स पूर्व्यो महानां वेनः क्रतुभिर् आनजे । यस्य द्वारा मनुष् पिता देवेषु धिय आनजे ॥
sa pūrvyo mahānāṃ venaḥ kratubhir ānaje | yasya dvārā manuṣ pitā deveṣu dhiya ānaje ||
Sanskrit only: no published translation is held for this verse.
Library·Ṛgveda Saṃhitā·8·8.63
Ṛgveda Saṃhitā 8.63
दिवो मानं नोत् सदन् सोमपृष्ठासो अद्रयः । उक्था ब्रह्म च शंस्या ॥
divo mānaṃ not sadan somapṛṣṭhāso adrayaḥ | ukthā brahma ca śaṃsyā ||
Sanskrit only: no published translation is held for this verse.
स विद्वां अङ्गिरोभ्य इन्द्रो गा अवृणोद् अप । स्तुषे तद् अस्य पौंस्यम् ॥
sa vidvāṃ aṅgirobhya indro gā avṛṇod apa | stuṣe tad asya pauṃsyam ||
Sanskrit only: no published translation is held for this verse.
स प्रत्नथा कविवृध इन्द्रो वाकस्य वक्षणिः । शिवो अर्कस्य होमन्य् अस्मत्रा गन्त्व् अवसे ॥
sa pratnathā kavivṛdha indro vākasya vakṣaṇiḥ | śivo arkasya homany asmatrā gantv avase ||
Sanskrit only: no published translation is held for this verse.
आद् ऊ नु ते अनु क्रतुं स्वाहा वरस्य यज्यवः । श्वात्रम् अर्का अनूषतेन्द्र गोत्रस्य दावने ॥
ād ū nu te anu kratuṃ svāhā varasya yajyavaḥ | śvātram arkā anūṣatendra gotrasya dāvane ||
Sanskrit only: no published translation is held for this verse.
इन्द्रे विश्वानि वीर्या कृतानि कर्त्वानि च । यम् अर्का अध्वरं विदुः ॥
indre viśvāni vīryā kṛtāni kartvāni ca | yam arkā adhvaraṃ viduḥ ||
Sanskrit only: no published translation is held for this verse.
यत् पाञ्चजन्यया विशेन्द्रे घोषा असृक्षत । अस्तृणाद् बर्हणा विपो ऽर्यो मानस्य स क्षयः ॥
yat pāñcajanyayā viśendre ghoṣā asṛkṣata | astṛṇād barhaṇā vipo 'ryo mānasya sa kṣayaḥ ||
Sanskrit only: no published translation is held for this verse.
इयम् उ ते अनुष्टुतिश् चकृषे तानि पौंस्या । प्रावश् चक्रस्य वर्तनिम् ॥
iyam u te anuṣṭutiś cakṛṣe tāni pauṃsyā | prāvaś cakrasya vartanim ||
Sanskrit only: no published translation is held for this verse.
अस्य वृष्णो व्योदन उरु क्रमिष्ट जीवसे । यवं न पश्व आ ददे ॥
asya vṛṣṇo vyodana uru kramiṣṭa jīvase | yavaṃ na paśva ā dade ||
Sanskrit only: no published translation is held for this verse.
तद् दधाना अवस्यवो युष्माभिर् दक्षपितरः । स्याम मरुत्वतो वृधे ॥
tad dadhānā avasyavo yuṣmābhir dakṣapitaraḥ | syāma marutvato vṛdhe ||
Sanskrit only: no published translation is held for this verse.
बळ् ऋत्वियाय धाम्न ऋक्वभिः शूर नोनुमः । जेषामेन्द्र त्वया युजा ॥
baḷ ṛtviyāya dhāmna ṛkvabhiḥ śūra nonumaḥ | jeṣāmendra tvayā yujā ||
Sanskrit only: no published translation is held for this verse.
अस्मे रुद्रा मेहना पर्वतासो वृत्रहत्ये भरहूतौ सजोषाः । यः शंसते स्तुवते धायि पज्र इन्द्रज्येष्ठा अस्मां अवन्तु देवाः ॥
asme rudrā mehanā parvatāso vṛtrahatye bharahūtau sajoṣāḥ | yaḥ śaṃsate stuvate dhāyi pajra indrajyeṣṭhā asmāṃ avantu devāḥ ||
Sanskrit only: no published translation is held for this verse.