Library·Ṛgveda Saṃhitā·8·8.70
यो राजा चर्षणीनां याता रथेभिर् अध्रिगुः । विश्वासां तरुता पृतनानां ज्येष्ठो यो वृत्रहा गृणे ॥
yo rājā carṣaṇīnāṃ yātā rathebhir adhriguḥ | viśvāsāṃ tarutā pṛtanānāṃ jyeṣṭho yo vṛtrahā gṛṇe ||
Sanskrit only: no published translation is held for this verse.
इन्द्रं तं शुम्भ पुरुहन्मन्न् अवसे यस्य द्विता विधर्तरि । हस्ताय वज्रः प्रति धायि दर्शतो महो दिवे न सूर्यः ॥
indraṃ taṃ śumbha puruhanmann avase yasya dvitā vidhartari | hastāya vajraḥ prati dhāyi darśato maho dive na sūryaḥ ||
Sanskrit only: no published translation is held for this verse.
नकिष् टं कर्मणा नशद् यश् चकार सदावृधम् । इन्द्रं न यज्ञैर् विश्वगूर्तम् ऋभ्वसम् अधृष्टं धृष्ण्वोजसम् ॥
nakiṣ ṭaṃ karmaṇā naśad yaś cakāra sadāvṛdham | indraṃ na yajñair viśvagūrtam ṛbhvasam adhṛṣṭaṃ dhṛṣṇvojasam ||
Sanskrit only: no published translation is held for this verse.
अषाळ्हम् उग्रम् पृतनासु सासहिं यस्मिन् महीर् उरुज्रयः । सं धेनवो जायमाने अनोनवुर् द्यावः क्षामो अनोनवुः ॥
aṣāḷham ugram pṛtanāsu sāsahiṃ yasmin mahīr urujrayaḥ | saṃ dhenavo jāyamāne anonavur dyāvaḥ kṣāmo anonavuḥ ||
Sanskrit only: no published translation is held for this verse.
यद् द्याव इन्द्र ते शतं शतम् भूमीर् उत स्युः । न त्वा वज्रिन् सहस्रं सूर्या अनु न जातम् अष्ट रोदसी ॥
yad dyāva indra te śataṃ śatam bhūmīr uta syuḥ | na tvā vajrin sahasraṃ sūryā anu na jātam aṣṭa rodasī ||
Sanskrit only: no published translation is held for this verse.
आ पप्राथ महिना वृष्ण्या वृषन् विश्वा शविष्ठ शवसा । अस्मां अव मघवन् गोमति व्रजे वज्रिञ् चित्राभिर् ऊतिभिः ॥
ā paprātha mahinā vṛṣṇyā vṛṣan viśvā śaviṣṭha śavasā | asmāṃ ava maghavan gomati vraje vajriñ citrābhir ūtibhiḥ ||
Sanskrit only: no published translation is held for this verse.
न सीम् अदेव आपद् इषं दीर्घायो मर्त्यः । एतग्वा चिद् य एतशा युयोजते हरी इन्द्रो युयोजते ॥
na sīm adeva āpad iṣaṃ dīrghāyo martyaḥ | etagvā cid ya etaśā yuyojate harī indro yuyojate ||
Sanskrit only: no published translation is held for this verse.
तं वो महो महाय्यम् इन्द्रं दानाय सक्षणिम् । यो गाधेषु य आरणेषु हव्यो वाजेष्व् अस्ति हव्यः ॥
taṃ vo maho mahāyyam indraṃ dānāya sakṣaṇim | yo gādheṣu ya āraṇeṣu havyo vājeṣv asti havyaḥ ||
Sanskrit only: no published translation is held for this verse.
उद् ऊ षु णो वसो महे मृशस्व शूर राधसे । उद् ऊ षु मह्यै मघवन् मघत्तय उद् इन्द्र श्रवसे महे ॥
ud ū ṣu ṇo vaso mahe mṛśasva śūra rādhase | ud ū ṣu mahyai maghavan maghattaya ud indra śravase mahe ||
Sanskrit only: no published translation is held for this verse.
त्वं न इन्द्र ऋतयुस् त्वानिदो नि तृम्पसि । मध्ये वसिष्व तुविनृम्णोर्वोर् नि दासं शिश्नथो हथैः ॥
tvaṃ na indra ṛtayus tvānido ni tṛmpasi | madhye vasiṣva tuvinṛmṇorvor ni dāsaṃ śiśnatho hathaiḥ ||
Sanskrit only: no published translation is held for this verse.
अन्यव्रतम् अमानुषम् अयज्वानम् अदेवयुम् । अव स्वः सखा दुधुवीत पर्वतः सुघ्नाय दस्युम् पर्वतः ॥
anyavratam amānuṣam ayajvānam adevayum | ava svaḥ sakhā dudhuvīta parvataḥ sughnāya dasyum parvataḥ ||
Sanskrit only: no published translation is held for this verse.
त्वं न इन्द्रासां हस्ते शविष्ठ दावने । धानानां न सं गृभायास्मयुर् द्विः सं गृभायास्मयुः ॥
tvaṃ na indrāsāṃ haste śaviṣṭha dāvane | dhānānāṃ na saṃ gṛbhāyāsmayur dviḥ saṃ gṛbhāyāsmayuḥ ||
Sanskrit only: no published translation is held for this verse.
सखायः क्रतुम् इच्छत कथा राधाम शरस्य । उपस्तुतिम् भोजः सूरिर् यो अह्रयः ॥
sakhāyaḥ kratum icchata kathā rādhāma śarasya | upastutim bhojaḥ sūrir yo ahrayaḥ ||
Sanskrit only: no published translation is held for this verse.
भूरिभिः समह ऋषिभिर् बर्हिष्मद्भि स्तविष्यसे । यद् इत्थम् एकम्-एकम् इच् छर वत्सान् पराददः ॥
bhūribhiḥ samaha ṛṣibhir barhiṣmadbhi staviṣyase | yad ittham ekam-ekam ic chara vatsān parādadaḥ ||
Sanskrit only: no published translation is held for this verse.
कर्णगृह्या मघवा शौरदेव्यो वत्सं नस् त्रिभ्य आनयत् । अजां सूरिर् न धातवे ॥
karṇagṛhyā maghavā śauradevyo vatsaṃ nas tribhya ānayat | ajāṃ sūrir na dhātave ||
Sanskrit only: no published translation is held for this verse.