आ त्वा रथं यथोतये सुम्नाय वर्तयामसि । तुविकूर्मिम् ऋतीषहम् इन्द्र शविष्ठ सत्पते ॥
ā tvā rathaṃ yathotaye sumnāya vartayāmasi | tuvikūrmim ṛtīṣaham indra śaviṣṭha satpate ||
Sanskrit only: no published translation is held for this verse.
Library·Ṛgveda Saṃhitā·8·8.68
Ṛgveda Saṃhitā 8.68
तुविशुष्म तुविक्रतो शचीवो विश्वया मते । आ पप्राथ महित्वना ॥
tuviśuṣma tuvikrato śacīvo viśvayā mate | ā paprātha mahitvanā ||
Sanskrit only: no published translation is held for this verse.
यस्य ते महिना महः परि ज्मायन्तम् ईयतुः । हस्ता वज्रं हिरण्ययम् ॥
yasya te mahinā mahaḥ pari jmāyantam īyatuḥ | hastā vajraṃ hiraṇyayam ||
Sanskrit only: no published translation is held for this verse.
विश्वानरस्य वस् पतिम् अनानतस्य शवसः । एवैश् च चर्षणीनाम् ऊती हुवे रथानाम् ॥
viśvānarasya vas patim anānatasya śavasaḥ | evaiś ca carṣaṇīnām ūtī huve rathānām ||
Sanskrit only: no published translation is held for this verse.
अभिष्टये सदावृधं स्वर्मीळ्हेषु यं नरः । नाना हवन्त ऊतये ॥
abhiṣṭaye sadāvṛdhaṃ svarmīḷheṣu yaṃ naraḥ | nānā havanta ūtaye ||
Sanskrit only: no published translation is held for this verse.
परोमात्रम् ऋचीषमम् इन्द्रम् उग्रं सुराधसम् । ईशानं चिद् वसूनाम् ॥
paromātram ṛcīṣamam indram ugraṃ surādhasam | īśānaṃ cid vasūnām ||
Sanskrit only: no published translation is held for this verse.
तं-तम् इद् राधसे मह इन्द्रं चोदामि पीतये । यः पूर्व्याम् अनुष्टुतिम् ईशे कृष्टीनां नृतुः ॥
taṃ-tam id rādhase maha indraṃ codāmi pītaye | yaḥ pūrvyām anuṣṭutim īśe kṛṣṭīnāṃ nṛtuḥ ||
Sanskrit only: no published translation is held for this verse.
न यस्य ते शवसान सख्यम् आनंश मर्त्यः । नकिः शवांसि ते नशत् ॥
na yasya te śavasāna sakhyam ānaṃśa martyaḥ | nakiḥ śavāṃsi te naśat ||
Sanskrit only: no published translation is held for this verse.
त्वोतासस् त्वा युजाप्सु सूर्ये महद् धनम् । जयेम पृत्सु वज्रिवः ॥
tvotāsas tvā yujāpsu sūrye mahad dhanam | jayema pṛtsu vajrivaḥ ||
Sanskrit only: no published translation is held for this verse.
तं त्वा यज्ञेभिर् ईमहे तं गीर्भिर् गिर्वणस्तम । इन्द्र यथा चिद् आविथ वाजेषु पुरुमाय्यम् ॥
taṃ tvā yajñebhir īmahe taṃ gīrbhir girvaṇastama | indra yathā cid āvitha vājeṣu purumāyyam ||
Sanskrit only: no published translation is held for this verse.
यस्य ते स्वादु सख्यं स्वाद्वी प्रणीतिर् अद्रिवः । यज्ञो वितन्तसाय्यः ॥
yasya te svādu sakhyaṃ svādvī praṇītir adrivaḥ | yajño vitantasāyyaḥ ||
Sanskrit only: no published translation is held for this verse.
उरु णस् तन्वे तन उरु क्षयाय नस् कृधि । उरु णो यन्धि जीवसे ॥
uru ṇas tanve tana uru kṣayāya nas kṛdhi | uru ṇo yandhi jīvase ||
Sanskrit only: no published translation is held for this verse.
उरुं नृभ्य उरुं गव उरुं रथाय पन्थाम् । देववीतिम् मनामहे ॥
uruṃ nṛbhya uruṃ gava uruṃ rathāya panthām | devavītim manāmahe ||
Sanskrit only: no published translation is held for this verse.
उप मा षड् द्वा-द्वा नरः सोमस्य हर्ष्या । तिष्ठन्ति स्वादुरातयः ॥
upa mā ṣaḍ dvā-dvā naraḥ somasya harṣyā | tiṣṭhanti svādurātayaḥ ||
Sanskrit only: no published translation is held for this verse.
ऋज्राव् इन्द्रोत आ ददे हरी ऋक्षस्य सूनवि । आश्वमेधस्य रोहिता ॥
ṛjrāv indrota ā dade harī ṛkṣasya sūnavi | āśvamedhasya rohitā ||
Sanskrit only: no published translation is held for this verse.
सुरथां आतिथिग्वे स्वभीशूंर् आर्क्षे । आश्वमेधे सुपेशसः ॥
surathāṃ ātithigve svabhīśūṃr ārkṣe | āśvamedhe supeśasaḥ ||
Sanskrit only: no published translation is held for this verse.
षळ् अश्वां आतिथिग्व इन्द्रोते वधूमतः । सचा पूतक्रतौ सनम् ॥
ṣaḷ aśvāṃ ātithigva indrote vadhūmataḥ | sacā pūtakratau sanam ||
Sanskrit only: no published translation is held for this verse.
ऐषु चेतद् वृषण्वत्य् अन्तर् ऋज्रेष्व् अरुषी । स्वभीशुः कशावती ॥
aiṣu cetad vṛṣaṇvaty antar ṛjreṣv aruṣī | svabhīśuḥ kaśāvatī ||
Sanskrit only: no published translation is held for this verse.
न युष्मे वाजबन्धवो निनित्सुश् चन मर्त्यः । अवद्यम् अधि दीधरत् ॥
na yuṣme vājabandhavo ninitsuś cana martyaḥ | avadyam adhi dīdharat ||
Sanskrit only: no published translation is held for this verse.