Library·Ṛgveda Saṃhitā·8·8.47
महि वो महताम् अवो वरुण मित्र दाशुषे । यम् आदित्या अभि द्रुहो रक्षथा नेम् अघं नशद् अनेहसो व ऊतयः सुऊतयो व ऊतयः ॥
mahi vo mahatām avo varuṇa mitra dāśuṣe | yam ādityā abhi druho rakṣathā nem aghaṃ naśad anehaso va ūtayaḥ suūtayo va ūtayaḥ ||
Great help ye give the worshipper, Varuna, Mitra, Mighty Ones! No sorrow ever reaches him whom ye, Adityas, keep from harm. Yours are incomparable aids, and good the succour they afford.
Translated by Ralph T. H. Griffith (1896)
विदा देवा अघानाम् आदित्यासो अपाकृतिम् । पक्षा वयो यथोपरि व्य् अस्मे शर्म यच्छतानेहसो व ऊतयः सुऊतयो व ऊतयः ॥
vidā devā aghānām ādityāso apākṛtim | pakṣā vayo yathopari vy asme śarma yacchatānehaso va ūtayaḥ suūtayo va ūtayaḥ ||
O Gods, Adityas, well ye know the way to keep all woes afar. As the birds spread their sheltering wings, spread your protection over us.
Translated by Ralph T. H. Griffith (1896)
व्य् अस्मे अधि शर्म तत् पक्षा वयो न यन्तन । विश्वानि विश्ववेदसो वरूथ्या मनामहे ऽनेहसो व ऊतयः सुऊतयो व ऊतयः ॥
vy asme adhi śarma tat pakṣā vayo na yantana | viśvāni viśvavedaso varūthyā manāmahe 'nehaso va ūtayaḥ suūtayo va ūtayaḥ ||
As the birds spread their sheltering wings let your protection cover us. We mean all shelter and defense, ye who have all things for your own.
Translated by Ralph T. H. Griffith (1896)
यस्मा अरासत क्षयं जीवातुं च प्रचेतसः । मनोर् विश्वस्य घेद् इम आदित्या राय ईशते ऽनेहसो व ऊतयः सुऊतयो व ऊतयः ॥
yasmā arāsata kṣayaṃ jīvātuṃ ca pracetasaḥ | manor viśvasya ghed ima ādityā rāya īśate 'nehaso va ūtayaḥ suūtayo va ūtayaḥ ||
To whomsoever they, Most Wise, have given a home and means of life, O'er the whole riches of this man they, the Adityas, have control.
Translated by Ralph T. H. Griffith (1896)
परि णो वृणजन्न् अघा दुर्गाणि रथ्यो यथा । स्यामेद् इन्द्रस्य शर्मण्य् आदित्यानाम् उतावस्य् अनेहसो व ऊतयः सुऊतयो व ऊतयः ॥
pari ṇo vṛṇajann aghā durgāṇi rathyo yathā | syāmed indrasya śarmaṇy ādityānām utāvasy anehaso va ūtayaḥ suūtayo va ūtayaḥ ||
As drivers of the car avoid ill roads, let sorrows pass us by. May we be under Indra's guard, in the Adityas' favouring grace.
Translated by Ralph T. H. Griffith (1896)
परिह्वृतेद् अना जनो युष्मादत्तस्य वायति । देवा अदभ्रम् आश वो यम् आदित्या अहेतनानेहसो व ऊतयः सुऊतयो व ऊतयः ॥
parihvṛted anā jano yuṣmādattasya vāyati | devā adabhram āśa vo yam ādityā ahetanānehaso va ūtayaḥ suūtayo va ūtayaḥ ||
For verily men sink and faint through loss of wealth which ye have given. Much hath he gained from you, O Gods, whom ye, Adityas, have approached.
Translated by Ralph T. H. Griffith (1896)
न तं तिग्मं चन त्यजो न द्रासद् अभि तं गुरु । यस्मा उ शर्म सप्रथ आदित्यासो अराध्वम् अनेहसो व ऊतयः सुऊतयो व ऊतयः ॥
na taṃ tigmaṃ cana tyajo na drāsad abhi taṃ guru | yasmā u śarma sapratha ādityāso arādhvam anehaso va ūtayaḥ suūtayo va ūtayaḥ ||
On him shall no fierce anger fall, no sore distress shall visit him, To whom, Adityas, ye have lent your shelter that extendeth far.
Translated by Ralph T. H. Griffith (1896)
युष्मे देवा अपि ष्मसि युध्यन्त इव वर्मसु । यूयम् महो न एनसो यूयम् अर्भाद् उरुष्यतानेहसो व ऊतयः सुऊतयो व ऊतयः ॥
yuṣme devā api ṣmasi yudhyanta iva varmasu | yūyam maho na enaso yūyam arbhād uruṣyatānehaso va ūtayaḥ suūtayo va ūtayaḥ ||
Resting in you, O Gods, we are like men who fight in coats of mail. Ye guard us from each great offence, ye guard us from each lighter fault.
Translated by Ralph T. H. Griffith (1896)
अदितिर् न उरुष्यत्व् अदितिः शर्म यच्छतु । माता मित्रस्य रेवतो ऽर्यम्णो वरुणस्य चानेहसो व ऊतयः सुऊतयो व ऊतयः ॥
aditir na uruṣyatv aditiḥ śarma yacchatu | mātā mitrasya revato 'ryamṇo varuṇasya cānehaso va ūtayaḥ suūtayo va ūtayaḥ ||
May Aditi defend us, may Aditi guard and shelter us, Mother of wealthy Mitra and of Aryaman and Varuna.
