हविष् कृणुध्वम् आ गमद् अध्वर्युर् वनते पुनः । विद्वां अस्य प्रशासनम् ॥
haviṣ kṛṇudhvam ā gamad adhvaryur vanate punaḥ | vidvāṃ asya praśāsanam ||
Sanskrit only: no published translation is held for this verse.
Library·Ṛgveda Saṃhitā·8·8.72
Ṛgveda Saṃhitā 8.72
नि तिग्मम् अभ्य् अंशुं सीदद् धोता मनाव् अधि । जुषाणो अस्य सख्यम् ॥
ni tigmam abhy aṃśuṃ sīdad dhotā manāv adhi | juṣāṇo asya sakhyam ||
Sanskrit only: no published translation is held for this verse.
अन्तर् इच्छन्ति तं जने रुद्रम् परो मनीषया । गृभ्णन्ति जिह्वया ससम् ॥
antar icchanti taṃ jane rudram paro manīṣayā | gṛbhṇanti jihvayā sasam ||
Sanskrit only: no published translation is held for this verse.
जाम्य् अतीतपे धनुर् वयोधा अरुहद् वनम् । दृषदं जिह्वयावधीत् ॥
jāmy atītape dhanur vayodhā aruhad vanam | dṛṣadaṃ jihvayāvadhīt ||
Sanskrit only: no published translation is held for this verse.
चरन् वत्सो रुशन्न् इह निदातारं न विन्दते । वेति स्तोतव अम्ब्यम् ॥
caran vatso ruśann iha nidātāraṃ na vindate | veti stotava ambyam ||
Sanskrit only: no published translation is held for this verse.
उतो न्व् अस्य यन् महद् अश्वावद् योजनम् बृहद् । दामा रथस्य ददृशे ॥
uto nv asya yan mahad aśvāvad yojanam bṛhad | dāmā rathasya dadṛśe ||
Sanskrit only: no published translation is held for this verse.
दुहन्ति सप्तैकाम् उप द्वा पञ्च सृजतः । तीर्थे सिन्धोर् अधि स्वरे ॥
duhanti saptaikām upa dvā pañca sṛjataḥ | tīrthe sindhor adhi svare ||
Sanskrit only: no published translation is held for this verse.
आ दशभिर् विवस्वत इन्द्रः कोशम् अचुच्यवीत् । खेदया त्रिवृता दिवः ॥
ā daśabhir vivasvata indraḥ kośam acucyavīt | khedayā trivṛtā divaḥ ||
Sanskrit only: no published translation is held for this verse.
परि त्रिधातुर् अध्वरं जूर्णिर् एति नवीयसी । मध्वा होतारो अञ्जते ॥
pari tridhātur adhvaraṃ jūrṇir eti navīyasī | madhvā hotāro añjate ||
Sanskrit only: no published translation is held for this verse.
सिञ्चन्ति नमसावतम् उच्चाचक्रम् परिज्मानम् । नीचीनबारम् अक्षितम् ॥
siñcanti namasāvatam uccācakram parijmānam | nīcīnabāram akṣitam ||
Sanskrit only: no published translation is held for this verse.
अभ्यारम् इद् अद्रयो निषिक्तम् पुष्करे मधु । अवतस्य विसर्जने ॥
abhyāram id adrayo niṣiktam puṣkare madhu | avatasya visarjane ||
Sanskrit only: no published translation is held for this verse.
गाव उपावतावतम् मही यज्ञस्य रप्सुदा । उभा कर्णा हिरण्यया ॥
gāva upāvatāvatam mahī yajñasya rapsudā | ubhā karṇā hiraṇyayā ||
Sanskrit only: no published translation is held for this verse.
आ सुते सिञ्चत श्रियं रोदस्योर् अभिश्रियम् । रसा दधीत वृषभम् ॥
ā sute siñcata śriyaṃ rodasyor abhiśriyam | rasā dadhīta vṛṣabham ||
Sanskrit only: no published translation is held for this verse.
ते जानत स्वम् ओक्यं सं वत्सासो न मातृभिः । मिथो नसन्त जामिभिः ॥
te jānata svam okyaṃ saṃ vatsāso na mātṛbhiḥ | mitho nasanta jāmibhiḥ ||
Sanskrit only: no published translation is held for this verse.
उप स्रक्वेषु बप्सतः कृण्वते धरुणं दिवि । इन्द्रे अग्ना नमः स्वः ॥
upa srakveṣu bapsataḥ kṛṇvate dharuṇaṃ divi | indre agnā namaḥ svaḥ ||
Sanskrit only: no published translation is held for this verse.
अधुक्षत् पिप्युषीम् इषम् ऊर्जं सप्तपदीम् अरिः । सूर्यस्य सप्त रश्मिभिः ॥
adhukṣat pipyuṣīm iṣam ūrjaṃ saptapadīm ariḥ | sūryasya sapta raśmibhiḥ ||
Sanskrit only: no published translation is held for this verse.
सोमस्य मित्रावरुणोदिता सूर आ ददे । तद् आतुरस्य भेषजम् ॥
somasya mitrāvaruṇoditā sūra ā dade | tad āturasya bheṣajam ||
Sanskrit only: no published translation is held for this verse.
उतो न्व् अस्य यत् पदं हर्यतस्य निधान्यम् । परि द्यां जिह्वयातनत् ॥
uto nv asya yat padaṃ haryatasya nidhānyam | pari dyāṃ jihvayātanat ||
Sanskrit only: no published translation is held for this verse.