आ तू न इन्द्र क्षुमन्तं चित्रं ग्राभं सं गृभाय । महाहस्ती दक्षिणेन ॥
ā tū na indra kṣumantaṃ citraṃ grābhaṃ saṃ gṛbhāya | mahāhastī dakṣiṇena ||
Sanskrit only: no published translation is held for this verse.
Library·Ṛgveda Saṃhitā·8·8.81
Ṛgveda Saṃhitā 8.81
विद्मा हि त्वा तुविकूर्मिं तुविदेष्णं तुवीमघम् । तुविमात्रम् अवोभिः ॥
vidmā hi tvā tuvikūrmiṃ tuvideṣṇaṃ tuvīmagham | tuvimātram avobhiḥ ||
Sanskrit only: no published translation is held for this verse.
नहि त्वा शूर देवा न मर्तासो दित्सन्तम् । भीमं न गां वारयन्ते ॥
nahi tvā śūra devā na martāso ditsantam | bhīmaṃ na gāṃ vārayante ||
Sanskrit only: no published translation is held for this verse.
एतो न्व् इन्द्रं स्तवामेशानं वस्वः स्वराजम् । न राधसा मर्धिषन् नः ॥
eto nv indraṃ stavāmeśānaṃ vasvaḥ svarājam | na rādhasā mardhiṣan naḥ ||
Sanskrit only: no published translation is held for this verse.
प्र स्तोषद् उप गासिषच् छ्रवत् साम गीयमानम् । अभि राधसा जुगुरत् ॥
pra stoṣad upa gāsiṣac chravat sāma gīyamānam | abhi rādhasā jugurat ||
Sanskrit only: no published translation is held for this verse.
आ नो भर दक्षिणेनाभि सव्येन प्र मृश । इन्द्र मा नो वसोर् निर् भाक् ॥
ā no bhara dakṣiṇenābhi savyena pra mṛśa | indra mā no vasor nir bhāk ||
Sanskrit only: no published translation is held for this verse.
उप क्रमस्वा भर धृषता धृष्णो जनानाम् । अदाशूष्टरस्य वेदः ॥
upa kramasvā bhara dhṛṣatā dhṛṣṇo janānām | adāśūṣṭarasya vedaḥ ||
Sanskrit only: no published translation is held for this verse.
इन्द्र य उ नु ते अस्ति वाजो विप्रेभिः सनित्वः । अस्माभिः सु तं सनुहि ॥
indra ya u nu te asti vājo viprebhiḥ sanitvaḥ | asmābhiḥ su taṃ sanuhi ||
Sanskrit only: no published translation is held for this verse.
सद्योजुवस् ते वाजा अस्मभ्यं विश्वश्चन्द्राः । वशैश् च मक्षू जरन्ते ॥
sadyojuvas te vājā asmabhyaṃ viśvaścandrāḥ | vaśaiś ca makṣū jarante ||
Sanskrit only: no published translation is held for this verse.