manīṣiṇo medhirāso vipaścitaḥ | admasadyāya hinvire ||
The sages skilled in holy song and thin. kers with their thoughts have urged Agni to share the sacred feast.
Translated by Ralph T. H. Griffith (1896)
तं त्वाम् अज्मेषु वाजिनं तन्वाना अग्ने अध्वरम् । वह्निं होतारम् ईळते ॥
taṃ tvām ajmeṣu vājinaṃ tanvānā agne adhvaram | vahniṃ hotāram īḷate ||
So, Agni, unto thee the Priest, Invoker, strong in forays, pray 'nose who spin out the sacrifice.
Translated by Ralph T. H. Griffith (1896)
पुरुत्रा हि सदृङ्ङ् असि विशो विश्वा अनु प्रभुः । समत्सु त्वा हवामहे ॥
purutrā hi sadṛṅṅ asi viśo viśvā anu prabhuḥ | samatsu tvā havāmahe ||
In many a place, the same in look art thou, a Prince o'er all the tribes In battles we invoke thine aid.
Translated by Ralph T. H. Griffith (1896)
तम् ईळिष्व य आहुतो ऽग्निर् विभ्राजते घृतैः । इमं नः शृणवद् धवम् ॥
tam īḷiṣva ya āhuto 'gnir vibhrājate ghṛtaiḥ | imaṃ naḥ śṛṇavad dhavam ||
Pray thou to Agni, pray to him who blazes served with sacred oil: Let him give ear to this our call.
Translated by Ralph T. H. Griffith (1896)
तं त्वा वयं हवामहे शृण्वन्तं जातवेदसम् । अग्ने घ्नन्तम् अप द्विषः ॥
taṃ tvā vayaṃ havāmahe śṛṇvantaṃ jātavedasam | agne ghnantam apa dviṣaḥ ||
We call on thee as such, as one who hears, as Jatavedas, one, Agni! who beats away our foes.
Translated by Ralph T. H. Griffith (1896)
विशां राजानम् अद्भुतम् अध्यक्षं धर्मणाम् इमम् । अग्निम् ईळे स उ श्रवत् ॥
viśāṃ rājānam adbhutam adhyakṣaṃ dharmaṇām imam | agnim īḷe sa u śravat ||
I pray to Agni, King of men, the Wonderful, the President Of holy Laws: may he give ear.
Translated by Ralph T. H. Griffith (1896)
अग्निं विश्वायुवेपसम् मर्यं न वाजिनं हितम् । सप्तिं न वाजयामसि ॥
agniṃ viśvāyuvepasam maryaṃ na vājinaṃ hitam | saptiṃ na vājayāmasi ||
Him like a bridegroom, him who stirs all people, like a noble horse, Like a fleet steed, we instigate.
Translated by Ralph T. H. Griffith (1896)
घ्नन् मृध्राण्य् अप द्विषो दहन् रक्षांसि विश्वहा । अग्ने तिग्मेन दीदिहि ॥
ghnan mṛdhrāṇy apa dviṣo dahan rakṣāṃsi viśvahā | agne tigmena dīdihi ||
Slaying things deadly, burning up foes, Riksasas, on every side, Shine, Agni, with thy sharpened flame.
Translated by Ralph T. H. Griffith (1896)
यं त्वा जनास इन्धते मनुष्वद् अङ्गिरस्तम । अग्ने स बोधि मे वचः ॥
yaṃ tvā janāsa indhate manuṣvad aṅgirastama | agne sa bodhi me vacaḥ ||
Thou whom the people kindle even as Manus did, best Angiras! O Agni, mark thou this my speech.
Translated by Ralph T. H. Griffith (1896)
यद् अग्ने दिविजा अस्य् अप्सुजा वा सहस्कृत । तं त्वा गीर्भिर् हवामहे ॥
yad agne divijā asy apsujā vā sahaskṛta | taṃ tvā gīrbhir havāmahe ||
O Agni, made by strength! be thou born in the heavens or born in floods, As such we call on thee with songs.
Translated by Ralph T. H. Griffith (1896)
तुभ्यं घेत् ते जना इमे विश्वाः सुक्षितयः पृथक् । धासिं हिन्वन्त्य् अत्तवे ॥
tubhyaṃ ghet te janā ime viśvāḥ sukṣitayaḥ pṛthak | dhāsiṃ hinvanty attave ||
Yea, all the people, all the folk who have good dwellings, each apart, Send food for thee to eat thereof.
Translated by Ralph T. H. Griffith (1896)
ते घेद् अग्ने स्वाध्यो ऽहा विश्वा नृचक्षसः । तरन्तः स्याम दुर्गहा ॥
te ghed agne svādhyo 'hā viśvā nṛcakṣasaḥ | tarantaḥ syāma durgahā ||
O Agni, so may we, devout, gazed at by men, throughout our days, Pass lightly over all distress.
Translated by Ralph T. H. Griffith (1896)
अग्निम् मन्द्रम् पुरुप्रियं शीरम् पावकशोचिषम् । हृद्भिर् मन्द्रेभिर् ईमहे ॥
agnim mandram purupriyaṃ śīram pāvakaśociṣam | hṛdbhir mandrebhir īmahe ||
We venerate with cheerful hearts the cheerful Agni, dear to all, Burning, with purifying flame.
Translated by Ralph T. H. Griffith (1896)
स त्वम् अग्ने विभावसुः सृजन् सूर्यो न रश्मिभिः । शर्धन् तमांसि जिघ्नसे ॥
sa tvam agne vibhāvasuḥ sṛjan sūryo na raśmibhiḥ | śardhan tamāṃsi jighnase ||
So thou, O Agni rich in light, beaming like Surya with thy rays Boldly demolishest the gloom,
Translated by Ralph T. H. Griffith (1896)
तत् ते सहस्व ईमहे दात्रं यन् नोपदस्यति । त्वद् अग्ने वार्यं वसु ॥
tat te sahasva īmahe dātraṃ yan nopadasyati | tvad agne vāryaṃ vasu ||
We pray to thee for this thy gift, Victor the gift that faileth not, O Agni, choicest wealth from thee.
Translated by Ralph T. H. Griffith (1896)