उद् ईराथाम् ऋतायते युञ्जाथाम् अश्विना रथम् । अन्ति षद् भूतु वाम् अवः ॥
ud īrāthām ṛtāyate yuñjāthām aśvinā ratham | anti ṣad bhūtu vām avaḥ ||
Sanskrit only: no published translation is held for this verse.
Library·Ṛgveda Saṃhitā·8·8.73
Ṛgveda Saṃhitā 8.73
निमिषश् चिज् जवीयसा रथेना यातम् अश्विना । अन्ति षद् भूतु वाम् अवः ॥
nimiṣaś cij javīyasā rathenā yātam aśvinā | anti ṣad bhūtu vām avaḥ ||
Sanskrit only: no published translation is held for this verse.
उप स्तृणीतम् अत्रये हिमेन घर्मम् अश्विना । अन्ति षद् भूतु वाम् अवः ॥
upa stṛṇītam atraye himena gharmam aśvinā | anti ṣad bhūtu vām avaḥ ||
Sanskrit only: no published translation is held for this verse.
कुह स्थः कुह जग्मथुः कुह श्येनेव पेतथुः । अन्ति षद् भूतु वाम् अवः ॥
kuha sthaḥ kuha jagmathuḥ kuha śyeneva petathuḥ | anti ṣad bhūtu vām avaḥ ||
Sanskrit only: no published translation is held for this verse.
यद् अद्य कर्हि कर्हि चिच् छुश्रूयातम् इमं हवम् । अन्ति षद् भूतु वाम् अवः ॥
yad adya karhi karhi cic chuśrūyātam imaṃ havam | anti ṣad bhūtu vām avaḥ ||
Sanskrit only: no published translation is held for this verse.
अश्विना यामहूतमा नेदिष्ठं याम्य् आप्यम् । अन्ति षद् भूतु वाम् अवः ॥
aśvinā yāmahūtamā nediṣṭhaṃ yāmy āpyam | anti ṣad bhūtu vām avaḥ ||
Sanskrit only: no published translation is held for this verse.
अवन्तम् अत्रये गृहं कृणुतं युवम् अश्विना । अन्ति षद् भूतु वाम् अवः ॥
avantam atraye gṛhaṃ kṛṇutaṃ yuvam aśvinā | anti ṣad bhūtu vām avaḥ ||
Sanskrit only: no published translation is held for this verse.
वरेथे अग्निम् आतपो वदते वल्ग्व् अत्रये । अन्ति षद् भूतु वाम् अवः ॥
varethe agnim ātapo vadate valgv atraye | anti ṣad bhūtu vām avaḥ ||
Sanskrit only: no published translation is held for this verse.
प्र सप्तवध्रिर् आशसा धाराम् अग्नेर् अशायत । अन्ति षद् भूतु वाम् अवः ॥
pra saptavadhrir āśasā dhārām agner aśāyata | anti ṣad bhūtu vām avaḥ ||
Sanskrit only: no published translation is held for this verse.
इहा गतं वृषण्वसू शृणुतम् म इमं हवम् । अन्ति षद् भूतु वाम् अवः ॥
ihā gataṃ vṛṣaṇvasū śṛṇutam ma imaṃ havam | anti ṣad bhūtu vām avaḥ ||
Sanskrit only: no published translation is held for this verse.
किम् इदं वाम् पुराणवज् जरतोर् इव शस्यते । अन्ति षद् भूतु वाम् अवः ॥
kim idaṃ vām purāṇavaj jarator iva śasyate | anti ṣad bhūtu vām avaḥ ||
Sanskrit only: no published translation is held for this verse.
समानं वां सजात्यं समानो बन्धुर् अश्विना । अन्ति षद् भूतु वाम् अवः ॥
samānaṃ vāṃ sajātyaṃ samāno bandhur aśvinā | anti ṣad bhūtu vām avaḥ ||
Sanskrit only: no published translation is held for this verse.
यो वां रजांस्य् अश्विना रथो वियाति रोदसी । अन्ति षद् भूतु वाम् अवः ॥
yo vāṃ rajāṃsy aśvinā ratho viyāti rodasī | anti ṣad bhūtu vām avaḥ ||
Sanskrit only: no published translation is held for this verse.
आ नो गव्येभिर् अश्व्यैः सहस्रैर् उप गच्छतम् । अन्ति षद् भूतु वाम् अवः ॥
ā no gavyebhir aśvyaiḥ sahasrair upa gacchatam | anti ṣad bhūtu vām avaḥ ||
Sanskrit only: no published translation is held for this verse.
मा नो गव्येभिर् अश्व्यैः सहस्रेभिर् अति ख्यतम् । अन्ति षद् भूतु वाम् अवः ॥
mā no gavyebhir aśvyaiḥ sahasrebhir ati khyatam | anti ṣad bhūtu vām avaḥ ||
Sanskrit only: no published translation is held for this verse.
अरुणप्सुर् उषा अभूद् अकर् ज्योतिर् ऋतावरी । अन्ति षद् भूतु वाम् अवः ॥
aruṇapsur uṣā abhūd akar jyotir ṛtāvarī | anti ṣad bhūtu vām avaḥ ||
Sanskrit only: no published translation is held for this verse.
अश्विना सु विचाकशद् वृक्षम् परशुमां इव । अन्ति षद् भूतु वाम् अवः ॥
aśvinā su vicākaśad vṛkṣam paraśumāṃ iva | anti ṣad bhūtu vām avaḥ ||
Sanskrit only: no published translation is held for this verse.
पुरं न धृष्णव् आ रुज कृष्णया बाधितो विशा । अन्ति षद् भूतु वाम् अवः ॥
puraṃ na dhṛṣṇav ā ruja kṛṣṇayā bādhito viśā | anti ṣad bhūtu vām avaḥ ||
Sanskrit only: no published translation is held for this verse.