त्वं नो अग्ने महोभिः पाहि विश्वस्या अरातेः । उत द्विषो मर्त्यस्य ॥
tvaṃ no agne mahobhiḥ pāhi viśvasyā arāteḥ | uta dviṣo martyasya ||
Sanskrit only: no published translation is held for this verse.
Library·Ṛgveda Saṃhitā·8·8.71
Ṛgveda Saṃhitā 8.71
नहि मन्युः पौरुषेय ईशे हि वः प्रियजात । त्वम् इद् असि क्षपावान् ॥
nahi manyuḥ pauruṣeya īśe hi vaḥ priyajāta | tvam id asi kṣapāvān ||
Sanskrit only: no published translation is held for this verse.
स नो विश्वेभिर् देवेभिर् ऊर्जो नपाद् भद्रशोचे । रयिं देहि विश्ववारम् ॥
sa no viśvebhir devebhir ūrjo napād bhadraśoce | rayiṃ dehi viśvavāram ||
Sanskrit only: no published translation is held for this verse.
न तम् अग्ने अरातयो मर्तं युवन्त रायः । यं त्रायसे दाश्वांसम् ॥
na tam agne arātayo martaṃ yuvanta rāyaḥ | yaṃ trāyase dāśvāṃsam ||
Sanskrit only: no published translation is held for this verse.
यं त्वं विप्र मेधसाताव् अग्ने हिनोषि धनाय । स तवोती गोषु गन्ता ॥
yaṃ tvaṃ vipra medhasātāv agne hinoṣi dhanāya | sa tavotī goṣu gantā ||
Sanskrit only: no published translation is held for this verse.
त्वं रयिम् पुरुवीरम् अग्ने दाशुषे मर्ताय । प्र णो नय वस्यो अच्छ ॥
tvaṃ rayim puruvīram agne dāśuṣe martāya | pra ṇo naya vasyo accha ||
Sanskrit only: no published translation is held for this verse.
उरुष्या णो मा परा दा अघायते जातवेदः । दुराध्ये मर्ताय ॥
uruṣyā ṇo mā parā dā aghāyate jātavedaḥ | durādhye martāya ||
Sanskrit only: no published translation is held for this verse.
अग्ने माकिष् टे देवस्य रातिम् अदेवो युयोत । त्वम् ईशिषे वसूनाम् ॥
agne mākiṣ ṭe devasya rātim adevo yuyota | tvam īśiṣe vasūnām ||
Sanskrit only: no published translation is held for this verse.
स नो वस्व उप मास्य् ऊर्जो नपान् माहिनस्य । सखे वसो जरितृभ्यः ॥
sa no vasva upa māsy ūrjo napān māhinasya | sakhe vaso jaritṛbhyaḥ ||
Sanskrit only: no published translation is held for this verse.
अच्छा नः शीरशोचिषं गिरो यन्तु दर्शतम् । अच्छा यज्ञासो नमसा पुरूवसुम् पुरुप्रशस्तम् ऊतये ॥
acchā naḥ śīraśociṣaṃ giro yantu darśatam | acchā yajñāso namasā purūvasum purupraśastam ūtaye ||
Sanskrit only: no published translation is held for this verse.
अग्निं सूनुं सहसो जातवेदसं दानाय वार्याणाम् । द्विता यो भूद् अमृतो मर्त्येष्व् आ होता मन्द्रतमो विशि ॥
agniṃ sūnuṃ sahaso jātavedasaṃ dānāya vāryāṇām | dvitā yo bhūd amṛto martyeṣv ā hotā mandratamo viśi ||
Sanskrit only: no published translation is held for this verse.
अग्निं वो देवयज्ययाग्निम् प्रयत्य् अध्वरे । अग्निं धीषु प्रथमम् अग्निम् अर्वत्य् अग्निं क्षैत्राय साधसे ॥
agniṃ vo devayajyayāgnim prayaty adhvare | agniṃ dhīṣu prathamam agnim arvaty agniṃ kṣaitrāya sādhase ||
Sanskrit only: no published translation is held for this verse.
अग्निर् इषां सख्ये ददातु न ईशे यो वार्याणाम् । अग्निं तोके तनये शश्वद् ईमहे वसुं सन्तं तनूपाम् ॥
agnir iṣāṃ sakhye dadātu na īśe yo vāryāṇām | agniṃ toke tanaye śaśvad īmahe vasuṃ santaṃ tanūpām ||
Sanskrit only: no published translation is held for this verse.
अग्निम् ईळिष्वावसे गाथाभिः शीरशोचिषम् । अग्निं राये पुरुमीळ्ह श्रुतं नरो ऽग्निं सुदीतये छर्दिः ॥
agnim īḷiṣvāvase gāthābhiḥ śīraśociṣam | agniṃ rāye purumīḷha śrutaṃ naro 'gniṃ sudītaye chardiḥ ||
Sanskrit only: no published translation is held for this verse.
अग्निं द्वेषो योतवै नो गृणीमस्य् अग्निं शं योश् च दातवे । विश्वासु विक्ष्व् अवितेव हव्यो भुवद् वस्तुर् ऋषूणाम् ॥
agniṃ dveṣo yotavai no gṛṇīmasy agniṃ śaṃ yoś ca dātave | viśvāsu vikṣv aviteva havyo bhuvad vastur ṛṣūṇām ||
Sanskrit only: no published translation is held for this verse.