इमं नु मायिनं हुव इन्द्रम् ईशानम् ओजसा । मरुत्वन्तं न वृञ्जसे ॥
imaṃ nu māyinaṃ huva indram īśānam ojasā | marutvantaṃ na vṛñjase ||
Sanskrit only: no published translation is held for this verse.
Library·Ṛgveda Saṃhitā·8·8.76
Ṛgveda Saṃhitā 8.76
अयम् इन्द्रो मरुत्सखा वि वृत्रस्याभिनच् छिरः । वज्रेण शतपर्वणा ॥
ayam indro marutsakhā vi vṛtrasyābhinac chiraḥ | vajreṇa śataparvaṇā ||
Sanskrit only: no published translation is held for this verse.
वावृधानो मरुत्सखेन्द्रो वि वृत्रम् ऐरयत् । सृजन् समुद्रिया अपः ॥
vāvṛdhāno marutsakhendro vi vṛtram airayat | sṛjan samudriyā apaḥ ||
Sanskrit only: no published translation is held for this verse.
अयं ह येन वा इदं स्वर् मरुत्वता जितम् । इन्द्रेण सोमपीतये ॥
ayaṃ ha yena vā idaṃ svar marutvatā jitam | indreṇa somapītaye ||
Sanskrit only: no published translation is held for this verse.
मरुत्वन्तम् ऋजीषिणम् ओजस्वन्तं विरप्शिनम् । इन्द्रं गीर्भिर् हवामहे ॥
marutvantam ṛjīṣiṇam ojasvantaṃ virapśinam | indraṃ gīrbhir havāmahe ||
Sanskrit only: no published translation is held for this verse.
इन्द्रम् प्रत्नेन मन्मना मरुत्वन्तं हवामहे । अस्य सोमस्य पीतये ॥
indram pratnena manmanā marutvantaṃ havāmahe | asya somasya pītaye ||
Sanskrit only: no published translation is held for this verse.
मरुत्वां इन्द्र मीढ्वः पिबा सोमं शतक्रतो । अस्मिन् यज्ञे पुरुष्टुत ॥
marutvāṃ indra mīḍhvaḥ pibā somaṃ śatakrato | asmin yajñe puruṣṭuta ||
Sanskrit only: no published translation is held for this verse.
तुभ्येद् इन्द्र मरुत्वते सुताः सोमासो अद्रिवः । हृदा हूयन्त उक्थिनः ॥
tubhyed indra marutvate sutāḥ somāso adrivaḥ | hṛdā hūyanta ukthinaḥ ||
Sanskrit only: no published translation is held for this verse.
पिबेद् इन्द्र मरुत्सखा सुतं सोमं दिविष्टिषु । वज्रं शिशान ओजसा ॥
pibed indra marutsakhā sutaṃ somaṃ diviṣṭiṣu | vajraṃ śiśāna ojasā ||
Sanskrit only: no published translation is held for this verse.
उत्तिष्ठन्न् ओजसा सह पीत्वी शिप्रे अवेपयः । सोमम् इन्द्र चमू सुतम् ॥
uttiṣṭhann ojasā saha pītvī śipre avepayaḥ | somam indra camū sutam ||
Sanskrit only: no published translation is held for this verse.
अनु त्वा रोदसी उभे क्रक्षमाणम् अकृपेताम् । इन्द्र यद् दस्युहाभवः ॥
anu tvā rodasī ubhe krakṣamāṇam akṛpetām | indra yad dasyuhābhavaḥ ||
Sanskrit only: no published translation is held for this verse.
वाचम् अष्टापदीम् अहं नवस्रक्तिम् ऋतस्पृशम् । इन्द्रात् परि तन्वम् ममे ॥
vācam aṣṭāpadīm ahaṃ navasraktim ṛtaspṛśam | indrāt pari tanvam mame ||
Sanskrit only: no published translation is held for this verse.