देवानाम् इद् अवो महत् तद् आ वृणीमहे वयम् । वृष्णाम् अस्मभ्यम् ऊतये ॥
devānām id avo mahat tad ā vṛṇīmahe vayam | vṛṣṇām asmabhyam ūtaye ||
Sanskrit only: no published translation is held for this verse.
Library·Ṛgveda Saṃhitā·8·8.83
Ṛgveda Saṃhitā 8.83
ते नः सन्तु युजः सदा वरुणो मित्रो अर्यमा । वृधासश् च प्रचेतसः ॥
te naḥ santu yujaḥ sadā varuṇo mitro aryamā | vṛdhāsaś ca pracetasaḥ ||
Sanskrit only: no published translation is held for this verse.
अति नो विष्पिता पुरु नौभिर् अपो न पर्षथ । यूयम् ऋतस्य रथ्यः ॥
ati no viṣpitā puru naubhir apo na parṣatha | yūyam ṛtasya rathyaḥ ||
Sanskrit only: no published translation is held for this verse.
वामं नो अस्त्व् अर्यमन् वामं वरुण शंस्यम् । वामं ह्य् आवृणीमहे ॥
vāmaṃ no astv aryaman vāmaṃ varuṇa śaṃsyam | vāmaṃ hy āvṛṇīmahe ||
Sanskrit only: no published translation is held for this verse.
वामस्य हि प्रचेतस ईशानाशो रिशादसः । नेम् आदित्या अघस्य यत् ॥
vāmasya hi pracetasa īśānāśo riśādasaḥ | nem ādityā aghasya yat ||
Sanskrit only: no published translation is held for this verse.
वयम् इद् वः सुदानवः क्षियन्तो यान्तो अध्वन्न् आ । देवा वृधाय हूमहे ॥
vayam id vaḥ sudānavaḥ kṣiyanto yānto adhvann ā | devā vṛdhāya hūmahe ||
Sanskrit only: no published translation is held for this verse.
अधि न इन्द्रैषां विष्णो सजात्यानाम् । इता मरुतो अश्विना ॥
adhi na indraiṣāṃ viṣṇo sajātyānām | itā maruto aśvinā ||
Sanskrit only: no published translation is held for this verse.
प्र भ्रातृत्वं सुदानवो ऽध द्विता समान्या । मातुर् गर्भे भरामहे ॥
pra bhrātṛtvaṃ sudānavo 'dha dvitā samānyā | mātur garbhe bharāmahe ||
Sanskrit only: no published translation is held for this verse.
यूयं हि ष्ठा सुदानव इन्द्रज्येष्ठा अभिद्यवः । अधा चिद् व उत ब्रुवे ॥
yūyaṃ hi ṣṭhā sudānava indrajyeṣṭhā abhidyavaḥ | adhā cid va uta bruve ||
Sanskrit only: no published translation is held for this verse.