Translated by Ralph T. H. Griffith (1896)
यद् देवाः शर्म शरणं यद् भद्रं यद् अनातुरम् । त्रिधातु यद् वरूथ्यं तद् अस्मासु वि यन्तनानेहसो व ऊतयः सुऊतयो व ऊतयः ॥
yad devāḥ śarma śaraṇaṃ yad bhadraṃ yad anāturam | tridhātu yad varūthyaṃ tad asmāsu vi yantanānehaso va ūtayaḥ suūtayo va ūtayaḥ ||
The shelter, Gods, that is secure, auspicious, free from malady, A sure protection, triply strong, even that do ye extend to us.
Translated by Ralph T. H. Griffith (1896)
आदित्या अव हि ख्यताधि कूलाद् इव स्पशः । सुतीर्थम् अर्वतो यथानु नो नेषथा सुगम् अनेहसो व ऊतयः सुऊतयो व ऊतयः ॥
ādityā ava hi khyatādhi kūlād iva spaśaḥ | sutīrtham arvato yathānu no neṣathā sugam anehaso va ūtayaḥ suūtayo va ūtayaḥ ||
Look down on us, Adityas, as a guide exploring from the bank. Lead us to pleasant ways as men lead horses to an easy ford.
Translated by Ralph T. H. Griffith (1896)
नेह भद्रं रक्षस्विने नावयै नोपया उत । गवे च भद्रं धेनवे वीराय च श्रवस्यते ऽनेहसो व ऊतयः सुऊतयो व ऊतयः ॥
neha bhadraṃ rakṣasvine nāvayai nopayā uta | gave ca bhadraṃ dhenave vīrāya ca śravasyate 'nehaso va ūtayaḥ suūtayo va ūtayaḥ ||
Ill be it for the demons' friend to find us or come near to us. But for the milch-cow be it well, and for the man who strives for fame.
Translated by Ralph T. H. Griffith (1896)
यद् आविर् यद् अपीच्यं देवासो अस्ति दुष्कृतम् । त्रिते तद् विश्वम् आप्त्य आरे अस्मद् दधातनानेहसो व ऊतयः सुऊतयो व ऊतयः ॥
yad āvir yad apīcyaṃ devāso asti duṣkṛtam | trite tad viśvam āptya āre asmad dadhātanānehaso va ūtayaḥ suūtayo va ūtayaḥ ||
Each evil deed made manifest, and that which is concealed, O Gods, The whole thereof remove from us to Trita Aptya far away.
Translated by Ralph T. H. Griffith (1896)
यच् च गोषु दुष्ष्वप्न्यं यच् चास्मे दुहितर् दिवः । त्रिताय तद् विभावर्य् आप्त्याय परा वहानेहसो व ऊतयः सुऊतयो व ऊतयः ॥
yac ca goṣu duṣṣvapnyaṃ yac cāsme duhitar divaḥ | tritāya tad vibhāvary āptyāya parā vahānehaso va ūtayaḥ suūtayo va ūtayaḥ ||
Daughter of Heaven, the dream that bodes evil to us or to our kine, Remove, O Lady of the Light, to Trita Aptya far away.
Translated by Ralph T. H. Griffith (1896)
निष्कं वा घा कृणवते स्रजं वा दुहितर् दिवः । त्रिते दुष्ष्वप्न्यं सर्वम् आप्त्ये परि दद्मस्य् अनेहसो व ऊतयः सुऊतयो व ऊतयः ॥
niṣkaṃ vā ghā kṛṇavate srajaṃ vā duhitar divaḥ | trite duṣṣvapnyaṃ sarvam āptye pari dadmasy anehaso va ūtayaḥ suūtayo va ūtayaḥ ||
Even if, O Child of Heaven, it make a garland or a chain of gold, The whole bad dream, whate'er it be, to Trita Aptya we consign.
Translated by Ralph T. H. Griffith (1896)
तदन्नाय तदपसे तम् भागम् उपसेदुषे । त्रिताय च द्विताय चोषो दुष्ष्वप्न्यं वहानेहसो व ऊतयः सुऊतयो व ऊतयः ॥
tadannāya tadapase tam bhāgam upaseduṣe | tritāya ca dvitāya coṣo duṣṣvapnyaṃ vahānehaso va ūtayaḥ suūtayo va ūtayaḥ ||
To him whose food and work is this, who comes to take his share therein, To Trita, and to Dvita, Dawn! bear thou the evil dream away.
Translated by Ralph T. H. Griffith (1896)
यथा कलां यथा शफं यथ ऋणं संनयामसि । एवा दुष्ष्वप्न्यं सर्वम् आप्त्ये सं नयामस्य् अनेहसो व ऊतयः सुऊतयो व ऊतयः ॥
yathā kalāṃ yathā śaphaṃ yatha ṛṇaṃ saṃnayāmasi | evā duṣṣvapnyaṃ sarvam āptye saṃ nayāmasy anehaso va ūtayaḥ suūtayo va ūtayaḥ ||
As we collect the utmost debt, even the eighth and sixteenth part, So unto Aptya we transfer together all the evil dream.
Translated by Ralph T. H. Griffith (1896)
अजैष्माद्यासनाम चाभूमानागसो वयम् । उषो यस्माद् दुष्ष्वप्न्याद् अभैष्माप तद् उच्छत्व् अनेहसो व ऊतयः सुऊतयो व ऊतयः ॥
ajaiṣmādyāsanāma cābhūmānāgaso vayam | uṣo yasmād duṣṣvapnyād abhaiṣmāpa tad ucchatv anehaso va ūtayaḥ suūtayo va ūtayaḥ ||
Now have we conquered and obtained, and from our trespasses are free. Shine thou away the evil dream, O Dawn, whereof we are afraid. Yours are incomparable aids, and good the succour they afford.
Translated by Ralph T. H. Griffith (1896)