Library·Ṛgveda Saṃhitā·8·8.51
यथा मनौ सांवरणौ सोमम् इन्द्रापिबः सुतम् । नीपातिथौ मघवन् मेध्यातिथौ पुष्टिगौ श्रुष्टिगौ सचा ॥
yathā manau sāṃvaraṇau somam indrāpibaḥ sutam | nīpātithau maghavan medhyātithau puṣṭigau śruṣṭigau sacā ||
Sanskrit only: no published translation is held for this verse.
पार्षद्वाणः प्रस्कण्वं सम् असादयच् छयानं जिव्रिम् उद्धितम् । सहस्राण्य् असिषासद् गवाम् ऋषिस् त्वोतो दस्यवे वृकः ॥
pārṣadvāṇaḥ praskaṇvaṃ sam asādayac chayānaṃ jivrim uddhitam | sahasrāṇy asiṣāsad gavām ṛṣis tvoto dasyave vṛkaḥ ||
Sanskrit only: no published translation is held for this verse.
य उक्थेभिर् न विन्धते चिकिद् य ऋषिचोदनः । इन्द्रं तम् अच्छा वद नव्यस्या मत्य् अरिष्यन्तं न भोजसे ॥
ya ukthebhir na vindhate cikid ya ṛṣicodanaḥ | indraṃ tam acchā vada navyasyā maty ariṣyantaṃ na bhojase ||
Sanskrit only: no published translation is held for this verse.
यस्मा अर्कं सप्तशीर्षाणम् आनृचुस् त्रिधातुम् उत्तमे पदे । स त्व् इमा विश्वा भुवनानि चिक्रदद् आद् इज् जनिष्ट पौंस्यम् ॥
yasmā arkaṃ saptaśīrṣāṇam ānṛcus tridhātum uttame pade | sa tv imā viśvā bhuvanāni cikradad ād ij janiṣṭa pauṃsyam ||
Sanskrit only: no published translation is held for this verse.
यो नो दाता वसूनाम् इन्द्रं तं हूमहे वयम् । विद्मा ह्य् अस्य सुमतिं नवीयसीं गमेम गोमति व्रजे ॥
yo no dātā vasūnām indraṃ taṃ hūmahe vayam | vidmā hy asya sumatiṃ navīyasīṃ gamema gomati vraje ||
Sanskrit only: no published translation is held for this verse.
यस्मै त्वं वसो दानाय शिक्षसि स रायस् पोषम् अश्नुते । तं त्वा वयम् मघवन्न् इन्द्र गिर्वणः सुतावन्तो हवामहे ॥
yasmai tvaṃ vaso dānāya śikṣasi sa rāyas poṣam aśnute | taṃ tvā vayam maghavann indra girvaṇaḥ sutāvanto havāmahe ||
Sanskrit only: no published translation is held for this verse.
कदा चन स्तरीर् असि नेन्द्र सश्चसि दाशुषे । उपोपेन् नु मघवन् भूय इन् नु ते दानं देवस्य पृच्यते ॥
kadā cana starīr asi nendra saścasi dāśuṣe | upopen nu maghavan bhūya in nu te dānaṃ devasya pṛcyate ||
Sanskrit only: no published translation is held for this verse.
प्र यो ननक्षे अभ्य् ओजसा क्रिविं वधैः शुष्णं निघोषयन् । यदेद् अस्तम्भीत् प्रथयन्न् अमूं दिवम् आद् इज् जनिष्ट पार्थिवः ॥
pra yo nanakṣe abhy ojasā kriviṃ vadhaiḥ śuṣṇaṃ nighoṣayan | yaded astambhīt prathayann amūṃ divam ād ij janiṣṭa pārthivaḥ ||
Sanskrit only: no published translation is held for this verse.
यस्यायं विश्व आर्यो दासः शेवधिपा अरिः । तिरश् चिद् अर्ये रुशमे परीरवि तुभ्येत् सो अज्यते रयिः ॥
yasyāyaṃ viśva āryo dāsaḥ śevadhipā ariḥ | tiraś cid arye ruśame parīravi tubhyet so ajyate rayiḥ ||
Sanskrit only: no published translation is held for this verse.
तुरण्यवो मधुमन्तं घृतश्चुतं विप्रासो अर्कम् आनृचुः । अस्मे रयिः पप्रथे वृष्ण्यं शवो ऽस्मे सुवानास इन्दवः ॥
turaṇyavo madhumantaṃ ghṛtaścutaṃ viprāso arkam ānṛcuḥ | asme rayiḥ paprathe vṛṣṇyaṃ śavo 'sme suvānāsa indavaḥ ||
Sanskrit only: no published translation is held for this verse.