युक्ष्वा हि देवहूतमां अश्वां अग्ने रथीर् इव । नि होता पूर्व्यः सदः ॥
yukṣvā hi devahūtamāṃ aśvāṃ agne rathīr iva | ni hotā pūrvyaḥ sadaḥ ||
Sanskrit only: no published translation is held for this verse.
Library·Ṛgveda Saṃhitā·8·8.75
Ṛgveda Saṃhitā 8.75
उत नो देव देवां अच्छा वोचो विदुष्टरः । श्रद् विश्वा वार्या कृधि ॥
uta no deva devāṃ acchā voco viduṣṭaraḥ | śrad viśvā vāryā kṛdhi ||
Sanskrit only: no published translation is held for this verse.
त्वं ह यद् यविष्ठ्य सहसः सूनव् आहुत । ऋतावा यज्ञियो भुवः ॥
tvaṃ ha yad yaviṣṭhya sahasaḥ sūnav āhuta | ṛtāvā yajñiyo bhuvaḥ ||
Sanskrit only: no published translation is held for this verse.
अयम् अग्निः सहस्रिणो वाजस्य शतिनस् पतिः । मूर्धा कवी रयीणाम् ॥
ayam agniḥ sahasriṇo vājasya śatinas patiḥ | mūrdhā kavī rayīṇām ||
Sanskrit only: no published translation is held for this verse.
तं नेमिम् ऋभवो यथा नमस्व सहूतिभिः । नेदीयो यज्ञम् अङ्गिरः ॥
taṃ nemim ṛbhavo yathā namasva sahūtibhiḥ | nedīyo yajñam aṅgiraḥ ||
Sanskrit only: no published translation is held for this verse.
तस्मै नूनम् अभिद्यवे वाचा विरूप नित्यया । वृष्णे चोदस्व सुष्टुतिम् ॥
tasmai nūnam abhidyave vācā virūpa nityayā | vṛṣṇe codasva suṣṭutim ||
Sanskrit only: no published translation is held for this verse.
कम् उ ष्विद् अस्य सेनयाग्नेर् अपाकचक्षसः । पणिं गोषु स्तरामहे ॥
kam u ṣvid asya senayāgner apākacakṣasaḥ | paṇiṃ goṣu starāmahe ||
Sanskrit only: no published translation is held for this verse.
मा नो देवानां विशः प्रस्नातीर् इवोस्राः । कृशं न हासुर् अघ्न्याः ॥
mā no devānāṃ viśaḥ prasnātīr ivosrāḥ | kṛśaṃ na hāsur aghnyāḥ ||
Sanskrit only: no published translation is held for this verse.
मा नः समस्य दूढ्यः परिद्वेषसो अंहतिः । ऊर्मिर् न नावम् आ वधीत् ॥
mā naḥ samasya dūḍhyaḥ paridveṣaso aṃhatiḥ | ūrmir na nāvam ā vadhīt ||
Sanskrit only: no published translation is held for this verse.
नमस् ते अग्न ओजसे गृणन्ति देव कृष्टयः । अमैर् अमित्रम् अर्दय ॥
namas te agna ojase gṛṇanti deva kṛṣṭayaḥ | amair amitram ardaya ||
Sanskrit only: no published translation is held for this verse.
कुवित् सु नो गविष्टये ऽग्ने संवेषिषो रयिम् । उरुकृद् उरु णस् कृधि ॥
kuvit su no gaviṣṭaye 'gne saṃveṣiṣo rayim | urukṛd uru ṇas kṛdhi ||
Sanskrit only: no published translation is held for this verse.
मा नो अस्मिन् महाधने परा वर्ग् भारभृद् यथा । संवर्गं सं रयिं जय ॥
mā no asmin mahādhane parā varg bhārabhṛd yathā | saṃvargaṃ saṃ rayiṃ jaya ||
Sanskrit only: no published translation is held for this verse.
अन्यम् अस्मद् भिया इयम् अग्ने सिषक्तु दुच्छुना । वर्धा नो अमवच् छवः ॥
anyam asmad bhiyā iyam agne siṣaktu ducchunā | vardhā no amavac chavaḥ ||
Sanskrit only: no published translation is held for this verse.
यस्याजुषन् नमस्विनः शमीम् अदुर्मखस्य वा । तं घेद् अग्निर् वृधावति ॥
yasyājuṣan namasvinaḥ śamīm adurmakhasya vā | taṃ ghed agnir vṛdhāvati ||
Sanskrit only: no published translation is held for this verse.
परस्या अधि संवतो ऽवरां अभ्य् आ तर । यत्राहम् अस्मि तां अव ॥
parasyā adhi saṃvato 'varāṃ abhy ā tara | yatrāham asmi tāṃ ava ||
Sanskrit only: no published translation is held for this verse.
विद्मा हि ते पुरा वयम् अग्ने पितुर् यथावसः । अधा ते सुम्नम् ईमहे ॥
vidmā hi te purā vayam agne pitur yathāvasaḥ | adhā te sumnam īmahe ||
Sanskrit only: no published translation is held for this verse.