Ṛgveda Saṃhitā 8.77

जज्ञानो नु शतक्रतुर् वि पृच्छद् इति मातरम् । क उग्राः के ह शृण्विरे ॥

jajñāno nu śatakratur vi pṛcchad iti mātaram | ka ugrāḥ ke ha śṛṇvire ||

Sanskrit only: no published translation is held for this verse.

आद् ईं शवस्य् अब्रवीद् और्णवाभम् अहीशुवम् । ते पुत्र सन्तु निष्टुरः ॥

ād īṃ śavasy abravīd aurṇavābham ahīśuvam | te putra santu niṣṭuraḥ ||

Sanskrit only: no published translation is held for this verse.

सम् इत् तान् वृत्रहाखिदत् खे अरां इव खेदया । प्रवृद्धो दस्युहाभवत् ॥

sam it tān vṛtrahākhidat khe arāṃ iva khedayā | pravṛddho dasyuhābhavat ||

Sanskrit only: no published translation is held for this verse.

एकया प्रतिधापिबत् साकं सरांसि त्रिंशतम् । इन्द्रः सोमस्य काणुका ॥

ekayā pratidhāpibat sākaṃ sarāṃsi triṃśatam | indraḥ somasya kāṇukā ||

Sanskrit only: no published translation is held for this verse.

अभि गन्धर्वम् अतृणद् अबुध्नेषु रजस्स्व् आ । इन्द्रो ब्रह्मभ्य इद् वृधे ॥

abhi gandharvam atṛṇad abudhneṣu rajassv ā | indro brahmabhya id vṛdhe ||

Sanskrit only: no published translation is held for this verse.

निर् आविध्यद् गिरिभ्य आ धारयत् पक्वम् ओदनम् । इन्द्रो बुन्दं स्वाततम् ॥

nir āvidhyad giribhya ā dhārayat pakvam odanam | indro bundaṃ svātatam ||

Sanskrit only: no published translation is held for this verse.

शतब्रध्न इषुस् तव सहस्रपर्ण एक इत् । यम् इन्द्र चकृषे युजम् ॥

śatabradhna iṣus tava sahasraparṇa eka it | yam indra cakṛṣe yujam ||

Sanskrit only: no published translation is held for this verse.

तेन स्तोतृभ्य आ भर नृभ्यो नारिभ्यो अत्तवे । सद्यो जात ऋभुष्ठिर ॥

tena stotṛbhya ā bhara nṛbhyo nāribhyo attave | sadyo jāta ṛbhuṣṭhira ||

Sanskrit only: no published translation is held for this verse.

एता च्यौत्नानि ते कृता वर्षिष्ठानि परीणसा । हृदा वीड्व् अधारयः ॥

etā cyautnāni te kṛtā varṣiṣṭhāni parīṇasā | hṛdā vīḍv adhārayaḥ ||

Sanskrit only: no published translation is held for this verse.

विश्वेत् ता विष्णुर् आभरद् उरुक्रमस् त्वेषितः । शतम् महिषान् क्षीरपाकम् ओदनं वराहम् इन्द्र एमुषम् ॥

viśvet tā viṣṇur ābharad urukramas tveṣitaḥ | śatam mahiṣān kṣīrapākam odanaṃ varāham indra emuṣam ||

Sanskrit only: no published translation is held for this verse.

तुविक्षं ते सुकृतं सूमयं धनुः साधुर् बुन्दो हिरण्ययः । उभा ते बाहू रण्या सुसंस्कृत ऋदूपे चिद् ऋदूवृधा ॥

tuvikṣaṃ te sukṛtaṃ sūmayaṃ dhanuḥ sādhur bundo hiraṇyayaḥ | ubhā te bāhū raṇyā susaṃskṛta ṛdūpe cid ṛdūvṛdhā ||

Sanskrit only: no published translation is held for this verse.