Library·Ṛgveda Saṃhitā·8·8.62
प्रो अस्मा उपस्तुतिम् भरता यज् जुजोषति । उक्थैर् इन्द्रस्य माहिनं वयो वर्धन्ति सोमिनो भद्रा इन्द्रस्य रातयः ॥
pro asmā upastutim bharatā yaj jujoṣati | ukthair indrasya māhinaṃ vayo vardhanti somino bhadrā indrasya rātayaḥ ||
Sanskrit only: no published translation is held for this verse.
अयुजो असमो नृभिर् एकः कृष्टीर् अयास्यः । पूर्वीर् अति प्र वावृधे विश्वा जातान्य् ओजसा भद्रा इन्द्रस्य रातयः ॥
ayujo asamo nṛbhir ekaḥ kṛṣṭīr ayāsyaḥ | pūrvīr ati pra vāvṛdhe viśvā jātāny ojasā bhadrā indrasya rātayaḥ ||
Sanskrit only: no published translation is held for this verse.
अहितेन चिद् अर्वता जीरदानुः सिषासति । प्रवाच्यम् इन्द्र तत् तव वीर्याणि करिष्यतो भद्रा इन्द्रस्य रातयः ॥
ahitena cid arvatā jīradānuḥ siṣāsati | pravācyam indra tat tava vīryāṇi kariṣyato bhadrā indrasya rātayaḥ ||
Sanskrit only: no published translation is held for this verse.
आ याहि कृणवाम त इन्द्र ब्रह्माणि वर्धना । येभिः शविष्ठ चाकनो भद्रम् इह श्रवस्यते भद्रा इन्द्रस्य रातयः ॥
ā yāhi kṛṇavāma ta indra brahmāṇi vardhanā | yebhiḥ śaviṣṭha cākano bhadram iha śravasyate bhadrā indrasya rātayaḥ ||
Sanskrit only: no published translation is held for this verse.
धृषतश् चिद् धृषन् मनः कृणोषीन्द्र यत् त्वम् । तीव्रैः सोमैः सपर्यतो नमोभिः प्रतिभूषतो भद्रा इन्द्रस्य रातयः ॥
dhṛṣataś cid dhṛṣan manaḥ kṛṇoṣīndra yat tvam | tīvraiḥ somaiḥ saparyato namobhiḥ pratibhūṣato bhadrā indrasya rātayaḥ ||
Sanskrit only: no published translation is held for this verse.
अव चष्ट ऋचीषमो ऽवतां इव मानुषः । जुष्ट्वी दक्षस्य सोमिनः सखायं कृणुते युजम् भद्रा इन्द्रस्य रातयः ॥
ava caṣṭa ṛcīṣamo 'vatāṃ iva mānuṣaḥ | juṣṭvī dakṣasya sominaḥ sakhāyaṃ kṛṇute yujam bhadrā indrasya rātayaḥ ||
Sanskrit only: no published translation is held for this verse.
विश्वे त इन्द्र वीर्यं देवा अनु क्रतुं ददुः । भुवो विश्वस्य गोपतिः पुरुष्टुत भद्रा इन्द्रस्य रातयः ॥
viśve ta indra vīryaṃ devā anu kratuṃ daduḥ | bhuvo viśvasya gopatiḥ puruṣṭuta bhadrā indrasya rātayaḥ ||
Sanskrit only: no published translation is held for this verse.
गृणे तद् इन्द्र ते शव उपमं देवतातये । यद् धंसि वृत्रम् ओजसा शचीपते भद्रा इन्द्रस्य रातयः ॥
gṛṇe tad indra te śava upamaṃ devatātaye | yad dhaṃsi vṛtram ojasā śacīpate bhadrā indrasya rātayaḥ ||
Sanskrit only: no published translation is held for this verse.
समनेव वपुष्यतः कृणवन् मानुषा युगा । विदे तद् इन्द्रश् चेतनम् अध श्रुतो भद्रा इन्द्रस्य रातयः ॥
samaneva vapuṣyataḥ kṛṇavan mānuṣā yugā | vide tad indraś cetanam adha śruto bhadrā indrasya rātayaḥ ||
Sanskrit only: no published translation is held for this verse.
उज् जातम् इन्द्र ते शव उत् त्वाम् उत् तव क्रतुम् । भूरिगो भूरि वावृधुर् मघवन् तव शर्मणि भद्रा इन्द्रस्य रातयः ॥
uj jātam indra te śava ut tvām ut tava kratum | bhūrigo bhūri vāvṛdhur maghavan tava śarmaṇi bhadrā indrasya rātayaḥ ||
Sanskrit only: no published translation is held for this verse.
अहं च त्वं च वृत्रहन् सं युज्याव सनिभ्य आ । अरातीवा चिद् अद्रिवो ऽनु नौ शूर मंसते भद्रा इन्द्रस्य रातयः ॥
ahaṃ ca tvaṃ ca vṛtrahan saṃ yujyāva sanibhya ā | arātīvā cid adrivo 'nu nau śūra maṃsate bhadrā indrasya rātayaḥ ||
Sanskrit only: no published translation is held for this verse.
सत्यम् इद् वा उ तं वयम् इन्द्रं स्तवाम नानृतम् । महां असुन्वतो वधो भूरि ज्योतींषि सुन्वतो भद्रा इन्द्रस्य रातयः ॥
satyam id vā u taṃ vayam indraṃ stavāma nānṛtam | mahāṃ asunvato vadho bhūri jyotīṃṣi sunvato bhadrā indrasya rātayaḥ ||
Sanskrit only: no published translation is held for this verse.