आ प्र द्रव परावतो ऽर्वावतश् च वृत्रहन् । मध्वः प्रति प्रभर्मणि ॥
ā pra drava parāvato 'rvāvataś ca vṛtrahan | madhvaḥ prati prabharmaṇi ||
Sanskrit only: no published translation is held for this verse.
Library·Ṛgveda Saṃhitā·8·8.82
Ṛgveda Saṃhitā 8.82
तीव्राः सोमास आ गहि सुतासो मादयिष्णवः । पिबा दधृग् यथोचिषे ॥
tīvrāḥ somāsa ā gahi sutāso mādayiṣṇavaḥ | pibā dadhṛg yathociṣe ||
Sanskrit only: no published translation is held for this verse.
इषा मन्दस्वाद् उ ते ऽरं वराय मन्यवे । भुवत् त इन्द्र शं हृदे ॥
iṣā mandasvād u te 'raṃ varāya manyave | bhuvat ta indra śaṃ hṛde ||
Sanskrit only: no published translation is held for this verse.
आ त्व् अशत्रव् आ गहि न्य् उक्थानि च हूयसे । उपमे रोचने दिवः ॥
ā tv aśatrav ā gahi ny ukthāni ca hūyase | upame rocane divaḥ ||
Sanskrit only: no published translation is held for this verse.
तुभ्यायम् अद्रिभिः सुतो गोभिः श्रीतो मदाय कम् । प्र सोम इन्द्र हूयते ॥
tubhyāyam adribhiḥ suto gobhiḥ śrīto madāya kam | pra soma indra hūyate ||
Sanskrit only: no published translation is held for this verse.
इन्द्र श्रुधि सु मे हवम् अस्मे सुतस्य गोमतः । वि पीतिं तृप्तिम् अश्नुहि ॥
indra śrudhi su me havam asme sutasya gomataḥ | vi pītiṃ tṛptim aśnuhi ||
Sanskrit only: no published translation is held for this verse.
य इन्द्र चमसेष्व् आ सोमश् चमूषु ते सुतः । पिबेद् अस्य त्वम् ईशिषे ॥
ya indra camaseṣv ā somaś camūṣu te sutaḥ | pibed asya tvam īśiṣe ||
Sanskrit only: no published translation is held for this verse.
यो अप्सु चन्द्रमा इव सोमश् चमूषु ददृशे । पिबेद् अस्य त्वम् ईशिषे ॥
yo apsu candramā iva somaś camūṣu dadṛśe | pibed asya tvam īśiṣe ||
Sanskrit only: no published translation is held for this verse.
यं ते श्येनः पदाभरत् तिरो रजांस्य् अस्पृतम् । पिबेद् अस्य त्वम् ईशिषे ॥
yaṃ te śyenaḥ padābharat tiro rajāṃsy aspṛtam | pibed asya tvam īśiṣe ||
Sanskrit only: no published translation is held for this verse.