Ṛgveda Saṃhitā 8.57

युवं देवा क्रतुना पूर्व्येण युक्ता रथेन तविषं यजत्रा । आगच्छतं नासत्या शचीभिर् इदं तृतीयं सवनम् पिबाथः ॥

yuvaṃ devā kratunā pūrvyeṇa yuktā rathena taviṣaṃ yajatrā | āgacchataṃ nāsatyā śacībhir idaṃ tṛtīyaṃ savanam pibāthaḥ ||

Sanskrit only: no published translation is held for this verse.

युवां देवास् त्रय एकादशासः सत्याः सत्यस्य ददृशे पुरस्तात् । अस्माकं यज्ञं सवनं जुषाणा पातं सोमम् अश्विना दीद्यग्नी ॥

yuvāṃ devās traya ekādaśāsaḥ satyāḥ satyasya dadṛśe purastāt | asmākaṃ yajñaṃ savanaṃ juṣāṇā pātaṃ somam aśvinā dīdyagnī ||

Sanskrit only: no published translation is held for this verse.

पनाय्यं तद् अश्विना कृतं वां वृषभो दिवो रजसः पृथिव्याः । सहस्रं शंसा उत ये गविष्टौ सर्वां इत् तां उप याता पिबध्यै ॥

panāyyaṃ tad aśvinā kṛtaṃ vāṃ vṛṣabho divo rajasaḥ pṛthivyāḥ | sahasraṃ śaṃsā uta ye gaviṣṭau sarvāṃ it tāṃ upa yātā pibadhyai ||

Sanskrit only: no published translation is held for this verse.

अयं वाम् भागो निहितो यजत्रेमा गिरो नासत्योप यातम् । पिबतं सोमम् मधुमन्तम् अस्मे प्र दाश्वांसम् अवतं शचीभिः ॥

ayaṃ vām bhāgo nihito yajatremā giro nāsatyopa yātam | pibataṃ somam madhumantam asme pra dāśvāṃsam avataṃ śacībhiḥ ||

Sanskrit only: no published translation is held for this verse.