विशो-विशो वो अतिथिं वाजयन्तः पुरुप्रियम् । अग्निं वो दुर्यं वच स्तुषे शूषस्य मन्मभिः ॥
viśo-viśo vo atithiṃ vājayantaḥ purupriyam | agniṃ vo duryaṃ vaca stuṣe śūṣasya manmabhiḥ ||
Sanskrit only: no published translation is held for this verse.
Library·Ṛgveda Saṃhitā·8·8.74
Ṛgveda Saṃhitā 8.74
यं जनासो हविष्मन्तो मित्रं न सर्पिरासुतिम् । प्रशंसन्ति प्रशस्तिभिः ॥
yaṃ janāso haviṣmanto mitraṃ na sarpirāsutim | praśaṃsanti praśastibhiḥ ||
Sanskrit only: no published translation is held for this verse.
पन्यांसं जातवेदसं यो देवतात्य् उद्यता । हव्यान्य् ऐरयद् दिवि ॥
panyāṃsaṃ jātavedasaṃ yo devatāty udyatā | havyāny airayad divi ||
Sanskrit only: no published translation is held for this verse.
आगन्म वृत्रहन्तमं ज्येष्ठम् अग्निम् आनवम् । यस्य श्रुतर्वा बृहन्न् आर्क्षो अनीक एधते ॥
āganma vṛtrahantamaṃ jyeṣṭham agnim ānavam | yasya śrutarvā bṛhann ārkṣo anīka edhate ||
Sanskrit only: no published translation is held for this verse.
अमृतं जातवेदसं तिरस् तमांसि दर्शतम् । घृताहवनम् ईड्यम् ॥
amṛtaṃ jātavedasaṃ tiras tamāṃsi darśatam | ghṛtāhavanam īḍyam ||
Sanskrit only: no published translation is held for this verse.
सबाधो यं जना इमे ऽग्निं हव्येभिर् ईळते । जुह्वानासो यतस्रुचः ॥
sabādho yaṃ janā ime 'gniṃ havyebhir īḷate | juhvānāso yatasrucaḥ ||
Sanskrit only: no published translation is held for this verse.
इयं ते नव्यसी मतिर् अग्ने अधाय्य् अस्मद् आ । मन्द्र सुजात सुक्रतो ऽमूर दस्मातिथे ॥
iyaṃ te navyasī matir agne adhāyy asmad ā | mandra sujāta sukrato 'mūra dasmātithe ||
Sanskrit only: no published translation is held for this verse.
सा ते अग्ने शन्तमा चनिष्ठा भवतु प्रिया । तया वर्धस्व सुष्टुतः ॥
sā te agne śantamā caniṣṭhā bhavatu priyā | tayā vardhasva suṣṭutaḥ ||
Sanskrit only: no published translation is held for this verse.
सा द्युम्नैर् द्युम्निनी बृहद् उपोप श्रवसि श्रवः । दधीत वृत्रतूर्ये ॥
sā dyumnair dyumninī bṛhad upopa śravasi śravaḥ | dadhīta vṛtratūrye ||
Sanskrit only: no published translation is held for this verse.
अश्वम् इद् गां रथप्रां त्वेषम् इन्द्रं न सत्पतिम् । यस्य श्रवांसि तूर्वथ पन्यम्-पन्यं च कृष्टयः ॥
aśvam id gāṃ rathaprāṃ tveṣam indraṃ na satpatim | yasya śravāṃsi tūrvatha panyam-panyaṃ ca kṛṣṭayaḥ ||
Sanskrit only: no published translation is held for this verse.
यं त्वा गोपवनो गिरा चनिष्ठद् अग्ने अङ्गिरः । स पावक श्रुधी हवम् ॥
yaṃ tvā gopavano girā caniṣṭhad agne aṅgiraḥ | sa pāvaka śrudhī havam ||
Sanskrit only: no published translation is held for this verse.
यं त्वा जनास ईळते सबाधो वाजसातये । स बोधि वृत्रतूर्ये ॥
yaṃ tvā janāsa īḷate sabādho vājasātaye | sa bodhi vṛtratūrye ||
Sanskrit only: no published translation is held for this verse.
अहं हुवान आर्क्षे श्रुतर्वणि मदच्युति । शर्धांसीव स्तुकाविनाम् मृक्षा शीर्षा चतुर्णाम् ॥
ahaṃ huvāna ārkṣe śrutarvaṇi madacyuti | śardhāṃsīva stukāvinām mṛkṣā śīrṣā caturṇām ||
Sanskrit only: no published translation is held for this verse.
मां चत्वार आशवः शविष्ठस्य द्रवित्नवः । सुरथासो अभि प्रयो वक्षन् वयो न तुग्र्यम् ॥
māṃ catvāra āśavaḥ śaviṣṭhasya dravitnavaḥ | surathāso abhi prayo vakṣan vayo na tugryam ||
Sanskrit only: no published translation is held for this verse.
सत्यम् इत् त्वा महेनदि परुष्ण्य् अव देदिशम् । नेम् आपो अश्वदातरः शविष्ठाद् अस्ति मर्त्यः ॥
satyam it tvā mahenadi paruṣṇy ava dediśam | nem āpo aśvadātaraḥ śaviṣṭhād asti martyaḥ ||
Sanskrit only: no published translation is held for this verse.