Ṛgveda Saṃhitā 8.78

पुरोळाशं नो अन्धस इन्द्र सहस्रम् आ भर । शता च शूर गोनाम् ॥

puroḷāśaṃ no andhasa indra sahasram ā bhara | śatā ca śūra gonām ||

Sanskrit only: no published translation is held for this verse.

आ नो भर व्यञ्जनं गाम् अश्वम् अभ्यञ्जनम् । सचा मना हिरण्यया ॥

ā no bhara vyañjanaṃ gām aśvam abhyañjanam | sacā manā hiraṇyayā ||

Sanskrit only: no published translation is held for this verse.

उत नः कर्णशोभना पुरूणि धृष्णव् आ भर । त्वं हि शृण्विषे वसो ॥

uta naḥ karṇaśobhanā purūṇi dhṛṣṇav ā bhara | tvaṃ hi śṛṇviṣe vaso ||

Sanskrit only: no published translation is held for this verse.

नकीं वृधीक इन्द्र ते न सुषा न सुदा उत । नान्यस् त्वच् छूर वाघतः ॥

nakīṃ vṛdhīka indra te na suṣā na sudā uta | nānyas tvac chūra vāghataḥ ||

Sanskrit only: no published translation is held for this verse.

नकीम् इन्द्रो निकर्तवे न शक्रः परिशक्तवे । विश्वं शृणोति पश्यति ॥

nakīm indro nikartave na śakraḥ pariśaktave | viśvaṃ śṛṇoti paśyati ||

Sanskrit only: no published translation is held for this verse.

स मन्युम् मर्त्यानाम् अदब्धो नि चिकीषते । पुरा निदश् चिकीषते ॥

sa manyum martyānām adabdho ni cikīṣate | purā nidaś cikīṣate ||

Sanskrit only: no published translation is held for this verse.

क्रत्व इत् पूर्णम् उदरं तुरस्यास्ति विधतः । वृत्रघ्नः सोमपाव्नः ॥

kratva it pūrṇam udaraṃ turasyāsti vidhataḥ | vṛtraghnaḥ somapāvnaḥ ||

Sanskrit only: no published translation is held for this verse.

त्वे वसूनि संगता विश्वा च सोम सौभगा । सुदात्व् अपरिह्वृता ॥

tve vasūni saṃgatā viśvā ca soma saubhagā | sudātv aparihvṛtā ||

Sanskrit only: no published translation is held for this verse.

त्वाम् इद् यवयुर् मम कामो गव्युर् हिरण्ययुः । त्वाम् अश्वयुर् एषते ॥

tvām id yavayur mama kāmo gavyur hiraṇyayuḥ | tvām aśvayur eṣate ||

Sanskrit only: no published translation is held for this verse.

तवेद् इन्द्राहम् आशसा हस्ते दात्रं चना ददे । दिनस्य वा मघवन् सम्भृतस्य वा पूर्धि यवस्य काशिना ॥

taved indrāham āśasā haste dātraṃ canā dade | dinasya vā maghavan sambhṛtasya vā pūrdhi yavasya kāśinā ||

Sanskrit only: no published translation is held for this verse.