अयं कृत्नुर् अगृभीतो विश्वजिद् उद्भिद् इत् सोमः । ऋषिर् विप्रः काव्येन ॥
ayaṃ kṛtnur agṛbhīto viśvajid udbhid it somaḥ | ṛṣir vipraḥ kāvyena ||
Sanskrit only: no published translation is held for this verse.
Library·Ṛgveda Saṃhitā·8·8.79
Ṛgveda Saṃhitā 8.79
अभ्य् ऊर्णोति यन् नग्नम् भिषक्ति विश्वं यत् तुरम् । प्रेम् अन्धः ख्यन् निः श्रोणो भूत् ॥
abhy ūrṇoti yan nagnam bhiṣakti viśvaṃ yat turam | prem andhaḥ khyan niḥ śroṇo bhūt ||
Sanskrit only: no published translation is held for this verse.
त्वं सोम तनूकृद्भ्यो द्वेषोभ्यो ऽन्यकृतेभ्यः । उरु यन्तासि वरूथम् ॥
tvaṃ soma tanūkṛdbhyo dveṣobhyo 'nyakṛtebhyaḥ | uru yantāsi varūtham ||
Sanskrit only: no published translation is held for this verse.
त्वं चित्ती तव दक्षैर् दिव आ पृथिव्या ऋजीषिन् । यावीर् अघस्य चिद् द्वेषः ॥
tvaṃ cittī tava dakṣair diva ā pṛthivyā ṛjīṣin | yāvīr aghasya cid dveṣaḥ ||
Sanskrit only: no published translation is held for this verse.
अर्थिनो यन्ति चेद् अर्थं गच्छान् इद् ददुषो रातिम् । ववृज्युस् तृष्यतः कामम् ॥
arthino yanti ced arthaṃ gacchān id daduṣo rātim | vavṛjyus tṛṣyataḥ kāmam ||
Sanskrit only: no published translation is held for this verse.
विदद् यत् पूर्व्यं नष्टम् उद् ईम् ऋतायुम् ईरयत् । प्रेम् आयुस् तारीद् अतीर्णम् ॥
vidad yat pūrvyaṃ naṣṭam ud īm ṛtāyum īrayat | prem āyus tārīd atīrṇam ||
Sanskrit only: no published translation is held for this verse.
सुशेवो नो मृळयाकुर् अदृप्तक्रतुर् अवातः । भवा नः सोम शं हृदे ॥
suśevo no mṛḷayākur adṛptakratur avātaḥ | bhavā naḥ soma śaṃ hṛde ||
Sanskrit only: no published translation is held for this verse.
मा नः सोम सं वीविजो मा वि बीभिषथा राजन् । मा नो हार्दि त्विषा वधीः ॥
mā naḥ soma saṃ vīvijo mā vi bībhiṣathā rājan | mā no hārdi tviṣā vadhīḥ ||
Sanskrit only: no published translation is held for this verse.
अव यत् स्वे सधस्थे देवानां दुर्मतीर् ईक्षे । राजन्न् अप द्विषः सेध मीढ्वो अप स्रिधः सेध ॥
ava yat sve sadhasthe devānāṃ durmatīr īkṣe | rājann apa dviṣaḥ sedha mīḍhvo apa sridhaḥ sedha ||
Sanskrit only: no published translation is held for this verse.